Hadei di 20 harei ba tabiak danak dak “alin sổ bảo hiểm xã hội, thẻ bảo hiểm y tế ka rahra gaok kan kandah” meng harei 23/11, tal urak ini, bảo hiểm xã hội dom tinh, ban hu ieu pataom jien padai daong alin sổ bảo hiểm xã hội, thẻ bảo hiểm y tế abih tih labaih 49 ty 5 rituh trieu đồng ka rahra gaok kan kandah. Tui Sarak di Quốc hội bahrau hu brei tapa, tui jalan ba tabiak di thun 2023 rahra hu mbaok tame bảo hiểm y tế lac 93,2%, tagok 1,2% dut saong thun 2022.

Dom harei tapa, di dom quận, huyện dalam TP Hồ Chí Minh, rilo menuac jeng daok dang jeng talei atah cang ngak harak likau suak mek BHXH 1 mbang. Gah BHXH TP Hồ Chí Minh brei thau, kuhria tal bilan 11 meng bloh, hu labaih 99.000 urang hu suak mek BHXH 1 mbang, rilo jang tukvak ini thun bloh. Dom urang mai suak mek BHXH tagok rilo di bilan 4 saong jhung bilan 11 akaok bilan 12 ini. Gah  BHXH hu panuac kakei urang ngak, oh cang nộp harak gar di labik drei ngak bruk, bo meda nộp di BHXH labik drei daok atau BHXH labik harei karei hu takik menuac jang piah plaih bruk dang cang suai, oh lagaih.

Piah daong saong pachreih ba dom baoh sang bhap bini bangsa takik, sang kan kathaot raok Tết nguyên đán 2023, Ban Thường vụ Tỉnh đoàn Bình Thuận pambuak haong Ủy ban Hội Liên hiệp dam dara Việt Nam tỉnh bahrau peih danak dak Xuân halain hatain ngan haong kadha “Hơi ấm mùa xuân” di huyện Hàm Thuận Bắc. Di pak ini danak dak hu jao alin 200 paok pandap pandar yaok harei yau ye: brah, mỳ tôm, saradang, masin, sara saong khan aw klak… tal mikva bangsa takik, sang sarak kanja di pak ini. Gam tui di nan jeng hu alin jao 2 baoh sang anit anam (yaok baoh sang hu yaom 70 triệu đồng) saong 200 hala dok taneh ia ka pak ini.

Mesup ini (12/12), di TP. Cần Thơ, Mintri pato Megru hu peih harei pataom pato pakai quốc phòng saong an ninh anek saih trung học phổ thông mbang ka III thun 2022. Harei pataom rah tabiak meng harei ini tal harei 17/12, hu mbaok 54 tỉnh, ban dalam taneh ia. Dom vận động viên tame pakacah dom asal kadha yau: thau ka quốc phòng saong an ninh; ilamu cấp cứu, ba menuac njauk rambus; glum katung baoh pacah atah njauk labik; taoh tabiak saong pagam veik phao tiểu liên AK; nduac vũ trang 800m; cuh phao tiểu liên AK…. Harei pataom lac sa bruk ngak hu makna praong, siam lagaih piah jhul khang bruk bac megru janih bac Pato pakai quốc phòng saong an ninh dalam sang bac.

Piah cak rok patagok bruk raong kaya ikan hu siam lagaih, khang kajap, lagaih haong bruk biến đổi khí hậu, paglaong năng suất, chất lượng, pabak hu dom panuac ieu kakei di darak pasa dalam saong pablei tabiak negar langiu, tỉnh Bà Rịa-Vũng Tàu ba tabiak jalan ngak meng urak ini tal thun 2025 tỉnh hu abih tih bruk raong kaya ikan meda mek hu 20.000 tấn sa thun saong tal thun 2030,abih tih dom kaya ikan mek hu 23.000 tấn sa thun; caga dahlau bruk raong glang, sangka piah pabak ginup anek pajaih ka dom gah raong praong, dom janih kaya tasik hu yaom kinh tế glaong.

Kuhria meng di tuk Trung Quốc brei pacadu dom jalan pacang caga jit COVID-19, Triều Tiên meda blei hu dom jru taong janih virus ini. Tui hãng tin Yonhap, brah haong menyek mbang lac dom pandap panda bo Triều Tiên blei rilo di abih. Min tukvak jaik di ini, dom jru pandiak, jru trun pandik tagaok glaong. Dom janih jru taong ruak COVID-19 jeng tagok khang. Dom sruh radaih pajeng pandap di Trung Quốc haong Triều Tiên mbuan brei padeih veik, kayua Triều Tiên huac lac bruk pacadu jalan pacang jit di Trung Quốc meda ngak ka jit ruak samar njaom tame taneh ia ini.

Meng di tuk Anh cakak klaoh dom nhiên liệu hóa thạch meng Nga di akaok thun ini ba tal phun jien buh tame ka năng lượng di taneh ia ini tagok glaong, ngak ka labaih 16 triệu rahra daok laik tame bruk kurang nhiên liệu di bilan laar. Dalam tuk nan, tui kuhria langik tasik dalam adit anak tal nhiệt độ meda trun tal -10 độ C, tuyết laik trun tapan saong ia patau meda hu di rilo labik. Labaih 3.300 labik pataom rilo manuac yau ye nhà thờ, thư viện, labik peih bruk pataom rilo rahra di grauk labik di negar Anh daok caga raok bhap bini mai plaih njaik di langik laar.

Dalam thun 2022, Thụy Điển hu 60 urang metai dalam dom mbang cuh phao saong ini lac thun hu rilo menuac metai di abih pambuak tal dom mbang cuh phao kuhria meng tuk bruk yaok pataom ini hu pataom iek veik di thun 2016. Jaik abih dom bruk cuh phao di Thuỵ Điển rah tabiak di labik hu kol ngak duas, tuk jalan ngak saong menuac ngak duas salih karei biak rilo dalam dom thun tapa. Gam haong nan, sa bruk njauk caik hatai sahneng lac dom urang njauk bala saong dom menuac cuh phao di Thuỵ Điển dak harei dak ranaih umo./.