Tui Sarak ka 143 di Rajaei, abih tih khat lahik drap ar kayua ribuk ka 3 lac labaih 50.000 tỷ đồng, meda ngak brei cak rok patagok GDP dalam thun trun labaih 0,15%. Kuhria tal harei 17/9, hu 329 urang metai, lahik, labaih 1.929 urang njauk rambuac; labaih 234.000 baoh sang, 1.500 sang bac saong rilo danak dak jaoh, jaleih, khut tayak; jaik 3 trieu drei athur raong, manuk ada metai…

Tal urak ini, langiu pok jien 13 triệu đô la Mỹ jien mbaok di dunya daong ka rahra njauk rabuk ka 3, Mintri ngak nong saong patagok palei pala daok taduan hu labaih 200 tấn kaya pandap hu pajeng meng dom sruh kapal haoh samar drah meng dom taneh ia yau: Mỹ, Thụy Sĩ, Anh, Ấn Độ… Dom pandap pandar yau ye: pandap pandar di sang ging, y tế, sang bac, pandap daong samar drah yau ye: ia hacih, lều bạt, pandap ngak pasiam sang danaok…hu samar ba tal dom labik, dom bhum palei gaok khut, tayah, gaok kan kandah meng bala di langik tasik. 

UBND TPHCM ba tabiak bruk pakacah “Ba gauk daong ngak palahik baoh sang taik tahak di TPHCM dalam thun 2025”. Bruk ngak nan hu ieu pataom prein khang di abih he thong chinh tri saong dom rai rah bhap bini, ngak brei hu prein khang kham merat atah klak abih baoh sang taik tahak ka urang kathaot, jaik kathaot saong dom baoh sang urang hu buh prein yawa ka taneh ia gaok kan kathaot oh ka hu sang daok. Bruk ja ba nan yau brei mboh bruk sangka biak ralo tal raidiuk urang kathaot saong dom baoh sang hu raidiuk kan kandah jeng yau pabak prein khang piah yam tagok dalam raidiuk di bhap bini.

Di dom tỉnh dalam bhum ĐBSCL, dom harei tapa, hajan gam haong ia ndik ngak brei glut jaleih ar pacang. Di tỉnh Hậu Giang, kayua hajan sraiy gam haong ngin rabuk ngak brei rilo mblang padai hè thu daok yuak njauk jaoh, jaleih. UBND tỉnh Long An jeng bahrau brei thau ka bruk samar drah glut jaleih takai kraong Kênh Hàn, xã Phước Vĩnh Đông, huyện Cần Giuộc. Glut jaleih ngak kan kandah tapak tal raidiuk di jaik 20 sang bhap bini. Sa labik ar pacang dalam xã Vĩnh Bình, huyện Chợ Lách, tỉnh Bến Tre bahrau pacah, ia nduac tame ngak khut 15ha phun mbang baoh saong njam patam di mikva. Di ban Phú Quốc, tỉnh Kiên Giang daok hu hajan praong dui atah, rilo jalan, rilo labik daok di bhap bini njauk ia dauk dalam jaik 1m. 

Jabat Cảnh sát pasang iek Kong an tỉnh Bình Thuận brei ngak tui hukum chap mek amuk Lê Thị Lại, umo 60 thun, daok di palei Phú Sum, xã Hàm Mỹ, huyện Hàm Thuận Nam piah pasang iek bruk “Pachot pagat meblah drap ar”. Tui harak gal ho so, meng thun 2005, Lê Thị Lại ngak po hụi, tuk camereip, bruk ma-in hue hui peih ngak yau bhian, Lại  mek jien saong bayar jien ginup, mboh yau nan urang ma-in jia tame dak harei dak hu rilo urang tame ma-in. Meng thun 2017 nao, Lại oh kuhria jien mek tame saong bayar ka dom urang ma-in, ba tal khat lahik saong oh daok bayar hu veik. Kuhria tui harak gal, Lại meblah jien di 167 urang haong yaom jien abih tih lac labaih 100 tỷ đồng.

Mintri Du lịch saong Thể thao Thái Lan brei padang blah website bahrau, pataom veik yaok pluh dịch vụ du lịch online piah daong palagaih di abih ka tuai dunya. Blah website ini hu khan brei tuai thau dom bruk pambuak tal yulit, yau ye dom labik pabak bruk likau visa yulit điện tử; tukvak par di kapal haoh, tàu điện, dom bruk saong dom labik yu lit chreih chrai. Langiu di nan, tuai jeng meda kakei labik di hotel, kakei blei harak vé ravang iek di dom labik me-in bui sambai di taneh ia Thái Lan; taom gaok cảnh sát yu lit atau adat bayar veik jien je.

Rajaei Indonesia khan brei thau bruk peih ngak sarak mien thi thuc ka bhap bini di 13 taneh ia saong bhum taneh. Sarak nan hu ba tame pandar ka rajaei dom khu hành chính đặc biệt saong dom urang hu sarak adat labik daok cambaic laic. 13 taneh ia saong bhum taneh nan lac: Brunei Darussalam, Philippines, Campuchia, Lào, Malaysia, Myanmar, Singapore, Thái Lan, Việt Nam, Timor Leste, Suriname, Colombia saong Hồng Kông (Trung Quốc).

Pandiak bhang khang ngak brei ia di dom baoh kraong dalam bhum kraong Amazon trun tal tanut biar di abih. Ia kraong Solimoes - sa dalam dom dhar di kraong Amazon tabiak meng ceik Andes di Peru trun tal tanut biar di abih hu mboh di Tabatinga, ban sit di Brazil daok jaik Colombia. Danao Tefé daok jaik nan jeng thu lagu, ngak ka dom athur hu tasau sambo màu hồng daok mbuan si lahik but ini lahik labik daok bo nyu takre. Pandiak bhang khang dalam thun ka 2 gam gam daok ngak thu lagu jaik abih tal hareik di Brazil saong ba tal khuah glai di grauk dom taneh ia Nam Mỹ ini./.