Pasang iek bruk ramik pasiam veik dom khut khat kayua ia sua ba mai saong rivang bhap bini, gah kong an, bol lin, dam dara di tỉnh Yên Bái tuk page ini (12/9) Thu tuong Phạm Minh Chính caong khin bhap bini samar ramik pasiam dom khut tayah saong yam tapa kan kandah ini samar tani tanat raidiuk, dom gah chuc nang daong ka mikva bhap bini, gam haong bhap bini ramik pasiam veik dom khut tayah hadei di ribuk ia sua. Gam haong nan, klah rabha haong gah kong an  ban Yên Bái saong gah bol lin, caong khin dom adei sa-ai prein yawa khang kajap, khang tangin kajap takai, abih hatai haong bhap bini.

Kayua rilo tỉnh, ban gah brak daok pataom tame ramik ngak pasiam dom khut tayah, khat lahik meng rabuk ka 3 saong meng hajan ia sua hadei di rabuk, Mintri Lao động - Thương binh saong Xã hội hu panuac ieu dom tỉnh, ban sangka peih ngak dom bruk di Tết Trung thu ka dom uranaih habar ka nyu lagaih. Dalam nan, dom tinh ban brei cak hatai ngak dahlau bruk brei pandap Trung thu tal dom adei sit gaok kan kandah, dom uranaih sang kathaot saong jaik si kathaot, uranaih bhum bangsa takik, bhum atah bayah, bhum taphia negar, kaoh pulao, uranaih metui saong uraniah gaok kan kandah kayua hajan, rabuk, bala meng langik tasik. 

UBND tỉnh An Giang birau khan brei thau Sarak di Thủ tướng Rajaei taduan brei huyện Thoại Sơn mek hu tanut chuan palei pala birau paglong thun 2023. Ong Dương Ngọc Lắm, Akok UBND huyện Thoại Sơn khan lac: Labaih 13 thun peih ngak Danak dak padang ngak palei pala birau, tal urak ini dalam huyện hu 14/14 xã mek hu tanut chuan palei pala birau paglong, 2 xã mek hu tanut chuan palei pala birau kieu mau gah pato megru saong padang bruk ngak  mbang pala drak, taong abih 3 ban sit mek hu tanut chuan do thi ilamo. Jien mek tame yaok tui kok manuac di huyen hu jaik 74 trieu dong sa urang sa thun.  

Tukvak ini, urang ngak nong dom tỉnh gah pai daok pataom tame yuak padai Hè thu. Di dom tinh ban hu taneh ngak padai rilo yau ye An Giang, Đồng Tháp, TP Cần Thơ…, yaom dom janih padai hu urang kak kaiy mai blei yaom glaong jang meng 300 đồng tal 500 đồng/kg duk haong akaok thun. Bruk njauk biai nan lac, padai ST25 yaom tagok 13.000 đồng/kg, glaong jang 3.000 đồng/kg duk haong tukvak ini thun blaoh. Meng năng suất labaih kurang 7 tấn/ha, rilo urang nong pala padai ST25 daok hu laba 50 triệu đồng/ha, glaong jang 2 mbang duk haong pala dom pajaih padai karei. 

Tui Pasak Pasang iek ruak kik TPHCM, meng harei tame thun bac birau tal harei ini, hu tamuh veik rilo jit ruak dalam sang bac tieu hoc. Nan ye, Sở pato megru ban raya tacei pato dom sang bac samar yaok kuhria dom anek saih oh ka klauk jru pacanng sởi ginup, pambuak bruk haong gah y te klauk ginup jru vaccine piah pacang caga jit ruak, plaih njiak ruak njom mbak. Tui nan, pakhang bruk ngak hacih, khu khuan, abih di nyu nan lac dom sang bac hu anek saih njom ruak sởi dahlau di nan.

Thủ tướng bahrau di Thái Lan lac Paetongtarn Shinawatra daok caga ba tabiak brei thau sarak bahrau di rajaei anak Quốc hội, dalam nan hu bruk parabha 450 tỷ baht (samu 13,4 tỷ đô la) jien daong piah jhul patagok. Dom sarak jaik hu ba tabiak khan brei thau nan, rilo meng patui jalan di Thủ tướng dahlau nan, hu bruk rami ramik veik cấu trúc sraiy saong brei adat dom sòng bạc piah dui pachreih urang buh jien tame ngak mbang saong hu rilo tuai mai ravang me-in jang. Rajaei Thái Lan ndom lac, sarak ini, lac brei hu piah jhul patagok kinh tế taneh ia. 

Dalam sa panuac ndom hadei di tuk Triều Tiên cuh dom tên lửa đạn đạo biar tabiak bhum tasik Đông Bán đảo Triều Tiên, Thủ tướng Nhật Bản Fumio Kishida iew taong abih dom gah bol lin “brei ramik caga hoang dom bruk meda rah tabiak oh thau dahlau”; tui nan brei pasang iek tani tanat, khik brei salamat abih ka dom urang ngak mbang di tasik, gilai saong kapal haok di Nhật Bản. Hội đồng Tham mưu trưởng Liên quân Hàn Quốc mboh lac, dom tên lửa đạn đảo cuh biar hu cuh meng bhum Bình Nhưỡng di Triều Tiên mon 7 tuk 10 minit page ini tui tukvak pak nan.

Tổng thống Mỹ Joe Biden, Phó Tổng thống Kamala Harris saong  Tổng thống dahlau daih Donald Trump hu mbaok pahadar dom menuac matai dalam mbang khủng bố di Mỹ ngak tatuan megei dunya atah di ini 23 thun. Dalam sa panuac ndom, Phó Tổng thống Harris brei mboh bruk jum pataom haong gauk gar di dom menuac matai. Amuk jeng ndom lac, Rajaei Mỹ daok pok meyaom bruk daong gauk di bhap bini di harei pandik harao nan. Bruk khủng bố harei 11/9/2001 ngak brei 2.996 menuac matai./.