Daong urang ngak gaok kan kandah kayua Covid-19

Patui danak dak mbang nyaom ka 14 di UBTV QH, harei ini 11/8, UBTVQH brei panuac camereip ka dự thảo pathau khan bruk pasang iek kadha “Bruk peih ngak sarak, hukum ka patak pataom, pacang caga palai pajua vaktu 2016 - 2021”;  pasang iek panuac caong di Rajaei pambuak tal bruk peih ngak sarak daong urang ngak saong urang pandar urang ngak gaok kan kandah kayua jit COVID-19 meng Kadung jien BH thất nghiệp. Pasang iek, brei tapa 02 dự thảo Sarak ka bruk: Padang ngak ban sit Bình Phú, huyện Cai Lậy, tỉnh Tiền Giang; padang ban sit Chơn Thành saong padang dom phường di ban sit Chơn Thành, tỉnh Bình Phước.

Rajaei hu panuac caong Thường vụ Quốc hội brei adat buh tabiak gilac labaih 1.155 tỉ đồng meng kadung jien Bảo hiểm oh hu bruk ngak piah daong urang ngak gaok kan kandah kayua jit praong Covid-19. Dahlau di nan, bilan 09/2021, Ủy ban Thường vụ Quốc hội tabiak sarak daong urang ngak, doanh nghiệp gaok kan kandah kayua Covid-19 meng kadung jien Bảo hiểm oh hu bruk ngak. Tukvak peih ngak meng harei 1/10/2021  tal harei 31/12/2021. Kuhria tal harei 31/12/2021, gah bảo hiểm xã hội hu bayar jien ka jaik 13 triệu urang ngak lac urang njauk daong, haong yaom jien bayar brei abih tih lac 30.804 tỉ đồng.  

Pasak khik iek jalan mbak công cộng Ban raya HCM birau peih jalan radaih buyt  TP.HCM – Long An – Tiền Giang, piah duh ka bruk nao mai di tuai damuai 3 tỉnh ban nan. Yaok harei radaih buyt nan hu peih 54 mbang, peih meng 5h – 18 tuk. Jalan peih atah 85 km meng mblang radaih buyt Tân Phú (TP.HCM) – mblang radaih buyt Tiền Giang, kuhria rah tapa dalam 15 minit hu sa sruh peih, yaom vé meng 12.000 – 70.000 đông sa mbang. Ta-eng tuai lac anek saih sinh viên ndik radaih dalam tỉnh Tiền Giang, Long An atau dalam ban raya HCM, yaom vé 7.000 đồng sa mbang.

Tỉnh Bà Rịa - Vũng Tàu bahrau hu 1 urang metai kayua pandiak tabiak darah. Urang nan, lac kumei, ndih tapui thun 1989, daok di ban sit Phú Mỹ. Dahlau di nan, harei 26/7, urang ruak mboh pandiak, pandik akaok, eng drei nao blei jru mai menyum. Tal harei 29/7, urang ruak mboh glaih rilo nan ye hu gauk gar ba tame Pasak Y tế phường Phước Hòa. Kayua ruak trak, nan ye Pasak hu tacei pato, ba urang ruak nao cấp cứu di sang iek ruak Bà Rịa, hadei di nan ba tagok Sang iek ruak Chợ Rẫy (TP.HCM).  Tal harei 30/7, urang ruak nan metai. Ini lac urang metai ka 5 kayua pandiak tabiak darah di  Bà Rịa - Vũng Tàu.

Tỉnh Kiên Giang birau brei thau bruk kỷ luật Cảnh cáo gah Đảng ngan haong ong Hà Văn Phúc, Yam ndoc Sở Y tế Kiên Giang. Dahlau di nan, di mbang nyaom ka 10 di harei 20/7, UB pasang iek Tỉnh ủy pok panuac tagok BCH Đảng bộ tỉnh, ban thường vụ Tỉnh uỷ langyah kỷ luật  tui jalan cảnh cáo  ngan haong ong Hà Văn Phúc, Tỉnh uỷ viênYam ndoc Sở Y tế Kiên Giang kayua dom bruk ngak suan dalam tuk ngak akaok ban jalan ka bruk pacang caga jit, đấu thầu, blei sinh phẩm, kit dut iek ruak SARS-CoV-2.

Urang pan akaok Triều Tiên lac Kim Jong-un hu tabiak panuac lac taneh ia ini hu jayah dalam bruk mesruh pacang jit COVID-19. Panuac nan hu ba tabiak dalam tuk Triều Tiên oh hu urang halei njauk COVID-19 dalam labaih 1 adit bloh. Ong Kim Jong-un jeng brei klaak dom jalan pacang caga jit di pakat glaong di abih, min jeng ndom lac Triều Tiên brei khik paga pacang jit khang kadang mbiah tal tuk bruk srau kadau y tế dunya ini oh daok. Harei 12/5, hu urang njauk COVID-19 camereip abih di Triều Tiên, hadei di nan, brei pacang veik negar. Dom urang ruak pandiak yaok harei di Triều Tiên glaong abih lac harei 15/5 hu 392.920 urang, saong tal harei 29/7 oh daok urang halei njauk pandiak glaong.

Gah khik caga ar tasik Hy Lạp brei peih ngak dom bruk daong duah urang gaok bala dalam harei 10/8 hadei di tuk thau hu labaih 50 urang lahik di sa sruh kapal gilai pajeng urang di cư karam  di tasik Biển Aegean. Urak ini bruk daong duah urang gaok bala rilo kan kandah kayua hangin khang tagok tal 50km/h meng bilan 1 thun ini hu 60 urang  metai di gah Đông Địa Trung Hải, dalam nan hu bruk birau ini hu 8 urang metai langiu tasik di Hy Lạp harei 19/6.

Iran kakei blei pandap dunya camereip abih meng jien điện tử yaom 10 triệu USD. Dom urang pasang iek mboh lac, bruk ini meda daong ka Iran plaih hu dom lệnh trừng phạt di Mỹ, daok ngak brei kan kandah kinh tế taneh ia ini. Iran daok glaih glar dalam yaok pluh thun tapa kayua bruk cấm vận kinh tế, dalam nan pamaong tame gah menyek, gilang pariak saong pajeng ba jalan tasik di taneh ia ini. Thun 2019, Rajaei Iran brei ramik veik adat hukum ka drap ar kỹ thuật số, brei adat pandar jien điện tử piah bayar jien blei pandap meng negar langiu./.

Urang lang: Bhumi & M. Phuong – 11/08