Salam uan Nyaom roya urang kumei pakat negar mbang ka 13 (tukvak 2022-2027), pahadar 112 thun Harei dunya urang kumei 8/3, mBan kayua bruk naih gheih di urang kumei, Mintri Quốc phòng bahrau peih tabiak danak dak Pok manyaom urang kumei bol bala hadah krah thun 2012 - 2022.  378 urang kumei bol bala hu pok manyaom di danak dak lac dom krieh camin urang kumei bol bala angan je di taong abih gah. Dalam bol bala urak ini hu 12 urang kumei lac Phó Giáo sư, jaik 260 Tiến sỹ, Bác sỹ chuyên khoa, 55 urang kumei nghệ sỹ bhap bini, nghệ sỹ ưu tú, 11 urang kumei gru jru ưu tú, 6 nai gru ưu tú; 5 urang kumei sỹ quan pakat tướng saong jaik 50 kapul urang kumei mek hu jai thuong, mek hu bruk ngak biak naih pakat negar, pakat bhum saong pakat dunya. Rilo urang kumei lin ngak praong, pan akaok dom gah dalam bol bala.

Tukvak tapa, mangaok mạng xã hội mboh hu biak rilo bruk ieu pablei jru  Molnupiravir tong ruak COVID-19 oh thau meng halei mai haong yaom biak chit. Hu oh takik menuac kurang thau ka janih jru ni , nan ye tagok mạng blei mai menyum atau blei mai khik piah . Min, ni lac jru iek ruak, meyah blei mangaok mạng xã hội meda blei njauk jru ja song iek ruak oh tui tacei pato di bác sĩ meda jhak tal pren yava  rup drei. Dom bác sĩ hu panuac kakei njauk caik hatai sangka tuk pandar jru  Molnupiravir. Abih di nyu nan lac ngan song urang dok ranaih jhui pandar,  janih jru ni nyu tok lagaih song urang taha,urang ruak oh hu ruak dahlau dalam rup song jru brei pandar avar (tuk bahrau njauk ruak), oh lagaih song urang dalam umo dok menek, daok ndih tapui.

Sở Y tế TP.HCM brei thau, bruk kuhria klauk vaccine ka uranaih meng umo 5 tal ala 12 thun hu caga ginup abih, tui kuhria hu labaih 970.000 ranaih dalam umo ini. Ranaih nao bac meda hu klauk di sang bac kayua Sở pato magru ngak harak padang angan; ranaih oh nao bac hu klauk di labik y te tau kayua UBND quận huyện rami ramik labik klauk saong ranaih daok taong ruak dom janih ruak karei meda hu klauk di dom labik y tế. Bruk klauk jru hu klauk tui umo meng praong tal sit. Tui kuhria hu ngak salah bruk klauk mbang 1 dalam 10 harei.

Anak bruk kuhria mboh lac ia njom mbak di bhum taneran krong Cửu Long daok di tanut glong dalam tuk vak anak tal, Tổng cục kaya ikan, Mintri ngak nong song patagok palei pala hu harak ieu patagok bruk khik ramik, pasang iek khang kajap bhum rong pala kaya ikan, patrun dom bruk oh siam dalam raong pala kay ikan  dalam bilan thu thun 2022. Dom tỉnh ban njauk kuac raok dom ribaong, jalan ia nduac meng dom danak dak thủy lợi piah patagok bruk mek ia, khik ia, tathuak ia, pataom tame bhum kurang ia, caga vật tư, xăng menyek njuk, khik ia taba pabak ka bruk rong pala kaya ikan. Pasiam dom cống tathuak ia, song hu jalan rami ramik bruk njuk, tathuak ia di dom bhum rong pala kaya ikan praong, abih di nyu nan lac bhum rong kaya ikan pambuak song ngak padai, patrun tgal tanut biar di abih bruk njom ia mbak.

Dom harei ni, angaok dom jalan di Ban Sơn La, tỉnh Sơn La, bingu Ban daok raak sambo mbong putih biak mekre.  Ini lac bruk biak karei di Sơn La - Tây Bắc tuk langik tasik daok tame bilan xuân. Di Tây Bắc, janih bingu ni lac brei mboh ka bruk anit ranam gauk abih hatung hatian di dom urang likei, urang kumei Thái. Yaok thun di bilan bingu Ban, ban Sơn La jeng bhian peih harei bingu Ban, piah pok meyaom, khik ramik saong patagok dom yaom glaong ilamo bangsa di tỉnh; gam haong nan, pagam bruk khik ramik ilamo  haong cak rok patagok du lịch saong patagok kinh tế - xã hội. Min, kayua njauk kan kandah di jit ruak Covid-19, 2 thun mai ini, ban Sơn La brei padieh bruk peih ngak harei pataom ini.

Gah Y tế unya (WHO) hu panuac lac, bruk rilo menuac urang Ukraine nduac tapa dom taneh ia jiak tapen meda ngak ka jit  COVID-19 njom mbak khang jang. Bruk dom triệu urang di tản ngak brei patagok bruk njom mbak jit COVID-19, ngak trak damak gah y tế di dom taneh ia dok jiak tapen. Urang pal akaok  WHO hu panuac ieu dom gah peih jalan ngak pahla siam mekre piah pabak dom pandap  y tế ka Ukraine. Hu takik di abih 3 sang mac ngak  oxy prong urak ni  njauk kreih pabah mbang di  Ukraine kayua bruk mesruh gauk.

Jaik 1 bilan hadei di tuk peih pambang, bruk mai veik di tuai dunya hu ba mai ka Philippines)jalan pasiam viek gah du lịch dalam tuk jit praong. Tui kuhria mboh di Mintri Du lịch Philippines, dalam bilan 2 thun 2022, Philippines hu 47.715 tuai du lịch, rilo abih lac mai meng Mỹ, Canada, Anh, Hàn Quốc, Australia, Việt Nam saong Đức. Akaok Mintri Du lịch Philippines, Bernadette Romulo-Puyat brei thau, meng 5,7 triệu bruk ngak bo gah du lịch ba tabiak di thun 2019, hu takik di nyu lac 1,1 triệu urang njauk kan kandah meng di tuk jit praong tamuh tabiak. Urak ini, meng bruk mboh lac daok siam veik gah du lịch, rilo khách sạn hu pilih ruah gilac viek urang ngak.

Hiệp hội radaih buýt tư nhân Sri Lanka brei thau meda brei peih  25% dalam abih tih  20.000 radaih, dalam tuk dom urang peih radaih njauk dang cang tal  7 tuk piah hu tuh xăng. Lanka IOC –sa dalam dom gah pabak nhiên liệu prong abih di Sri Lanka – brei tagok yaom jang 12% meng puac bilan 2 meng bloh. Oh lac taeng bruk pajeng ba njauk kan kandah, Sri Lanka jeng peih bruk cakak  điện dalam labaih 7 tuk, ni lac tuk vak cakak  điện atah di abih dalam 25 thun tapa di taneh ia ni. Makna cakak điện lac kayua kurang jien blei nhiên liệu ka dom jamriak  điện./.

Urang lang: Thu Thảo & H.Pha – 5/3/2022