Rilo bruk ngak siam hu peih ngak dalam bilan dam dara 

Salam uan pahadar 91 thun Harei padang kapul dam dara CS Hồ Chí Minh ( 26/3/1931 -26/3/2022), harei ini, Bí thư ka 1 Kapul dam dara CS Hồ Chí Minh pakat negar ong Nguyễn Anh Tuấn, Akaok Kapul dam dara Việt Nam  ndem biai nao mai tui jalan online haong dom urang doan, dam dara uranaih dalam saong langiu taneh ia ngan haong asal kadja "hatai caong hu rik prein – jalan diuk rai di dam dara". Di mbang ndem biai nao mai, Bí thư ka 1 di Kapul dam dara CS Hồ Chí Minh pakat negar ong Nguyễn Anh Tuấn meda caik hatai tui pang dom hatai saneng, dom caong maong di dom urang dam dara, langyah dom tangi sua, taduan mek dom panuac rik daong di dam dara urang ranaih umo daok dalam saong langiu taneh ia, ba tabiak jalan ngak di kapul dam dara dalam bruk hu mbaok tame ngak pasiam, cak rok patagok kinh tế di taneh ia hadei di tuk njauk kan kandah di jit ruak Covid-19; jalan ngak, sarak di Đảng, hukum di Kanja piah daong ba saong patagok bruk ngak di urang doan, dam dara dalam saong langiu di taneh ia.  

Patui dom bruk praong di Thun du lịch pakat negar - Quảng Nam 2022, melam 24/3, di labik inem krung ilamu dunya Mỹ Sơn-Thung lũng thần linh saong  nghệ thuật hu tabiak mbaok danak dak daoh tamia "Melam Mỹ Sơn ginreih”. Danak dak piah brei mboh veik dom yaom glaong di ilamu Cam, tapa parang me-in di labaih 200 nghệ sĩ, hu ba brei urang maong iek hu mboh veik meng rilo janih daoh, tamia, ilamu nghệ thuật. Langiu di nan, tuai damuai daok hu maong iek rilo bruk ngak karei yau ye: dom janih ilamu meng kan mai di 2 bangsa Chăm - Việt; ba drei tame me-in dom kadha me-in di bhap bini, bruk ngak meng kan di urang Cam, dom janih khan ao ngui cuk di urang Cam; mbang dom pandap mbang di rahra Quảng Nam saong di urang Cam.

Sở Lao động, Thương binh saong Xã hội TPHCM bahrau hu harak payua tagok UBND TPHCM piah ba tabiak sarak an sinh xã hội pabak ka bruk sangka iek glang, daong ka urang praong thun saong dom urang sang kan kandah, ngan haong tanut daong lac 480.000 đồng sa urang sa bilan saong brei harak bảo hiểm y tế oh mek jien ka urang praong thun. Daok ranaih matui hu ba tabiak bruk miễn, patrun jien bac tal abih tukvak bac phổ thông trung học, bac bruk ngak, cao đẳng, đại học văn bằng 1; brei harak bảo hiểm y tế oh mek jien. Tanut daong yaok bilan tui kuhria meng 480.000 đồng tal 1 trieu 2 rituh ribau đồng sa urang sa bilan, tui bruk di yaok urang. 

  Yaom kaom gam gam trun biar, pandap ngak tabiak oh pablei hu,  nan ye, rilo boh sang urang nong pala thanh long di  tỉnh Bình Thuận song ĐBSCL dok puac klaak phun ni piah duah jalan nao bahrau. Anak bruk ni, Sở ngak nong song patagok palei pala tỉnh Bình Thuận hu panuac kakei mik va urang nong biak caik hatai sangka tuk  kaoh klaak phun thanh long kayua  lac meda ngak pambak tal bruk sản xuất. Dalam tuk vak anak tal  Sở Công thương Bình Thuận daok brei pambuak bruk song dom tỉnh gah brak  piah duah thau samar khaw tin ka jalan ngak, sarak ka bruk pablei salih di pabah mbang negar, jalan peih song Trung Quốc. Gam song nan, pachreih ba, daong palagaih ka dom doanh nghiệp jhul khang bruk pablei kaya nong tabiak negar langiu tui jalan chính ngạch, hu pajeng ba meng jalan tasik.

Bier harei sup 24/3, Công an TP.HCM hu langyah tui hukum saong cap khik amuk Nguyễn Phương Hằng - Tổng Giám đốc Công ty Cổ phần Đại Nam (Bình Dương) piah pasang iek bruk pambak tame quyền tự do dân chủ ngak jhak tal kein laba di kanja, quyen saong kein laba di manuac urang. Sarak brei langyah tui hukum bị can saong harak cap khik di Công an TP.HCM ngan haong amuk Nguyễn Phương Hằng hu Viện kiểm sát bhap bini TP mbaoh tangin brei ngak. Urak ini TP.HCM daok duah thau, ngak brei cambaih bruk ini piah langyah tui njauk adat hukum di negar.

Meng 140 phiếu pachreih tui, 5 phiếu pacang veik song  38 phiếu mbong patih, Đại hội đồng Liên hợp quốc hu brei tapa sarak kayua  Mỹ song labaih 20 taneh ia thành viên ieu Nga padeih bruk  quân sự di Ukraine. Sarak ieu Nga khik caga rahra, urang ngak gah y tế, urang ngak bruk pahla, urang vak, sang iek ruak song dom labik dân sự. Sarak jeng hu panuac ieu dom gah Nga padeih bruk pacang cakak dom ban prong, yau ye ban Mariupol. Đại sứ Nga di Liên hợp quốc Vassily Nebenzia ndom lac sarak ni brei mboh hatai sahneng 1 gah, saong hu panuac ndom lac dom  taneh ia phương Tây daok peih bruk kateik greik piah duah dom hala phiếu pachreih tui.

Mintri Ngoại giao Mỹ hu ba tgabiak panuac lên án Triều Tiên cuh iek tên lửa đạn đạo. Panuac nan ndem cambaih lac Mỹ gam haong rahra dunya ieu Triều Tiên patrun bruk khiêu khích saong hu mbaok tame ndem biai nao mai suai lavik saong hu makna praong. Mỹ patui viek sanya lac daong khik Hàn Quốc saong Nhật Bản saong brei thau lac meda pambuak biak pakhang haong dom gah pambuak bruk khang kajap haong dom đồng minh piah pacang caga dom kanjah jhak meng Triều Tiên saong jhul patagok bruk oh hu hạt nhân di mangaok bán đảo Triều Tiên.

Gah dong duah hu peih prong labik duah dom candiak pacah  kapan haoh di  hãngkapal haoh China Eastern laik trun bhum ceik  huyện Đằng, tỉnh Quảng Tây, Trung Quốc. Bruk biak tatuak drei lac hu duah mboh dom bộ phận di kapan haoh atah di nan labaih 10km. 183 bộ phận kapan haoh gam song pandap panda di  21 tuai hu duah mboh.Min, jiak abih dom candiak pacah jeng hu duah mboh dalam bán kính 30 mét meng labik kapan haoh laik trun mbaok haluk. Gah dong duah dok kham merat pasang iek dalam labik nao mai biak kan kandah piah duah bộ phận pataom veik dom bruk di mbang par par MU5735./.

Urang lang: Hanipha- Thu Thảo -25/3