Rilo sang bein dok havin kaok kayua paok patrun yaom 

Hadei di jaik 1 adit ngak bruk sami samar, njauk bruk, bier harei ini, di Jabat T.Ư Đảng, Nyaom biai mbang 5 BCH T.Ư mbang XIII meda ginum biai mbang tamat. Nyaom biai mbang ini, BCH T.Ư Đảng mbang XIII pataom tame ginum biai, brei panuac ka dom asal kadha praong, lac: pataom iek veik 10 thun peih ngak Sarak Nyaom biai T.Ư 6 mbang XI ka bruk patui salih birau sarak, hukum ka taneh riya dalam vaktu jhul pakhang taong abih bruk salih birau; pataom iek veik 10 thun peih ngak Sarak Nyaom T.Ư 7 mbang X ka bruk ngak nong, urang nong, palei pala; pataom iek veik 20 thun peih ngak sarak Nyaom biai T.Ư 5 mbang IX ka bruk patui salih birau, patagok saong paglong bruk ngak kinh te kapol nyaom; Danak dak padang ngak cơ sở đảng saong urang đảng; Danak dak padang Mban tacei jalan pakat tỉnh ka bruk pacang caga tham nhũng, saong dom bruk hu makna praong dalam karei. Tổng Bí thư Nguyễn Phú Trọng meda hu kadha ndom puac hu makna praong dalam di var tamat piah tacei ba saong ngak brei njauk hatai glong abih dalam Đảng, taong abih bhap bini saong abih he thống chính trị  piah peih ngak hu siam dom Sarak, Panuac tamat di Nyaom biai TƯ 5 mbang ini.

Rilo sang bein di huyện Ea Súp, tỉnh Đắk Lắk dok havin akaok tuk yaom pa-ok  trun beir, min oh pablei hu. Yaom pa-ok urak ni, dok  2.500 đồng sa kg. Tui  ong Trần Doãn Sáng, Paok akaok balik  ngak nong song patagok palei pala  huyện Ea Súp, dalam huyện hu  jiak  560 ha pa-ok dom janih, hu jiak 14.000 tấn. Ni lac, janih phun hu mong lac lagaih haong bhum taneh cuah thu lagu Ea Súp. Min, kayua urang pala rilo tui hatai, nan ye drak pasa ka pa-ok oh tani tanat. Tỉnh dok pamong tal bruk dong ka urang nong  pambuak gauk ngak tui jalan  piah patagok khang kajap.

Harei ini 10/5, khaw tin meng Thanh tra tỉnh Bà Rịa- Vũng Tàu brei thau: Sở Y tế saong Pasak pasang iek ruak kik (CDC) tỉnh nyim kit dut iek ruak, pandap y tế, jru di dom đơn vị, dalam nan hu pandap di Công ty Việt Á min oh hu tỉnh brei adat saong oh khan brei tỉnh thau. Gam haong nan, dom harak pathau khan oh brei mboh dom harak gar piah pok tagok UB bhap bini tỉnh brei blei, mbaoh tangin brei palih ruah urang thầu pandap panda hadei di tuk njim blaoh. Daok pandap thiết bị y tế, Sở Y tế tỉnh peih ngak 6 paok thầu blei 25 pandap kuhria tui yaom jien labaih 70 tỉ đồng; dom cơ sở y tế peih ngak 14 paok thầu labaih 1,4 tỉ đồng; pandap y tế, sinh phẩm, kit dut iek, Sở Y tế saong  Pasak pasang iek ruak kik tỉnh peih ngak 12 paok thầu ngan saong yaom njauk thầu labaih 123 tỉ đồng.

Urak ni, jiak abih dom sang bac Trung học Cơ sở di ban raya  Hồ Chí Minh hu ngak salah mbang pakacah học kỳ II, gam song nan  pataom iek hatai khin tut angan tame di  anek saih  song dok  ôn tập ka dom adei  caga ka mbang pakacah tuyển sinh tal  10 di akaok bilan  6 tal. Thun bac  2022-2023, abih tih anek saih hu tame 114 sang bac Trung học Phổ thông công lập di ban raya  Hồ Chí Minh lac jiak 73.000 anek saih, tagok labaih 5.000 anek saih  dut song thun bloh. Dalam tuk nan, tui bruk phân luồng, anek saih tamat Trung học Cơ sở hu tame tal 10 công lập lac  70% - dreih yau dom thun dahlau. Nan ye, yaom lac chỉ tiêu hu tagok, min kayua dom anek saih pakacah rilo jang, yau nan ye, bruk meriak gauk di mbang pakacah thun ni oh trun, bo meda tagok jang.

Mbiah tal harei 10/5, 29 jalan betong, tuh menyek suan hukum hu UB bhap bini xã Châu Pha saong xã Tóc Tiên- ban sit Phú Mỹ, tỉnh Bà Rịa-Vũng Tàu iew po taneh yak klak, dom po taneh hu yak klak blaoh njauk tui bruk ba tabiak di karja palei. Ini lac dom jalan hu tuh menyek, be-tong, tuh patau klik hu dom urang ngal suan di dom mblang taneh ngak nong di dom thun 2018, 2019 piah kaoh rabha taneh pablei.

Tui  khau tin meng jabat  Vũ trụ hu urang  peih nduac Trung Quốc (CMSA), kapan pajeng pandap Thiên Châu-4 di taneh ia ni pambuak pagam hu song mô-đun lõi di bilac vũ trụ hadei di tuk cuh tagok  di mesup ni  (10/5), peih tabiak tuk vak padang bilai  vũ trụ hadei di tuk ngak salh bruk duah thau công nghệ.  Hu thau, kapan Thiên Châu-4 pajeng labaih  200 pok pandap trak labaih 6,2 tấn piah duh ka nyaom 3 phi hành gia patui di nan  hu cuh tagok langik dalam kapan Thần Châu-14 song ngak bruk mangaok  quỹ đạo 6 bilan.

Urang ngak praong di Ucraina birau ini brei thau lac taong abih urang kumei, uranaih saong bhap bini hu ba tabiak truh sang mac thép Azovstal di ban Mariupol  hadei di kham dui atah sa adit  piah daong yaok rotuh bhap bini tabiak truh labik mbuan gaok bala daok pacang vin sang mac ini.

Nhiệm kỳ di  Tổng thống Hàn Quốc Y-un Xớc Yên (Yoon Suk-yeol) lac meng harei ni , hadei di tuk chuông hu taong tagok di kreh melam di pasak ban ine Seoul. Meng harei 10/5, Tổng thống  bahrau Hàn Quốc Y-un Xớc Yên yam tame nhiệm kỳ dui atah  5 thun dalam sa boongke ala mbaok haluk  hu padang ngak di  sang  văn phòng di ong. Dahlau di tuk ong taduan bruk, cảnh sát Hàn Quốc brei peih sa bruk duah thau  ka sa kadha vak di meam kabroi  ndom lac meda hu sa mbang tong bom di tuk ong tagok taduan bruk./.

Urang lang: Hanipha- Ái Nghiêm -10/5