Pho thu tuong Rajaei Lê Minh Khái birau mbaoh tangin tame harak ka bruk trun jien pah taneh dalam thun, hu brei ngak tui meng harei 20/11/2023. Tui nan, Rajaei njauk hatai haong bruk brei trun 30% jien pah taneh brei bayar tame dalam thun ini ngan haong urang pah taneh tui bruk ba tabiak. Oh brei trun jien pah taneh daok tavak meng dom thun dahlau di thun 2023 saong suai bayar jien. Harak pathau khan birau abih payua Rajaei, Mentri KH saong ĐT brei thau mbiah tal bilan 7 thun 2023 ngak brei trun jien pah taneh, pah mbaok ia ngan dom urang gaok kan kandah kayua jit COVID-19 lac 3.176 tỉ đồng.  

Kapul Điện lực Việt Nam (EVN) bahrau ngak bruk haong tỉnh Sóc Trăng saong Bà Rịa-Vũng Tàu piah njauk gauk ba tabiak jalan ka Danak dak pabak dien meng talei dien negar 110kV ka huyện Côn Đảo, tỉnh Bà Rịa - Vũng Tàu. Danak dak pabak dien meng talei dien negar ka Huyện Côn Đảo atah abih tih jaik 104km, meng ban sit Vĩnh Châu (tỉnh Sóc Trăng) yam tapa tasik tal Côn Đảo. Abih tih phun jien peih ngak danak dak lac jaik 5.000 tỷ đồng. Danak dak pabak dien meng talei dien negar 110kV ka huyện Côn Đảo ngan haong jalan ba tabiak lac pabak dien tani tanat, samalam ka Côn Đảo piah cak rok patagok kinh tế - xã hội, khik kajap an ninh quốc phòng, pabak hu hatai caong di rahra Côn Đảo.

Urak ini, arieng tasik ralo yaok janih di tỉnh Trà Vinh tagok meng 30.000 tal 50.000 đồng sa kilo dut saong bilan 9. Dalam nan, arieng gạch praong 3 drei trak sa kilo yaom 400.000 – 450.000 đồng sa kilo; arieng rilo drei praong 1-2 drei trak sa kilo blei tame 300.000 – 350.000 đồng sa kilo. Tui Sở Ngak ngak  saong Patagok palei pala tỉnh Trà Vinh, jaik abih urang raong arieng tasik  dalam tỉnh mek hu jien tame glong, yaom arieng tasik thun ini pablei tani tanat, darak pasar  pablei hu ralo. Gam haong nan, raong arieng tasik abih takik phun jien, takik khat lahik. Tui kuhria, raong arieng tasik  meng 4 tal 5 bilan brei mek hu meng 800 kilo tal 1 tấn 200 kilo arieng ka sa hecta sa vụ, ngan haong  arieng rilo kuhria rah tapa yaom 250.000 đông sa kilo, urang ngak nong raong arieng mek hu laba labaih 150 trieu đồng sa hecta sa vụ.

Urak ini, urang nong tỉnh Tiền Giang daok samar drah trun pajaih pala bingu pabak ka darak pasa Tết Nguyên đán 2024. Dom harei ini, langik oh lagaih nan  ye mek ilamo meng dom thun dahlau, thun ini, urang nong pilih ruah pala dom janih bingu that mbuan pablei, yaom kaom lagaih haong jien padai di urang blei pandar, yau ye dom janih bingu Cúc, Vạn Thọ, Mã đình hồng, màu gà, bingu bi-ar. Yaok thun, tỉnh Tiền Giang hu labaih 1 trieu 5 rituh ribau chậu bingu that pabak ka darak pasa tết meng kan. Thun dahlau, yaom lac phun jien tagok glaong min bingu dalam tuk tết meng kan urang nong pak tỉnh Tiền Giang jeng hu laba.

Hiep hoi Mì mbang drah dunya birau peih nyaom biai Mban salamat pandap mbang di TPHCM. Ini lac mbang akok meti Hiep hoi nan peih nyaom biai di Viet Nam. Tui yaok kuhria di nyaom biai brei mboh, Viet Nam lac sa dalam dom taneh ia mbang mì ralo abih di dunya. Bruk mbang nan jeng daok tagok veik yaok thun. Abih di nyu lac, thun 2022, abih tih mi mbang drah  di Viet Nam dang ka 3 di dunya, labaih 8,5 tỷ paok mi saong dang akok dunya kuhria tabiak paok mi mbang yaok tui akaok manuac, kuhria rah tapa yaok urang Viet Nam mbang 85 paok mi sa thun.

Cục Bruk ngak kaya ikan di Mintri Ngak nong, ngak Glai, ngak Ikan Campuchia tabiak panuac khan lac bilan taong cap ikan di taneh ia ini hu peih tabiak, meng harei 1/10 tal 31/5/2024. Cục bruk ngak kaya ikan Campuchia daok kakei urang taong cap ikan njauk pandar pandap taong cap ikan hu brei adat tui njauk hukum ka bruk taong cap ikan saong dom adat di urak ini. Dahlau di nan, meng harei 1/7 - 31/10/2023, jabat chức năng Campuchia hu ba tabiak harak pakauk taong cap ikan tui bilan dalam thun di abih bhum taong ikan di negar ini, dui atah dalam 4 bilan hajan saong tukvak brei thau cambaih laih ka dom labik taong cap ikan di dalam taneh ia.

Takik abih 14 urang metai saong 102 urang lahik hadei di tuk sa danao ia khan talah, ba tak ia sua ia dauk labik gah esar Ấn Độ di page ini. Dom urang jakar Ấn Độ brei thau, hajan praong di labik danao ia khan Lhonak dalam rilo mon, ba tal ia sua tuh trun  danao dalam. Bala ngak kan kandah tal raidiuk di 22.000 urang saong lac bala birau abih dalam dom bruk bala meng langik tasik ngak metai manuac di bhum ceik Nam Á kayua BĐKH.

Jabat Biến đổi Khí hậu Copernicus di Liên minh Châu Âu brei thau, thun ini nhiet do di dunya dalam tukvak meng bilan 1 tal bilan 9 jeng glaong jang 1,4 độ C dut saong tanut kuhria rah tapa di saman dahlau ngak kong (lac meng dom thun 1850 tal 1900). Dom urang roh duah ilamo brei thau lac, bruk biến đổi khí hậu pambuak haong El Nino ngak pandiak tagok mbaok ia di gah timun saong gah pasak di Thái Bình Dương, ngak ka nhiet do di dunya gam gam tagok  glaong./.