Rilo labik hu peih pabah mbang taduan tuai dunya

Sa dalam dom bruk ba tabiak ka tuai dunya tame Việt Nam du lịch lac njauk blei bảo hiểm hu asal taong ruak  COVID-19, yaom takik di  abih lac  10.000 USD. Tui  Tổng cục Du lịch, piah peih pabah mbang ka bruk  du lịch dunya  hu siam mekre, kol drei ieu tuai test COVID-19, saong blei bảo hiểm. Urak ni, mintri ilamu, Thể thao song  Du lịch hu caga bloh saopng daok ngak pasiam taong abih bruk piah peih pabah mbang  du lịch dalam siam mekre bahrau hong bruk peih pabah mbang  du lịch abih meng harei  15/3. Dalam tuk vak kuhria caga ni, bruk khik siam mekre pacang caga jit tuk halei jeng hu ba tagok dang akaok. 

Tui mBan tacei jalan pacang, caga jit COVID-19 saong pasiam veik bruk ngak mbang kinh tế TPHCM, dom uranaih njauk COVID-19 daok tagok glaong dalam dom harei anak tal. Kayua yau nan ye, kadha praong di bruk pacang caga jit urak ini di ban raya lac khik caga prein yava prein yava di uraniah, dalam nan sangka dahlau tal uraniah mbuan njauk ruak, uraniah lamek, uraniah hu ruak dahlau dalam rup... Ong Phạm Đức Hải, Phaok akaok mBan tacei jalan pacang caga jit COVID-19 saong pasiam veik kinh tế ban raya brei thau, ngan saong uraniah, bruk thau saong ngak tui adat pacang caga jit daok biar, nan ye amaik ame njauk tacei pato uraniah saong bhian taom gaok, ndom biai nao mai haong sang bac ka bruk iek glang uranaih, jeng yau dom jalan bac da-a ka nyu lagaih, siam saong kein laba di abih.

Dalam thun tapa, yaom lac, dang anak rilo kan kandah, tavak tavaiy kayua rah tabiak jit Covid-19 , min patagok kinh tế di tỉnh Bình Phước jeng tagok hu labaih  6,3%, glong di abih dut song dom  tỉnh Đông Nam bộ song Tây Nam bộ, dang ka 20 dalam taneh ia. Dalam thun  2022, tỉnh batabiak  10 jalan ngak piah peih ngak dom bruk patagok kinh tế - xã hội hu batabiak, gam haong nan, piah jhul pakhang bruk patagok kinh tế - xã hội, tỉnh brei patagok hạ tầng yau: padang jalan nduac samar  Bình Phước - TPHCM, padang dom jalan pambuak song  Bình Dương, Đồng Nai; padang dom labik pato pakai siam, sangka tal sang dok  xã hội ka urang ngak…

UB bhap bini tinh Tiền Giang hu pasang iek, brei ngak danak dak buh jien tame ngak jalan tỉnh 864 rah tui kraong Tiền haong yaom jien abih tih labaih 3.260 tỷ đồng, hu ngak meng ini tal thun 2027. Danak dak ini kayua mBan khik ramik danak dak padang ngak jalan mbak nao mai tỉnh Tiền Giang ngak po. Ini lac jalan nao mai praong pambuak pagam 3 bhum kinh tế di tỉnh saong dom labik jaik taphia, ngak jeng prein khang jhul patagok KTXH tui jalan pambuak pagam bhum palei. 

Di dom tỉnh tapen tasik gah pai, thun ni njom mbak avar jang dom thun dahlau, min, dom tỉnh ban hu samar pacang caga, yau nan ye, oh njauk khat lahik rilo. Di Sóc Trăng, urak ni , ia njom mbak tagok glong di  tanut 4‰ song njom mbak dalam  tame 35 - 40km, Tui kuhria mboh dahlau, bilan 4 meda dang di tanut glong. Anak bruk ni gah ngak nong, hu rilo jalan pacang caga, khik piah ia song ngak siam bruk krong ribong palei pala. Di Bạc Liêu, kuhria mboh lac bilan thu thun ni, dok mbuan si rah tabiak pandiak bhang, ia njom mbak trak. Min, meng di tuk  hu ar pacang Âu Thuyền Ninh Quới, ia njom mbak oh dok ngak kan kandah trak tal bruk pala drak di urang nong yau dahlau deih.

Tổng Thư ký Liên hợp quốc khan lac buh tabiak 20 triệu USD meng Kadung jien daong samar drah di Liên hợp quốc brei ka bruk daong cứu trợ Ukraine. Gam haong nan jeng hu panuac lac Liên hợp quốc meda daong abih drei ka dom menuac caong hu daong saong ndom lac, dalam tuk yau urak ini ye bruk khik iek rahra lac bruk dang akaok brei ngak dahlau. Yam ndok Kadung jien Uraniah Liên hợp quốc (UNICEF), jeng hu panuac ieu khik caga uraniah saong khik ka dom urang ngak bruk daong gah pahla nao tal labik daong hu samar drah saong salamat piah daong dom uraniah daok caong hu daong.

Karja Hồng Kong (Trung Quốc) brei thau meda dut iek  COVID-19 ka tong abih  7,5 triệu rahra dalam bilan 3 anak  tal piah pacang cakak mbang jit ka 5 dok trak damak. Tui khaw tin Trung Quốc, mbang jit COVID-19 ka 5 di  Hong Kong dok trak damak jang, dom urang njom tagok labaih 64 mbang meng di akaok bilan  2 tal ni. Akaok đặc khu hành chính Hong Kong Carrie Lam brei thau, urak ni, hu labaih   30.000 urang njom COVID-19 dok cang hu tame sang iek atau ba tal labik dok karei.

Pasak pato pakai ngak tabiak vaccine công nghệ mRNA di Gah Y tế dunya WHO meda daong ka 5 taneh ia lac: Bangladesh, Indonesia, Pakistan, Serbia haong Việt Nam ilamu công nghệ ngak tabiak vắc-xin RNA, hu brei mboh lac siam lagaih dalam cakrok vắc-xin caga COVID-19. WHO jia lac dom pasak ba brei ilamu công nghệ mRNA langiu di bruk ngak tabiak vaccine pacang COVID-19, daok hu gam dom janih ruak karei yau ye pandiak dom, patuk tabiak darah saong ung thư./.

Urang lang: Hanipha- Mousaphuong- 26/2