Rajaei birau taduan brei tỉnh Tiền Giang  salih jaik 48 hecta taneh glai pacang caga takik laba tapa ngak danak dak Cụm Công nghiệp Gia Thuận 2, piah patagok bruk công nghiệp labik tapen tasik Gò Công. Tỉnh Tiền Giang taduan trach nhiem ka bruk taduan ngak tui jalan buh jien tame ngak, brei ngak, brei adat chung nhan tut angan dau tu, palih ruah po buh jien tame ngak…njauk tham quyen, njauk tui hukum; tok brei salih bruk pandar taneh tuk danak dak hu ginup saong ngak njauk tui hukum karja…

UBND huyện Long Thành, tỉnh Đồng Nai bahrau peih bruk biyar jien bồi thường, daong ba, tái định cư mbang ka 1 ka 20 baoh sang camriep ngan haong paok jien lac labaih 90 tỉ đồng saong jao brei mbaok taneh danak dak jalan ka 1 di danak dak mblang kapar haok Long Thành. Dalam mbang ka 1, Long Thành meda peih bruk biyar jien bồi thường, daong ba, tái định cư ka 291 urang ngan haong paok jien labaih 488 tỉ đồng. Ngan haong gah jalan mbak ka 1 pambuak di mblang kapar haok Long Thành, huyện Long Thành njauk ngak salah bruk jao abih tih mblang taneh ka po buh jien tame dalam bilan 5 ini.

 Bruk glut jaleih ar kraong di dom labik dalam bhum taneran kraong Cuu Long daok rah tabiak. Page ini (25/5), di palei Phú Lợi, xã Phú Hữu, huyện Châu Thành, tỉnh Hậu Giang glut jaleih atah labaih 30m, dalam tame ar 9m, taneh lahaik labaih 270 met vuong, ngak lahik jalan betong praong 2m. Meng akaok thun mbiah tal ini, di huyen Châu Thành rah tabiak 23 labik glut jaleih ar kraong, atah abih tih taneh jaleih labaih 480m; taneh lahik  labaih 2.510 met vuong; kuhria abih tih jaik 1 tỷ 100 trieu dong.  

Sang iek ruak Bhap bini Gia Định, TP.HCM, bahrau brei thau lac, urang likei umo 45 thun (daok di ban Thủ Đức), njauk jru mek Botulinum kayua mbang lasin caik lavik harei, ba tal metai di melam harei 24/5. Ini lac sa dalam 6 urang ruak njauk jru mek Botulinum daok taong ruak di ban raya HCM. Yaom lac dom urang bac si hu kham maret daong taong ruak min urang ruak dak laik tame bruk suy đa cơ quan, baoh hatai padeih magei saong ba tal metai dahlau di tuk  pandar taong ruak. Dahlau di nan, Gah y tế dunya hu brei daong samar drah jru giải độc ka dom urang ruak daok taong ruak di dom sang iek ruak di TP.HCM.

Pambuak tal  bruk dua gah takei manuac di taneh saoh pak phường Tân Phước Khánh, TP.Tân Uyên, harei ini 25/5, Công an tỉnh Bình Dương brei duah thau piah lac likei atau kumei. Tapa dut iek labik nan, Công an mboh lac, dalam kadung mau meriek bhong papaok dalam kadung nilong jhuk ( paba kadung hu cuh pui ) hu 2 gah tangin, 2 takai apui khuah saong daok mbau bruk. Hadei pasang iek, langyah, Jabat chức năng mboh lac, ini lac rup atau di urang kumei, umo meng 30-35 thun, glong labaih 1,55m-1,6m. Urang metai meng harei 14/5/2023. Piah brei thau angan je urang, jabat công an pathau khan duah tabiak ngak brei cambaic laic.

Liên hợp quốc taduan hu sanya hu yaom 2,4 tỷ đô la piah peih dom bruk daong ka labaih 32 triệu urang di grauk Etiopia, Kenia saong Xomali. Liên hợp quốc hu jak ba labaih 7 tỷ đô la min tui bruk ba tabiak bahrau mek hu 21% tal 25%. Tui Liên hợp quốc, paok jien rik tame ka oh ginup piah plaih di bala meda rahtabiak. Bhum Sừng châu Phi hu brei thau lac pasak rahtabiak bruk sarau kadhau di langik tasik biak trak damak abih di dunya saong rahra dalam bhum jeng daok gaok kan kandah biak trak. Hu labaih 40.000 urang metai dalam mbang pandiak bhang di Xomali di puac thun 2022, dalam nan hu mateh lac uranaih mala umo 5 thun.

Gah dulich di Cuba daok pasiam veik khang hadei jit ruak praong COVID-19 ngan tuai damuai negar langiu tagok glong dalam dom bilan akok thun ini. Tui dữ liệu di Mentri Dulich Cuba, dalam 4 bilan kaok thun thun ini, Cuba taduan raok labaih 1,2 trieu tuai negar langiu, tagok 190% dut saong tukvak ini thun blaoh. Mentri Dulich Cuba brei thau, yaom nhien lieu tagok saong dom jalan pakauk di Mỹ ngan haong Cuba ngak jhak tal tuai damuai dulich châu Âu tal taneh ia ini. Rajaei Cuba caong khin taduan raok 3,5 trieu mbang tuai damuai negar dalam thun ini.

Rajaei Thụy Sĩ pathau khan meng di thun anak tal meda pakauk yaih khan dom pandap pakao saong pakao điện tử di rai ranaih. Langiu di nan, dalam tukvak anak tal, urang kanja meda paglaong bruk patakik ka kadung saong yaih khan ngan haong pakao saong pakao điện tử. Dom gah in ấn, cửa hàng atau bruk bo ranaih meda mai tal meda oh hu yaih khan dom pakao atau pakao điện tử. Bruk ngak ini hu tabiak piah trun manieng bruk pandar pakao saong dom urang metai, tui kuhria tagok tal labaih 9.500 urang yaok thun, hu pambuak tal bruk njuk pakao./.