Rivang dom urang lin di Ban Chỉ huy Bien phong Pabha mbang negar tapen tasik Bà Rịa-Vũng Tàu di biar harei  13/6, Pho Akok negar Võ Thị Ánh Xuân brei mboh hatai iek praong thau dhar phol dom bruk ngak hu jayak di urang lin quan ham xanh dalam bruk khik ramik  di bhum, khik iek labik tapen tasik negar saong bruk pacang caga dom kol kanjiak sak di gah Bien phong pabah mbang negar Bà Rịa – Vũng Tàu. Pho Akok negar caong khin, gah Bien phong  pabah mbang negar tuk halei jeng njauk hatai jia di Đảng, Karja saong bhap bini  dalam bruk khik ramik an ninh trat tự di labik drei ngak bruk saong khik brei salamat, siam mekre di bhum tasik tapen negar.

Ndom ka bruk salih so di TPHCM, ong Lâm Đình Thắng, Yam ndok Sở Thong tin – Truyền thông TP.HCM brei thau lac, tapa pasang iek anak mata di mateh akaok thun 2024, salih so di TP.HCM hu nao njauk jalan, pambuak haongsalih bahrau hành chính, hu dom jak jeng cambaih laih, kein lagaih, pamaong tal rahra, doanh nghiep. TP.HCM hu dom jamraik, dom gah pang hatai manuac sia pandar gam. Yaok puac harei, jamraik hu pathau khan pasang iek abih tih dom panuac di manuac sia, rahra hu ndem hagait ka dom so, dom gah. Ban raya jeng hu bản đồ thể chế piah thau hu kapul halei ngak suai hadom harak gar di rahra.

Mban Bangsa tỉnh Kiên Giang birau jao brei labaih 3.000 baoh tapuk khar huroh Khmer ka dom baha Phật giáo Nam tông Khmer. Kuhria taong abih jien buh tame blei tapuk Khmer mbang ini jaik 54 trieu dong. Dalam dom thun tapa, gam haong bruk cak rok patagok kinh te-xa hoi, bruk khik ramik saong patagok panuac ndem, akhar vak di urang bangsa Khmer jeng hu dom pakat sangka peih ngak siam. Patagok bruk nan, thun ini, Mban bangsa tỉnh patui bruk khan brei UB bhap bini tỉnh mbaoh tangin tame bruk brei daong bruk pato akhar Khmer dalam tỉnh, kuhria tui jien lac 475 trieu dong.

Mintri Tài nguyên saong môi trường hu brei adat ka tỉnh Sóc Trăng kuac mek cuah tasik pabak ka dom danak dak hu pandar dom jalan ngak karei tui Sarak di Quốc hội. Tui Công văn, Mintri TNMT, ka tham quyen pabak harak adat kuac mek cuah: Cuah tasik piah lam mbaok taneh lac kaya ngak pandap panda padang ngak bhian hu, dalam tham quyen pabak harak adat pasang iek, kuac mek di UBND pakat tinh tui adat di paka 82 Hukum Khoáng sản, oh daok dalam atau langiu 6 hải lý kuhria meng ar tasik. Nan ye, bhum tasik 6 hải lý (samu labaih 11,1km) kuhria meng takai tasik tabiak kayua tỉnh Sóc Trăng khik ramik.

Akok UB bhap bini tỉnh Bình Dương hu jao brei Ban Thủ Dần Một padang ngak quy hoach, padang ngak darak Thủ Dầu Một jeng labik ilamo, sajarah. Bhum taneh ini hu pambuak haong pho nao tabak tapen kraong Sai Gon saong dom labik ilamo saman Prang yau ye: Sang bruk Phú Cường, Inem krung sajarah dakrai pakat negar Sang meng kan di ong Trần Công Vàng. Bruk pamong tal lac khik tamo sajarah dakrai saong ilamo di darak Thủ Dầu Một, tui nan ngak labik ini jneg labik rivang ma-in pachreih rilo urang mai tame.

Mỹ brei taong phat  300 urang saong kapul nyaom di Nga saong dom labik karei bo Washington ndom lac hu pambuak tal gah kinh te mesuh metak di Nga. Dom jalan taong phat Nga bahrau abih pamaong tame dom manuac urang saong cty medil lac ba kein lagaih ka Nga plaih nyaih harak adat pakauk pajeng di phương Tây. Mỹ hu taong phat labaih 4 ribau urang saong cty Nga meng di bilan 2/2022 piah ngak patrun dom kham marat gah quan su negar ini pacang caga veik Kiev. Urang brei panuac di Mintri Ngoại giao Nga brei thau lac Nga meda oh luai gindang dom bruk ngak biak jhak di Mỹ, tantu nyu njauk cagar gilac.

Tui Pasak Khí tượng pakat negar Trung Quoc, taneh ia ini daok dalam pandiak bhang catang dalam dom harei tapa, nhiet do meda tagok tal 42 độ C di tỉnh Hà Bắc. Labaih 20 balai duk iek langik tasik di tỉnh Hà Bắc saong tỉnh Sơn Đông hu mboh pandiak glong tui bilan dalam 10 harei akaok bilan 6. Tui kuhria mboh langik pandiak  meda me-om tagok bhum Barak Trung Quốc mbiah tal harei 20/6, pandiak  meda tagok glong biak glong di taneh ia ini.

Dalam bilan xuan ini, negar Anh hu mboh pandiak glaong abih meng tuk ngak harak gar yaok pataom meng thun 1884. Nhiệt độ tui kuhria di negar ini dalam bilan 5 lac 13,1oC, yam tapa nhiet do glaong abih dahlau di nan lac 12,1oC di bilan 5/2008. Tui Jabat Kuhria mboh dahlau bruk langik tasik negar Anh brei thau, yaom lac langik hu pandiak bingi jang min dom maong hu langik pandiak dalam luac bilan xuan thun ini jeng daok di tanut mbaih. Nhiet do melam glaong dalam luac bilan xuan ngak ka nhiet do tui kuhria lac yam tapa tanut glaong abih dahlau di nan, gam tui di nan, ini jeng lac bilan xuan biak pathah ngan haong rilo urang./.