Phó Thủ tướng Rajaei Lê Minh Khái bahrau mbaoh tangin brei tabiak Sarak ka 28/2022/NĐ-CP ka bruk daong brei mesraiy jien yaom laba lap peih ngak danak dak bruk ngak pakat negar cak rok patagok kinh tế - xã hội bhum bhap bini bangsa takik saong bhum ceik tukvak meng di thun 2021 - 2030, tukvak 1: meng thun 2021 - 2025. Sarak hu caik tabiak 2 chương tacei tabiak cambaih laih bruk brei masraiy daong taneh daok (chương II) saong sang daok (chương III). Tui nan, dom urang hu masraiy jien daong taneh daok, sang daok, nan lac: sang kan kathaot bangsa takik; sang kathaot bangsa Kinh daok njauk adat hukum di xã biak kan kandah, palei biak kan kandah bhum bhap bini bangsa takik saong bhum ceik.

Mesup ini 27-4, Cty cổ phần BOT Trung Lương – Mỹ Thuận pambuak bruk haong tỉnh Tiền Giang saong dom gah pambuak tal, peih pakak jalan nduac samar Trung Lương – Mỹ Thuận hadei di 13 thun peih bruk padang ngak saong rilo mbang brei padeih kayua rilo makna. Jalan nduac samar ini atah 51 km meteh, daok abih dalam tỉnh Tiền Giang. Ini lac jalan hu makna praong pambuak TPHCM nao mai dom tỉnh bhum taneran kraong CL, hu rilo menuac sia daok cang maong meng rilo thun ini mai.

Dah page harei 26/4, di ban Bạc Liêu, Ủy ban bangsa (UBDT) pambuak haong UBND tỉnh Bạc Liêu peih mbang Ginum biai piah pasiam Danak dak “brei thau cambaih angan di dom bangsa saong padang angan dom bangsa Việt Nam”.  Dalam ginum biai, dom urang lambaok ngak bruk bangsa hu pathau khan saong hu ba tabiak dom panuac caong cambaih laih. Gam haong nan, dom urang lambaok sở Tư Pháp, Công An saong Urang hu angan je hu rilo panuac biak abih hatai jai piah ngak pasiam danak dak.

Ba tabiak jalan ngak praong dalam tukvak anak tal dalam mbang nyaom ka bruk KTXH bilan 4 saong jalan ngak, bruk ngak praong dalam bilan 5-2022, ong Phan Văn Mãi – akaok UBND TP.HCM  hu panuac iei jhul samar danak dak sang daok xã hội. Urang dang akaok karja ban raya jeng hu ndom tal bruk panduan ba, ramik pasiam sang tapen ribaong, ba tabiak bruk lac tuk pahadar 50 thun peih paha gah meraong negar, yasa taneh ia, oh daok hu sang daok di tapen kraong ribaong.

Di dalam tỉnh Đồng Tháp hu labaih 75% jamriak ka bruk pruh ia di njam patam saong phun công nghiệp katut harei, dom baoh sang urang nong pandar bruk pruh ia bahrau, patak pataom ia ka phun pala di taneh thu, yau ye: bruk pruh ia tự động, bán tự động saong pruh ia tanjaok hasit hu jaik 25 nghìn ha. Pruh ia tui ilamu bahrau, patak pataom ia hu daong patak pataom hu labaih 20 triệu đồng/ha/thun. Bruk pruh ia, điều khiển tự động, piah daong ka urang nong cak rok patagok ngak mbang khang kajap tapa bruk patak pataom ia pruh, caga dahlau hu manuac ngak, trun manieng jien buh tame, gam tui di nan jeng daong ka sang bein thau cambaih jang ilamo kỹ thuật pandar dalam bruk pala drak.

Tổng thư ký Liên Hiệp Quốc Antonio Guterres harei 26-4 hu nao tal Matxcơva saong taom gaok Tổng thống Vladimir Putin. Jeng dalam harei nan, dom urang ngak praong gah quốc phòng di 40 taneh ia taom gauk ginum biai di Đức. Dalam mbang taom gaok Tổng thư ký Liên Hiệp Quốc Antonio Guterres, Tổng thống Nga Vladimir Putin njauk hatai haong bruk brei ka rahra hu tabiak truh sang mac thép Azovstal di ban pabah lamnge Mariupol di Ukraine.

Tui mbao USA Today harei 26-4, sa công ty di bang New Jersey di Mỹ hu pataom mek labaih 60 tấn ralaow limo chai klik kayua dom ralaow ini njauk njom khuẩn E. coli. Dom pandap ini hu ngak meng harei 1-2 tal harei 8-4 saong hu payua tal dom sang pablei le di dalam taneh ia.

Harei 24/4 meng bloh, 2 thủy thủ likei di kapal Roh duah Hoàng gia Anh hu ngak lakhah angaok Bilai roh duah Rothera di jabat Pasang iek Nam Cực di negar Anh (BAS). Ini lac ndam lakhah đồng giới camereip abih hu peih ngak di taneh ia Nam Cực di Anh. Ndam lakhah di dua urang likei haong gauk nan hu thuyền trưởng Will Whatley dang tabiak ngak angaok sruh kapal, hu mbaok di 30 urang lac dom thủy thủ di kapal. Hadei di nan, lac var payak mbang 100 urang di bilai roh duah jabat pasang iek Nam Cực di Anh./.

Urang lang: THU THAO & M.P – 27/4/2022