Anak bruk hajan ia sua rah tabiak dalam kan kandah, hu hajan praong di ralo bhum taneh gah Barak, abih di nyu nan lac dom tỉnh bhum ceik saong bhum kreh gah Barak ba tal khat lahik biak trak  ka manuac gam drap ar, ngak biak jhak tal bruk ngak mbang pala drak saong raidiuk di bhap bini, page ini Thu tuong Phạm Minh Chính nao pasang iek bruk ia sua di ban sit Việt Yên, tỉnh Bắc Giang  saong tỉnh Bắc Ninh  labik ia dauk dalam, khat lahik biak trak kayua hajan ia sua. Di labik ini, Thu tuong ieu pasang iek dom khat lahik di dom kapol nyaom, menuac urang kayua ia sua, brei daong meng gilang khik piah di tỉnh  piah daong sumu ka bhap bini, doanh nghiep, meyah kurang khan brei karja negar thau piah daong. Oh luai ka thei eik, lipa, la-ar, oh hu labik daok, dom kamuan  samar hu nao bac, urang ruak hu labik iek ruak, oh luai lahik sóng riyak, lahik điện, ngak jhak tal bhap bini saong doanh nghiep.

Akaok UBND TPHCM njauk hatai haong bruk brei adat dom kapul ilamu, kỹ thuật di TPHCM di dom doanh nghiệp, dom labik nao daong dom tỉnh gah brak ramik pasiam dom khut tayah kayua rabuk ka 3. Dom kapul nao daong tui jalan halan hatian, eng drei kuhria bruk mbang huak saong nao mai, oh ngak kan kandah ka dom labik nao tal, khik caga salamat ka menuac saong pandap, jamriak daong. Dahlau di nan, harei kabroi 9-9, Công ty TNHH MTV Mblang bein Phun hijao TPHCM hu brei 48 urang jakar, urang ngak hu tangin gheih ngak glaong, nao tal Hà Nội saong Hải Phòng piah daong ramik ngak pasiam dom khut tayah meng mbang rabuk ka 3.  

Anak dom khat lahik  trak ka manuac haong drap ar di dom bhum palei hadei di ribuk ka 3, Tổng giám đốc Rayo sap ndem Viet Nam  Đỗ Tiến Sỹ jak ba taong abih urang jakar, vien chuc, urang ngak di Rayo sap ndem Viet Nam  rik jien daong mikva gaok kan kandah tui ilamo siam gheih di bangsa: “ Hala siam papaok hala tahak”, anit rup urang yau anit rup drei,  ngan haong bruk di urang vak mbao brei ka bhap bini drei. Tui nan, Ban thuong vu Cong doan Rayo sap ndem Viet Nam  hu jak ba taong abih urang jakar, vien chuc, urang ngak dalam Đài brei rik tame takik abih lac meteh harei jien bilan.

Danak dak “Daong prein urang nong” kayua báo Tuổi Trẻ pambuak bruk haong Công ty cổ phần GREENFEED Việt Nam hu jao phun jien oh mek laba ka 40 sang urang nong daok di 2 xã Hàm Đức, Hồng Sơn, huyện Hàm Thuận Bắc, tỉnh Bình Thuận. Dahlau di tuk hu jao phun jien, 40 sang urang nong hu mban peih bruk pato pasram ilamu raong glang. Ini lac jalan peih tabiak ka mikva urang nong, abih di nyu lac adei sa-ai kumei palei pala yam tapa kan kandah, yam tagok angaok bhum palei di drei. Danak dak daok hu pok meyaom dom sang taduan mek phun jien dahlau daih pandar phun jien hu kein laba, anek bhik bac ta-a siam gheih. 

Bilan padai he thu thun ini di bhap bini di Cà Mau, Kiên Giang daok tame bilan yuak min kayua hajan hangin khang  ngak brei padai jaleih trun. Di tỉnh Cà Mau hu labaih 600 ha padai dauk dalam ia. Di huyện Trần Văn Thời hu labaih 28 ribau hecta padai he thu, urak ini mikva birau yuak hu 10% mblang hamu. Di Kiên Giang, dom mblang hamu padai di xã  Thủy Liễu, huyện Gò Quao jeng dauk dalam ia labaih 10 ha. Urak ini, gah chức năng tỉnh Cà Mau, Kiên Giang peih dom balai mac njuk ia labaih sa adit ini piah njuk ia meng hamu tabiak, plaih khat lahik ka mikva.

Dom jalan radaih, jalan điện, mblang kapal haoh... di pulao Hải Nam, Trung Quốc hu ngak bruk veik hadei di dom kham merat ramik ngak pasiam dom khut tayah kayua rabuk Yagi caik veik. Piah samar pasiam veik, 61.000 urang ngak gah vệ sinh saong 6.300 radaih pajeng nerak hu ba mai ngak bruk, puh ramik. 14.000 tấn nerak kayua rabuk hu puh ramik hacih sa-at, jaik 142.000 phun jaleih hu ba nao labik karei. Labaih 300 urang halan hatian hu ba mai ramik ngak phun hijao tabuac gha. Rabuk Yagi ngak brei 4 urang matai, 95 urang njauk rambus saong ngak kan kandah tal labaih 526.000 urang daok di pulao Hải Nam.  

Tui kuhria, mon 8 harei paguh 11/9 mon Viet Nam meda hu bruk ndem meyai nao mai di dua urang ứng cử Tổng thống Mỹ lac ong Donald Trump saong muk Kamala Harris. Ini lac bruk ndem meyai akok meti di dua ứng cử viên saong meda lac tok hu sa mbang ini min dahlau di tuk rah tabiak bruk palih ruah di bilan 11. Ong Donald Trump, urang ứng cử Tổng thống Mỹ di Đảng Cộng hòa khan lac: “Dahlak cang ndem meyai nao mai kayua dahlak sahaneng lac khol drei ngak brei cambaic bruk biak”. Dalam tuk nan, muk Kamala Harris, urang ứng cử đảng Dân chủ mboh lac: “Meyah hu kadha hagait khin meyai ndem, njauk ndom biai tapak”.

Liên Hợp Quốc brei thau, Sudan haong Cộng hòa Sát jeng njauk ia sua ia dauk khang. Di Sudan, ia sua ia dauk ngak brei 124 rabau menuac gaok kan kandah kayua hajan praong, jaik 2.900 urang mboh yau njauk ruak aih craoh. Di Cộng hòa Sát, ia dauk ia sua daok trak damak jang, ngak brei takik di abih 340 menuac matai, jaik 1 triệu 500 rabau menuac urak ini daok gaok kan kandah saong labaih 160 rabau baoh sang khut, tayah; jaik 3 triệu 400 rabau menuac daok dang anak bruk eik lipa biak khang./.