

Pahadar 50 thun Harei peih paha gah Meraong negar, yasa taneh ia (30/4/1975 - 30/4/2025) saong pamong tal Pahadar 80 thun Harei padang Rayo sap ndem Viet Nam (VOV) (7/9/1945 - 7/9/2025), VOV jaik peih ngak danak dak daoh take chinh luan hu makna biak gheih “ Kadha adaoh jayak”. Danak dak hu parabha jeng klau: Kadha ka 1 “ Ha Noi mehit bruk jayak”; Kadha ka 2 “ Taong tame Sai Gon”; Kadha ka 3 “ Taneh ia hadei harei yasa tame sa baoh negar”. Yaok kadha lac brei mboh hatai druat druai, hu padang veik dom bruk sahanak gireik khang kadang, meng bruk sajarah dakrai tal urak ini di taneh ia Viet Nam salih birau, yam tame dunya saong patagok. Danak dak peih ngak mon 20 tuk harei 25 bilan 4 anak tal di Sang daoh Praong Ha Noi, hu peih tapak angaok riyak papar sap saong papar binguk negar.
Tui hukum Danak dak pagam tinh Bạc Liêu saong tỉnh Cà Mau tame jeng hasa, hadei padang tinh Ca Mau birau blaoh meda hu 64 xa, phuong. Pasak hanh chinh - chinh tri di don vi tinh hanh chinh tinh Ca Mau di labik taka 2, jalan Hùng Vương, Phường 5, Ban Cà Mau, tỉnh Cà Mau yau urak ini. Tui ong Lữ Văn Hùng, Bí thư Tỉnh ủy Bạc Liêu, Akok Ban tacei ba pagam tinh Bạc Liêu saong tỉnh Cà Mau lac, tukvak anak tal, urang ngak praong di 2 tinh biai gauk veik ka labaik jabat ngak bruk hadei padang tinh, ngak brei langyah bruk harak gal ka bhap bini, doanh nghiep hu lagaih…
Dua tinh Dak Lak saong Phu Yen birau brei tapa harak Du thao Danak dak ramik tinh. Tui nan, hadei pagam tinh, tinh Dak Lak birau praong dang dhi ka 3 dalam negar saong hu 101 don vi hanh chinh. Pasak hanh chinh- chinh tri di tinh Dak Lak birau hu khik tamo yau tinh Dak Lak urak ini. Hadei tuk ramik blaoh, jabat ngak bruk di UBND tinh Dak Lak birau hu 15 jabat chuyen mon pakat so saong sumu so; 8 don vi ngak bruk di karja. Ta-eng dom sang bac cao đẳng, tinh kuhria ba tame ka sang bac Dai hoc Tay Nguyen khik iek.
Gah bol lin Khik iek urang nao tasik Bhum V birau chrong daong 1 urang gaok bala angaok tasik gah Nailiti -Tay Nam. Urang angan Hà Việt Toán, ndih tapui thun 1999, daok di phường Vĩnh Bảo, ban Rạch Giá, tỉnh Kiên Giang laik trun tasik tuk daok dui halam njol mek ikan. Hadei pang hu bruk nan, kapol bol lin Chi cuc Khik iek urang nao tasik Bhum V daok ngak bruk di tasik gah Nailiti brei gilai mai daong urang ba tagok gilai daong iek prein yawa saong ba urang mai sang veik.
Tui Cuc Khik iek saong padang ngak ribaong kraong, meng ini tal puac bilan 4, ia mbak njom tame dom tinh, ban di bhum taneran kraong Cuu Long meda tagok, ia mbak tagok glong abih dut mboh dom balai glong jang tukvak ini thun dahlau. Labik ia mbak dalam 4 angaok sa ribau di dom kraong meng 40km tal 60 km. Meng bilan 5, ia mbak njom tame trun biar jang. Dom bhum palei bhian brei tui iek kuhria dahlau, hu jalan pacang caga ia mbak njom tame.
Kapol ndien tu Japon -Nhat Ban Fujitsu saong vien roh duah RIKEN birau khan brei thau bruk ngak tabiak hu jak jeng siam mekre may tinh luong tu sieu dan 256 bit luong tu, glong 4 mbang dut saong danak dak 64 bit luong tu dahlau di nan, jeng sa dalam dom mac dang kaok dunya ini. Mac tinh birau ini daong ka dom gah roh duah dan haong doanh nghiep dunya langyah dom bruk kan kuhria kayua hu luong tu khang samar. Dua gah daok patui veik bruk ngak tabiak mac tinh luong tu samar drah 1024 bit di thun hadei, ngak bruk samar jang langyah dom bruk kan langyah di manuac sia.
Kham merat ngak brei cakrok patagok kong nghe piah pacang langik tasik salih karei, danak dak ngak iek SeaCURE brei ngak iek harit carbon tagok meng ia tasik gah meraong negar Anh, daok caong khin brei peih ngak dalam praong prang piah atah klak 14 ti tan CO2 dalam sa thun. Kong nghe ini meda peih praong piah klak 14 ti tan CO2 yaok thun meyah hlang hu 1% ia tasik di dunya ini.
Harei kabroi, Timor Leste kamram pakat negar dalam 7 harei piah hadar Đức Giáo hoàng Francis nan lac sa urang hu labaih meteh dom rahra dalam negar ini hu mbaok taduan raok mai rivang di thun blaoh. Dom var sapahyang hu peih ngak di grauk labik dalam negar Timor Leste, tuan hala dok meteh gang di rilo labik. Hu labaih 97% bhap bini tui agama Kito, Timor Leste lac sa dalam dom taneh ia hu rilo urang Kito abih di dunya, hadei Vatican./.
Viết bình luận