Ruak maruai rilo meng lac kayua anek sau kaik

` Ruak meruai daok tagok khang, rilo urang metai kayua akaok sahaneng di bhap bini ka vaccine daok biar. Tui Kapol Y học dự phòng Viet Nam meng thun 2017 -2021 dalam negar hu 378 mbang urang metai kayua ruak meruai di 52 tỉnh, ban. Kuhria ta-eng meng akok thun mbiah tal ini, dalam negar hu labaih 40 urang metai, dalam nan Bến Tre lac tỉnh hu 11 urang metai, lac glong abih. Dalam 2 thun 2020-2021, ruak meruai tagok khang mboh cambiac laic di dom tỉnh bhum Tây Nguyên saong bhum Meraong. Dom bác sĩ kakei, jalan siam lagaih di abih piah caga dahlau ruak meruai lac klauk jru vaccine meruai.

Meng ni tal thun 2025, tỉnh Trà Vinh kham merat yaok thun ngak hu meng 40-50 pandap OCOP song labaih 70% pandap OCOP hu mbaok tame dom sàn giao dịch điện tử. Trà Vinh , urak ni hu rilo sarak dong meng 50-100% pok jien brei ka dom labik hu mbaok tame danak dak OCOP. Langiu di nan, tỉnh jeng dong ka dom labik hu mbaok tame danak dak OCOP paglong patuk gam song rilo mbang bac, pasram ka danak dak OCOP; dong dom bruk xúc tiến, yaih khan pandap OCOP di darak pasa pandap OCOP kayua dom mintri , dom gah di Trung ương, tỉnh ban dalam taneh ia peih ngak

Hadei di labaih 5 thun padeih mek jien, meng harei paguh 7/10 danak dak BOT Cai Lậy mek jien veik di 2 balai mek jien di Jalan raya 1 saong Jalan palaik Cai Lậy, tỉnh Tiền Giang. Tapa labaih 5 thun padeih mek jien kayua urang peih radaih cagar veik, mbiah tal ini danak dak BOT Cai Lậy bayar jien laba gilang pariak labaih 500 tỷ đồng. Tapa ngak iek dom harei tapa hu mboh, yaok harei, melam hu labaih 20.000 mbang radaih peih tapa 2 balai mek jien ini.

UBND tỉnh Ninh Thuận hu harak likau Thủ tướng rajaei parabha labaih 205 tỷ đồng piah buh tame ka danak dak patagok pabah lamnge ikan Đông Hải pambuak song labik pataok nyaih di ribuk. Pabah lamnge ikan Đông Hải hu tapa labaih 25 thun pandar, urak ni, lac labik pabak kaya ikan prong ka tỉnh Ninh Thuận song dom tỉnh dok jiak taphia, abih di nyu nan lac dom tỉnh Tây Nguyên. Urak ni, rilo labik daok mbaih mbaoh, ngak kan kandah prong tal bruk ngak di pabah lamnge ikan song bruk hậu cần di urang tong ikan..

Dah page harei 5/10, di labik padang ngak Pasak Ilamu thể thao ban sit Bình Minh di xã Mỹ Hòa, ban sit Bình Minh, tỉnh Vĩnh Long rah tabiak 1 bala dalam tuk ngak bruk. Tuk urang ngak daok tuh bêtông, ye giàn giáo nyu jaleih trun ngak brei 1 urang njuak rambuac trak. Dalam tuk pajeng nao iek ruak cấp cứu di Cần Thơ, kayua njauk rambuac trak yau na ye urang ngak kong metai. Urak ini, bruk nan daok hu jabat chức năng ngak brei cambaic laic. Danak dak padang ngak Pasak Ilamu thể thao – papar binguk ban sit Bình Minh kayua Mban Khik iek danak dak buh jien tame padang ngak ban sit Bình Minh buh jien tame ngak. Kuhria abih tih phun jien 99 tỉ đồng.

Liên hợp quốc hu patagok panuac ieu dong meng 160 triệu đôla tagok 816 triệu đô la ka Pakixtan, gam song nan hu panuac lac bruk dong hu dui atah tapa thun 2023. Panuac ieu hu batabiak sa harei hadei di tuk Điều phối viên di Liên hợp quốc iek gah Pakixtan brei thau dom ruak yau pandiak dom, pandiak tabiak darah, laka song lavang lavaih mbuan si ngak brei patagok “bruk metai lahik song palai pajoa mbang ka 2” ngan song uranaih hong urang kamei. Urak ni, negar ni hu jiak 350 urang metai kayua jit ruak di dom labik gaok kan kandah kayua ia sua meng di bilan 7.

Cảnh sát Serbia birau mboh saong pacang 200 urang di cư daok duah jalan tame negar Hungary suan hukum, gam haong nan chap khik ralo jien saong phao ndao. Dom urang nan tị nạn suan hukum di tapen kraong Tisa, duah jalan tame Liên minh châu Âu ( EU) tape jalan tapen negar Serbia saong Hungary. Dalam 8 bilan akok thun ini, hu jaik 86.500 urang di cư suan hukum hu mboh di labik taphia negar EU saong dom taneh ia Tây Balkan.

Giải Nobel Hóa học thun 2022 hu pok brei 3 urang ilamu lac: Bertozzi (Mỹ), Morten Meldal (Đan Mạch) song Barry Sharpless (Mỹ) ka bruk patagok di roh duah phản ứng hóa học click song phản ứng hóa học sinh trực giao. Thun bloh, giải Nobel Hóa học hu jao ka 2 urang ilamu urang Đức song Mỹ hong danak dak ilamu roh duah bruk patagok chất hữu cơ bất đối xứng ngak xúc tác./.

Urang lang: Hani Pha & Bhumi – 06/10