Dom xã  nan brei pambuak haong dom mentri, dom gah, bhum palei peih ngak ginup, sumu dom sarak ka bruk trun kathaot tui bruk ba tabiak; parabha  ginup phun jien di Danak dak pakat negar ka bruk trun kathaot khang kajap vaktu 2021-2030 (thun 2024) ka dom bhum palei. Langiu di nan, meng akaok thun tal ini, gah LĐ, TB saong XH hu peih ngak sarak  daong yaok bilan ka 3 trieu 800 ribau urang urang, tui kuhria lac 14.000 tỷ đồng.

Kapul urang kumei Việt Nam pambuak haong Tỉnh ủy Trà Vinh bahrau peih Mbang nyaom baai "patagok bruk ngak di urang hu angan je, halau janeng, dom urang daong bruk dalam dom agama, manuac urang hu angan je dalam bruk pathau khan, jak ba bruk peih ngak samu gauk di urang likei saong urang kumei pak bhum mikva bangsa takik saong bhum ceik” bhum gah maraong negar. Di mbang nyaom, PGS.TS Đặng Thị Hoa, Quyền akaok Viện Tâm lý, Viện Hàn lâm Khoa học xã hội Việt Nam brei thau lac, bhum gah maraong negar yaom lac ka oh hu bhum biak kan kandah, min di bruk ka oh samu gauk di urang likei saong kumei daok ndaong tagok 3 bruk, nan lac bruk bac magru, bruk hu mbaok tame dom bruk ngak chinh tri atau bruk kanja, saong bruk ka klau nan lac labik dang dalam xã hội. Kayua yau nan ye, dom halau janeng glaong jang saong abih di nyu nan lac bac bruk ngak, bac piah hu ilamo dalam. Gam tui di nan, pato sap bangsa rilo jang ka uranaih kumei.

Tỉnh Cà Mau hu ba tabiak bruk  daong brei brah ka anek saih thun bac anak tal. Tui nan, meda hu 190 anek saih di 7 huyen hu daong brah. Tui kuhria, brah hu daong lac labaih 25 tấn. Bruk daong brah lac sarak siam ka baoh sang dom anek saih bhum biak kan kandah piah patrun dom kandah kandaiy, meng nan, dom adei  hu bac da-a lagaih jang. UB bhap bini tỉnh Cà Mau hu jao brei  jabat chuyen mon lac Sở Pato megru  pambuak haong dom gah pambuak tal peih ngak sarak nan ginup, sumu tukvak, njuak manuac.  

Meng thun 2021 tal urak ini, tỉnh Đồng Tháp hu padang ngak saong ba tabiak 2 Sarak, 3 Quyet đinh saong 6 Jalan ba tabiak pambuak tal Sarak jhul samar bruk peih ngak; padang ngak rilo danak dak, bruk ngak daong pambuak haong rahra peih bruk ngak mbang yau ye Danak dak “mbang radaih peih bruk ngak mbang bhum Taneh caraih”; “Start up tour”, “Labik pagul Doanh nhan”. Urak ini phun jien meng Kadung jien negar ka langyah bruk ngak hu daong ka labaih 200 dam dara, ngan haong labaih 2 ty 8 rituh trieu dong. Tinh jeng khik tani tanat bruk ngak hu lagaih Kadung jien daong dam dara peih bruk ngak mbang, daong ka 10 danak dak hu pasang iek brei masaiy jien, ngan haong paok jien lac 1 ty 7 rituh trieu đồng.

Tỉnh An Giang hu 56 jalan kraong mbuan glut jaleih tal biak mbuan rah tabiak bala. Meng akaok thun mbiah tal ini hu 17 mbang glut jaleih taneh takai kraong ribaong atah 697m, ngak kan kandah tal 9 baoh sang bhap bini; khat lahik labaih 300 trieu dong. Dalam thun dahlau, An Giang hu 129 mbang glut jaleih taneh takai kraong ribaong atah abih tih 6.764 m; khat lahik jaik 13 tỷ đồng...UB bhap bini tỉnh An Giang daok pakhang bruk tui iek bruk glut jaleih taneh takai kraong, ribaong piah hu jalan pacang caga sumu. Gam haong nan karja palei brei caga dahlau bruk panduan ba bhap bini, sang danaok nao daok labik hu salamat tuk mboh lac si glut jaleih.

Tui sa pasang iek bahrau, amuk Kamala Harris urak ini hu menuac pachreih tui rilo jang Tổng thống Joe Biden atau  Tổng thống dahlau deih ong Donald Trump di yaok tukvak dalam bruk pilih ruah thun 2024. Tal urak ini, Phó tổng thống hu taduan bruk pachreih tui ginup di dom urang dalam Mbang nyaom roya dalam taneh ia di Đảng Dân chủ piah ka amuk hu hu jeng ung vien tổng thống thun 2024 di đảng, gam haong bruk pachreih tui di dom urang pan akaok danei angan yau ye Tổng thống dahlau deih ong Barack Obama, dua diuk pasang Tổng thống dahlau deih Bill Clinton.

Dom urang pan akaok đảng Dân chủ brei thau lac, amuk Phó Tổng thống Mỹ Kamala Harris lac sa ung vien duy nhat ginup prein piah tame dhi buh phieu online tui kuhria hu peih tabiak dahlau di nyaom roya đảng dalam taneh ia đảng Dân chủ hu peih tabiak di dah page harei 1/8. Dom urang lambaok meda hu taduan hala phieu online di tukvak urak ini. Min, dom urang ini meda cang tal melam 5/8 meng hu buh phieu. Dahlau di nan, akaok Ủy ban pakat negar đảng Dân chủ Jaime Harrison brei thau lac bruk pilih ruah pok urang lambaok ka ndang tabiak pakacah ngak thong thong thun ini meda ngak salah dahlau di harei 7/8. Nyaom roya pakat negar đảng Dân chủ meda hu peih tabiak di harei 19/8 pak Chicago.

Thủ tướng Anh Keir Starmer hu nao pasang iek labik rahtabiak bruk taong paoh meng to sa harei dahlau di nan pak Southport, gah barak bhum England, ngak ka 3 adei metai saong 7 urang njauk rambuac trak. Bruk ini rahtabiak di tal bac yoga saong chat tamia ka ranaih meng umo 6 tal 11 thun. urang medil lac urang dam umo 17 thun, njauk cap khik kayua eng drei pametai manuac. Urak ini, gah chuc nang daok pasang iek, ngak cambaih bruk ini.