Tui Mintri Kế hoạch saong Đầu tư, ribuk ka 3 ngak brei rilo menuac metai, khut, lahik rilo drap ar di bhap bini saong di karja dom puk palei, dom tinh ban gaok ribuk. Tal tuk ini, hu 353 menuac metai saong lahik, jaik 1.900 urang njauk rambus, ngak duh hatai khang ka rilo menuac bhum njauk bala, abih di nyu nan lac uraniah, urang praong thun…Gah drap ar, tui kuhria oh ka ginup abih, khut, lahik kayua rabuk ka 3 lac labaih 40.000 tỷ đồng.  

Ngak tui panuec jak ba di Kapul Akaok Ủy ban Trung Ương Mặt trận Negar Việt Nam, hu biak rilo jabat, doanh nghiệp, kapul nyaom, menuac urang dalm saong langiu taneh ia hu rik daong jien tapa mBan Jak ba Daong brei di Trung ương. Kuhria tal 5 tuk biar harei harei kabroi 15/9, dom kapul nyaom, menuac urang hu rik daong meng jien mbaok saong tapa tài khoản di mBan Jak ba Daong brei di Trung ương lac 1.094 tỷ đồng. Langiu di nan, Rajaei dom negar saong dom kapul nyaom dunya jeng daok daong dom kaya pandap ka dom labik khut tayah khat lahik trak kayua hajan, rabuk ia sua di gah Barak.

Urak ini, yaom lac daok dalam bilan paik baoh min thanh long di tỉnh Tiền Giang jeng daok hu yaom. Thanh long ralow bhong meriah yaom 20 rabau đồng/kg, daok janih 1 yaom labaih 25.000 đồng/kg, glaong jang bilan dahlau meng 10-12 rabau đồng/kg. Yaok kg thanh long po bein laba hu labaih 10.000 đồng. Piah daong ka baoh thanh long pablei tapa negar langiu hu mbuan lagaih, karja hu daong ka po bein padang 80 mã số bhum pala, brei pablei tapa dom taneh ia, saong padang hu labaih 2.300 ha thanh long mek hu tanut chuẩn GAP.  

Taneh phun mbang baoh di ban Cần Thơ daok hu peih praong saong dak yam ngak njauk haong tiêu chuẩn piah pablei tame dom darak pasar Trung Quốc, Hoa Kỳ, Australia, EU, Nhật Bản, Hàn Quốc saong rilo darak pasar karei. Urak ini taneh phun mbang baoh di ban Cần Thơ lac labaih 25.000 hecta, baoh paik hu yaok thun lac 200.000 tấn. Cần Thơ hu pabak 199 mã số bhum pala haong labaih 2.700 hecta dom janih phun pala. Taphia nan, gah chức năng hu pato tacei ka bruk ngak, kỹ thuật, bac pathram ka salamat baoh di dom gah pambuak blei piah rahra ba tabiak tui njauk caong khin di darak pasar, pabak bruk pablei tapa negar langiu.

Harei kabroi, Mban Đại diện urang Islam TPHCM peih ngak Maulid Nabi Muhammad thun 1446 Saka Islam – thun 2024 saka ia bulan di Sang megik Musulmane, Q1. Hu thau, Maulid lac sa harei praong di urang Islam Việt Nam jeng yau urang Islam angaok mbaok taneh. Dalam harak ndom puac di drei, ong Haji Mach Dares Isamael, Naib mBan Đại diện urang Islam TP.HCM hu panuac ieu urang Islam TP paglaong bruk jum pataom, diuk rai “siam ka dunya, mekre ka agama”, rik daong ka bruk patagok kinh te xa hoi di TP.HCM. Gam haong nan, ba tabiak bruk rik pataom jien padai daong ka bhum bhap bini njauk ia dauk ia sua. Tui nan, mikva urang Islam di TPHCM bui sambai pachreih tui panuac ieu.

Ứng cử viên Đảng Kayua taneh ia Thái tapa mbaok ứng cử viên Đảng Bhap bini cagar veik piah mek hu angan hạ nghị sỹ dalam mbang pilih ruah pabak veik di labik pilih ruah dalam tỉnh Phitsanulok, bhum kreh negar Thái Lan. Tui dom gah khau tin di Thái Lan, bruk jayah ini biak hu makna pakhang veik angan je di Đảng Kayua taneh ia angaok chính trường Thái Lan. Dalam tuk nan, Đảng Nhân dân cagar veik daok dang anak rilo kan kandah hadei di dom mbang lah dalam bruk pilih ruah jaik ini.

Rilo đang phai atau dom urang ung cu dang akaok bhum palei di Indonesia daok pilih ruah dom urang hu angan je ngak menuac  khik ramik bruk  jak ba tranh cư, piah dui pachreih hu rilo phieu bầu dalam bruk bau cư khu vực tui kuhria hu peih tabiak di harei 27/11 tal. Pambuak tal bruk bau cư, Uy ban tong tuyen cư brei thau, daok ngak sa quy định bahrau ka bruk peih ngak veik bruk pilih ruah urang pan akaok bhum palei di thun tal di dom labik bo gu ưng cư vien duy nhat oh mek hu labaih 50% dom phieu piah lac menuac jayah dalam bruk pilih ruah.

Urang ứng cử Tổng thống đảng Cộng hòa – Tổng thống dahlau daih, ong Donald Trump hu sanya pateok dom urang Haiti tame mai daok di ban Spring-phiêu, bang Ohio, Mỹ meyah ong hu pilih ruah. Ndom meyai dalam mbang hop mbao, ong Donald Trump hu ndom tal dom bruk srau kadau di ban Spring-phiêu yau sa kadha brei mboh cambaih ka bruk njauk hu sarak nhập cư biak catang. Dom urang mai meng haiti hu jhul king tế cakrok min jeng ngak srau kadau ka dom dịch vụ xã hội./.