Blei jru vaccine pacang Covid-19 di Pfizer ka uranaih umo meng 5 tal ala 12 thun

Rajaei patabiak Sarak ka 14 ka bruk blei vaccine pacang Covid-19 di Pfizer ka uranaih umo meng 5 tal ala 12 thun. Dalam nan, Rajaei njauk hatai haong bruk Thủ tướng Rajaei brei adat palih ruah po thầu dalam bruk đặc biệt tui paka 26 Hukum đấu thầu blei 21, 9 trieu mbang jru vaccine pacang Covid-19 di Pfizer ka uranaih umo meng 5 tal ala 12 thun. Rajaei jao ka Mentri Y te peih bruk blei, klauk vaccine ka uranaih umo meng 5 tal ala 12 thun khik kajap siam mekre, salamat.

Harei ni, labaih 17 triệu anrk saih dalam taneh ia hu nao tal sang bac piah bac tapak, hadei di mbang padeih Tết Nguyên đán. Dalam nan, 63 tỉnh ban batabiak bruk ba anek saih THCS, THPT nao bac tapak meng di harei ni tal harei 14-2. Dom khối mầm non, tiểu học, dom tỉnh, ban ba anek saih gilac veik sang bac tapak dalam bilan 2, khik kajap dom jalan siam mekre. Mintri pato megru pambuak bruk song dom tỉnh ban padang jalan ngak ka nyu lagaih taduan raok anek saih gilac veik sang bac, hu jalan langyah dom bruk rah tabiak jit COVID-19 dalam tuk vak peih bruk pato bac tapak.

Abih tih yaom jien sangka Tet thun sak Rimong 2022 di Ban raya HCM lac 1.062 tỷ đồng. Dalam nan, ban raya hu sangka daong pandap mbang menyum ka labaih 620 ribau urang dalam sarak karja, sarak xa hoi, uranaih raidiuk kan kandah saong baoh sang kathaot. Abih di nyu nan lac, gam haong bruk sangka meng ban raya lac hu bruk pachreih tui, klak rabha, rik daong di dom kapol nyaom, dom D.N, dom urang ngak pahala haong yaom jien jiak 220 tỷ đồng. Bruk kuhria daong Tet hu dom pakat, dom gah pachreih tui biak khang, piah ka yaok bhap bini jeng hu mbang Tet bui sambai.

Tui Tổng cục Thủy lợi, Mintri ngak nong song patagok palei pala, tui kuhria, mboh dahlau, ia njom mbak di bhum taneran krong Cửu Long dalam tuk vak anak tal dok tagok. Dalam bilan 2 song bilan 3, ia mbak meda njom dalam tame meng 50 tal 65 km. Meng bilan 4, ia njom mbak hu trun menieng. Di krong Vàm Cỏ, ia njom mbak daok ngak kan kandah tal bruk mek ia di dom danak dak thủy lợi meng bilan 2 ni. Tổng cục Thủy lợi hu panuac kakei dom tỉnh ban brei pandar ia patak pataom song parabha ia ka nyu lagaih piah khik ginup ia ka abih bilan Hè Thu 2022.

Cong an tỉnh Đồng Nai birau tamat bruk pasang iek, payua harak hồ sơ tapa Viện kiểm sát bhap bini tỉnh piah ba tabiak langyah 74 urang dalam Chuyên án 920G ka bruk pablei salih dauk 200 trieu lit xăng menyek ja. Tapa pasang iek, meng thun 2019, Phan Thanh Hữu saong Đào Ngọc Viễn gam haong 3 urang karei rik tame 53,4 tỷ đồng piah blei xăng dauk. Công an tỉnh Đồng Nai mboh lac, meng bilan 3/2020 tal 2/2021, dom urang nan pajeng ba 48 mbang meng kapal gilai, kuhria abih tih labaih 198 trieu lit xăng lậu, kuhria tui jien jaik 2.800 tỉ đồng. Dalam nan, pablei abih 196 trieu lit xăng lậu, mek jien tame yaok rituh tỉ đồng, ta-eng Hữu mek tame labaih 105 tỉ.

Tổng thống Mỹ Joe Biden bahrau ndom biai tapa phone hong tổng thống Prang ka bruk Nga patagok bruk hu mbaok quân sự di labik jiak jalan tapen negar haong Ukraine. Nhà Trắng khan lac: “2 tổng thống hu ginum biai ka dom kham merat pacang caga jeng yau bruk ngoại giao yau urak ni piah patagok bruk pacang Nga patagok bruk hu mbaok quân sự di labik jiak tapen negar song Ukraine, brei mboh bruk pachreih tui di Mỹ song Prang ngan song quyền ngak po song khik tamo bhum taneh Ukraine..." Urak ni, Nga hu ba labaih 100.000 lin tal labik tapen negar di Nga haong Ukraine.

Ban ine Ottawa di Canada patabiak bruk samar chip piah caga dom bruk trun jalan daok rah tabiak di pasak ban raya. Bruk samar chip hu patabiak nan brei mboh bruk sraw kadau biak trak saong ngak kan kandah tal bruk salamat, an ninh di bhap bini kayua dom mbang trun jalan daok rah tabiak. Dom urang trun jalan caong khin brei padeih dom bruk pacang veik piah pasang iek jit praong Covid-19 saong oh tabiak truh Ottawa mbiah tal tuk dom caong khin di urang trun jalan hu pabak brei.

Kapul khik iek bruk pajeng ba jaan tasik Tuy-ni-di dong hu 163 urang nhập cư suan hukum angaok sa sruh kapan dok kram di labik langiu tasik gah timun negar ni . Yaok thun, hu yaok ribau urang nhập cư suan hukum kham tapa tasik Địa Trung Hải piah tame châu Âu, dalam nan Tuy-ni-di sa dalam dom labik pataom menuac tabiak nao prong tapa dom jalan oh bhian randap./.

Urang lang: Hani Pha – Bhumi – 07/02