Rilo menuac taha urang iek ruak brei saoh 

Pan akaok nyaom biai ka bruk pacang khuah, padam khuah saong pataom iek veik 5 thun peih ngak Sarak di Rajaei  ka bruk daong urang njauk bala di dom gah pacang khuah, padam khuah hu peih tabiak di dah page ini, Thủ tướng Phạm Minh Chính brei thau lac, dom bala pui khuah biak trak damak, pandik harao dalam tukvak tapa lac bruk piah kakei saong brei mboh bruk samar drah, ba tabiak panuac ieu kakei, bruk ngak bahrau ka bruk pacang caga haong dom bala, pui khuah, khik tani tanat ka drap ar saong abih di nyu nan lac anek manuac lac praong di abih. Thủ tướng ieu kakei Mintri Công an hu pato tacei pasang iek, ngak cambaih makna, bruk ngak di dom jabat khik ramik di kanja pak nan saong dom manuac urang hu pambuak tal. 

Mintri jalan mbak pajeng ba hu harak payua  UBND dom tỉnh An Giang, Hậu Giang, Sóc Trăng song ban Cần Thơ peih ngak sarak di rajaei ka danak dak buh jien tabiak padang ngak jalan nduac samar  Châu Đốc - Cần Thơ - Sóc Trăng, tuk vak ka 1. Dalam nan ieu dom tỉnh ban  padang ngak  pathau khan tong yaom dom kan kandah di  môi trường ka danak dak  hu parabha dahlau di harei  12-11 anak tal, piah ka mintri  Tài nguyên song Môi trường taong yaom, brei ngak. Gam song nan, brei mbaoh tangin tame danak dak hu parabha pakat dahlau di harei  20/1/2023, khik kajap bruk peih ngak dahlau di harei  30/6/2023.

Sang iek ruak Đa khoa Hòa Hảo - Medic Cần Thơ bahrau peih bruk iek ruak, pabak jru oh mek jien saong alin hadaih ka 500 sang sarak kanja, sang kan kathaot di xã Đông Yên, huyện An Biên, tỉnh Kiên Giang. Gam tui di nan jao 30 sruh radaih juak ka dom anek saih kan kathaot yam tapa kan kandah di pak ini.Tui urang par akaok huyện An Biên, raidiuk di rahra daok gaok rilo kan kandah, rilo urang ka oh hu pambuak haong dom dịch vụ y tế chất lượng glaong. Kayua bruk sanka, daong ba di sang iek ruak nan lac bruk pachreih ba hu makna biak praong ka bhap bini daok pak ini. 

Dalam dom harei tapa, Sở Lao động-Thương binh song  Xã hội TPHCM pambuak bruk song karja pak ni jao brei jiak 1.500 pok pandap dalam nan hu ahar, kẹo, gom ka uranaih hu rai duik biak kan kandah  di  21 quận, huyện, ban  Thủ Đức song uranaih di dom pasak, labik dong ba xã hội. Gam song nan, jao brei  35 sổ tiết kiệm, yaok sổ yaom  20 triệu đồng ka uranaih kan kandah kayua jit prong  COVID-19. Công đoàn viên chức TPHCM hu jao brei labaih  2.500 pok pandap “Trung Thu anit ranam ” brei ka urang ngak di labik Công nghệ glong  ngan song yaom jien labaih  1 tỷ đồng.

Dalam rilo thun tapa, miuyim Đồng Nai hu jhul samar bruk roh duah, duah pataom, khik ramik ilamo oh maong mboh di dom bangsa takik. Dalam nan, hu peih ngak rilo danak dak roh duah ilamo, yau ye Dom adat ieu yang di urang Lo daok di Đồng Nai; Inem krung ilamo palei bangsa Mạ di Tà Lài; Inem krung ilamo di urang Mường di Phú Túc, Định Quán; pandap mbang manyum di dom bangsa di pak ini. Taphia di nan, Miuyim daok peih bruk mayaih khan yaok rituh pandap panda dalam bruk mayaih khan kadha saong dom bangsa dalam tỉnh saong hu mbaok parang iek ilamo dom bangsa takik Đông Nam bộ di Cần Thơ.

Akaok mintri jien padai  Mỹ brei thau yaom  xăng meda tagok veik dalam bilan liar  tal, kayua  Liên minh châu Âu padeih blei menyek di  Nga song pakauh dom dịch vụ brei adat Nga pajeng menyek meng kapan tasik. Dom taneh ia  phương Tây hu panuac ieu kateik yaom menyek di Nga piah patrun yaom jienmek tame meng pablei menyek tabiak taneh ia langiu di negar ni, gam song nan, khik bruk blei menyek di  Nga, piah trun yaom menyek di dunya.

     Indonesia daok pasang iek bruk blei menyek tamo di Nga piah trun manieng bruk xang manjek dak harei dak tagok. Tổng thống Indonesia ndem lac, taneh ia ini daok pasang iek taong abih dom bruk pilih ruah saong meda brei dahlau abih ka dom labik ba tabiak yaom bier jang. Meng akaok bilan ini, rajaei Indonesia meda tagok yaom jien daong xang manjek tagok tal 30% saong ndem lac bruk tagok yaom meda lac bruk pilih ruah puac di abih kayua njauk kan kandah di jien padai. Tỷ lệ lạm phát di Indonesia lac jaik 4,7% di bilan 8, glaong jang tanut ba tabiak lac meng 2 tal 4%.

Tui roh duah hu khan brei thau di mangaok harak  Hiệp hội boh hatai Hoa Kỳ, yaok urang mbang takik di abih 2 binah boh  bơ yaok adit dong patrun pandik baoh hatai  tal  21% dut song bruk oh mbang atau takik mbang. Tui Gah Y tế dunya, ruak boh hatai  lac janih ruak ba tal metai menuac dang akaok di dunya, yaok thun hu jiak  18 triệu urang metai./.

Urang lang: Hanipha -Thu Thảo - 12/9