UB pakat negar pacang caga bala meng langik tasik saong Duah daong urang gaok bala hu iew dom Quan khu 1, 2 likau brei parilo manuac, radaih, pandap panda mac jamraih, pandap mbang daong ka bhap bini di labik ngak bruk di drei pasiam veik hadei di ribuk ka 3 saong hajan ia sua rah tabiak. Tal tukvak ini, Bol lin  hu brei jaik 36.000 urang lin saong labaih 1.000 radaih dom janih  mai daong bhap bini dom bhum palei ramik pasiam veik dom khut tayah kayua ribuk, hajan ia sua.

Dom harei tapa, karja, dom kapul nyaom saong bhap bini di dom tỉnh Nam Bộ samar rik pataom hu yaok tỷ đồng piah daong ka bhap bini bhum gaok bala. Di TPHCM, rilo rahra eng drei medeih luac malam piah duah blei, tame paok, rami ramik dom pandap panda, kaya mbang yau ye gaiy jamriak, gom pin, ao phao, pandap mbang thu, mì gói, ia nước suối,… piah samar payua tabiak dom tỉnh gah brak, daong ka bhap bini bhum ia sua. Langiu di nan, rilo menuac, kapul nyaom halan hatian di TP.HCM daok caga payua dom pandap panda, kaya mbang, khan ao. Hu rilo menuac daok kuhria caga pandap pandang ngak sang saong daong ngak veik dom baoh sang ka bhap bini bhum ia sua dalam tukvak anak tal. 

Huyen Châu Thành, tỉnh Hậu Giang hu jaik 30 jalan ribong mbuan glut jaleih ralo, atah abih tih labaih 73.400m. Anak bruk nan, gah chức năng  daok jak ba  bhap bini pala phun, ngak ar pacang meng phun kayau piah takik glut jaleih. Langiu di nan, huyen Châu Thành hu pathau khan, jak ba bhap bini daok tapen kraong brei panduan ba nao labik hu salamat tui sarak brei ba samar drah tabiak truh labik mbuan glut jaleih ralo ngan haong phun jien daong 30 trieu dong sa baoh sang saong hu 5 baoh sang hu pandon nao.

Mban tacei pato 35, Tỉnh ủy Cà Mau bahrau peih nyaom biai pataom iek veik Bruk pakacah chính luận pacang khik jalan sahneng di Đảng mbang ka 3, thun 2024. Hadei di labaih 3 bilan peih tabiak, mBan tacei pato 35 pakat huyện taduan hu jaik 2.000 kadha di 5 janih lac: tạp chí, báo, papar sap, papar binguk, video clip. Tapa nan, hu 80 kadha hu mBan peih bruk pilih ruah payua nao pakacah pakat negar. Tui pilih ruah di mbang chung khảo, mBan peih bruk jeng pilih ruah hu 40 kadha gheih abih saong 3 kapul nyaom gheih abih piah jao giải pakacah pakat tỉnh.  

Dom mblang hamu He thu trun pajaih mbang hadei di tỉnh Trà Vinh daok tame tuk yuak. Bilan padai He thu thun ini tỉnh trun pajaih labaih 68.000 ha, tal urak ini, dom bhum palei hu yuak blaoh jaik 70% taneh. Meyah akok vụ, dom mblang hamu  trun pajaih aval yuak hu labaih 5 tấn/ ha, ye dom mblang hamu trun pajaih mbang hadei yuak hu meng 6,8 – 7 tấn sa hecta, glong jang jiak 1 tấn  sa hecta dut saong bilan padai He thu thun dahlau, urang ngak padai biak chreih chrai, bui sambai. Ini lac bilan padai mbang ka 2 dalam thun, urang ngak hamu Trà Vinh hu kein laba glong.

Mintri Y tế Philippines mboh hu 4 urang tra njauk ruak đậu mùa khỉ, tui nan, dom urang njauk ruak ini di taneh ia ini tagok 23 urang kuhria meng bilan 7/2022 tal ini. Taong abih dom urang bahrau njauk ruak đậu mùa khỉ di Philippines jeng dương tính haong chủng clade 2, hu taong yaom lac takik trak damak jang duk haong biến thể bahrau daok njom mbak rilo di rilo taneh ia châu Phi. Dalam tuk nan, di Ấn Độ, yaom lac bahrau hu 1 urang mboh yau njauk ruak đậu mùa khỉ, min urang jakar taneh ia ini jeng ngak khang dom bruk y tế công cộng piah pacang caga atau patrun patakik dom bala.

Tui dom urang ilamo Australia, mbaok ia khal tasik Nam Cực trun biar abih dalam bilan la-ar kuhria meng akaok bilan 9 ini. Harei 7/9 meng blaoh, mbaok ia khal tasik Nam Cực daok 17 km2 . Ini lac tanut biar di abih kuhria meng tuk camereip duah mboh tapa ve tinh. Urang roh duah ia khal tasik Will Hobbs tại AAPP ndom lac bruk langik pandiak tagok di baoh taneh ini hu brei mboh dalam dom tasik praong vin val Nam Cực saong meda mboh lac sa bruk ba tal ia khal tasik daok ralai veik tal tanut biar abih.

Brazil daok dang anak mbang pandiak bhang trak damak abih kuhria meng kan mai haong labaih 3 triệu km2 gaok kan kandah, meblah labaih 30% mbaok taneh di negar praong ka 3 di châu Mỹ ni. Pandiak bhang khang di abih ngak brei patagok dom bruk khuah glai, ngak kan kandah khang tal bruk ngak di dom sang mac thủy điện. Rilo labik dalam bhum kraong Amazon njauk pacang cakak abih kayua ia trun biar di dom baoh kraong ngak ka bruk nao mai jalan kraong oh daok nao mai hu./.