Patui danak dak mbang nyaom 21, harei ini, UBTVQH brei panuac ka sa danak dak Hukum hu makna praong dalam, nan lac hukum Sang daok ( pasiam veik). Dalam Sarak Hukum Sang daok (pasiam veik) payua tal UBTVQH, Rajaei lac  njauk brei pabak  quy định cambaic laic bruk ba tame, padeih ngak po sang chung cư meyah sang chung cư nan oh daok siam salamat ka urang daok. Gam hoang nan, quy định brei mboh cambaic laic quyền, bruk ngak di po sang chung cư tuk padeih quyền ngak po piah yah klaak, padang ngak veik sang daok chung cư.

Harei ini (17/3), harei pataom mbao pakat negar thun 2023 hu peih tabiak di Hà Nội, ngan saong kadha "Jum pataom – Naih gheih - Ilamu – hadah krah". Kadha praong di Harei pataom Báo thun ini, lac dom ginum biai ka bruk ngak di báo chí. Urang ngak báo haong bhap bini hu tuk piah langyah, bac pasram tapa dom kadha báo chí gheih di abih, meng nan, daong patagok jang báo chí chất lượng glaong. Ini lac tuk piah ka dom urang ngak báo, urang pan akaok jabat báo chí ba gauk maong iek veik jalan nao di báo chí mangaok dunya piah samar ba tabiak jalan ka bruk ngak báo chí dalam taneh ia.

Hadei di 30 thun kuhria meng tuk pagam thận akok meti, mbiah tal ini, Sang iek ruak Chợ Rẫy - TPHCM hu pagam brei ka 1.127 mbang urang, dalam nan hu labaih 70 mbang pagam thận meng di urang metai glo akaok, hatai padeih megei. Ini jeng lac sang iek ruak ba akaok nao dahlau dalam bruk peih ngak dom jalan peih praong piah hu rilo thận piah pagam. Tui yaok kuhria meng Pasak  Parabha pakat negar ka Brei pagam  dalam rup manuac, Sang iek ruak Chợ Rẫy  lac labik hu urang tut angan alin brei tung pruac tuk oh patuah plang lahik glong abih dalam taneh ia, meblah 50% dom harak tut angan dalam negar.

UBND tỉnh Bà Rịa-Vũng Tàu brei padang 3 bilai hu mbaok di rilo gah angaok tasik piah pasang iek, tui iek kapal ikan, ba tabiak dom mbang tabung glaong peih bruk pacang taong cap kaya ikan suan hukum, oh khan bei thau saong oh njauk adat. Dom bilai hu adat ieu taong abih dom kapal gilai tame tabiak pabah tasik dalam tỉnh pataok veik piah pasang iek dom bruk yau ye: harak gar di dom urang angaok kapal, harak adat brei ngak bruk di thuyền trưởng, máy trưởng, jaing jamriak kapal ikan, sổ danh bạ urang angaok kapal taong ikan, bảo hiểm urang nao kapal ikan.

Mikva urang pala chom  chom( sakmao) karei bilan di Vĩnh Long daok bui sambai kayua yaom blei glong. Urak ini, chom chom Java hu urang blei di bein meng 45 tal 50 ribau đồng sa kilo, daok chom chom Thái  yaom meng 60 – 63 ribau đồng sa kilo. Yaom chom chom tagok glong nan lac kayua dom kong ty  di Ban raya HCM blei abih tapa darak pasar Trung Quốc. Tui yaok pataom, dom xã  di kaoh pulao An Bình, huyện Long Hồ  lac bhum palei hu taneh pala chom chom ralo abih di tỉnh Vĩnh Long ngan haong labaih 2.000 ha. Rilo urang pala chom chom kuhria mboh lac yaom pablei daok tagok glong meng ini tal puac bilan paik baoh.  

Japon saong Hàn Quốc bahrau njauk gauk brei pambuak veik dom mbang tapa ravang gauk di dom urang ngak praong pan akaok saong hu dom jalan ngak piah langyah bruk meriak gauk dalam pablei salih di nyaom biai pakat glaong abih peih tabiak di Tokyo harei 16-3.  Thủ tướng Japon ieu ini lac "takai yam praong" piah padang veik talei pambuak bruk kinh tế saong an ninh di 2 taneh ia piah yam tapa sa abap sajarah kan kandah. Tapa nan mboh lac, Nyaom biai pakat glaong abih meda ba tal dom salih karei bản đồ chiến lược di Đông Bắc Á. 2 đồng minh di Mỹ, meng lavik mai oh njauk gauk kayua dom bruk meng sajarah caik veik, daok duah jalan padang sa talei yasa, kayua hu dom suh sah yau gauk ka Triều Tiên saong sa Trung Quốc khang kadang jang.

Dom gru pato di New Zealand hu mbaok tame bruk padeih ngak luac sa harei ndok tagok jien bilan, pasiam labik ngak, ba tal dom sang bac mẫu giáo, sang bac tieu hoc saong trung học dalam negar brei kareih pabah mbang. Dom công đoàn khan lac bruk brei bayar jien bilan birau abih di Rajaei  New Zealand oh lagaih haong bruk lạm phát urak ini saong gah pato pakai taneh ia ini  daok di “ tabung glong khủng hoảng” kayua kurang gru pato. Jien pandar cai biak chiat daok jeng bruk chính trị praong di New Zealand tuk Rajaei taneh ia ini pacang caga khik iek bruk lạm phát.

Negar Anh meda pakauk oh brei pandar ứng dụng klah rabha video Tiktok dalam dom jamriak di jabat karja saong rajaei, piah plaih gaok bala. Dom jamriak di jabat karja saong rajaei tok hu cài đặt ứng dụng di gah ka 3 dalam sa danh sách hu brei adat blaoh. Dahlau di negar Anh, dom taneh ia yau ye Mỹ, Canada, Bỉ haong Ủy ban châu Âu (EC) hu tabiak adat pakauk dreih yau nan kayua huac gaok tal bruk an ninh./.