Rajaei hadei di tuk ginum biai blaoh, hu tabiak Sarak pok tagok Ủy ban Thường vụ Quốc hội danak dak Sarak ka yaom jien je khik caga alam moi truong ngan saong xăng, menyek, mỡ nhờn tui bruk ba tabiak di Mentri Jien padai. Tui nan, Mentri Jien padai likau brei trun yaom jien je khik caga alam moi truong ngan saong xăng lac là 2.000 đồng/lít; menyek diesel, menyek mazut, menyek nhờn lac 1.000 đồng/lít; mỡ nhờn lac 1.000 đồng/kg; menyek truac lac 700 đồng/lít. Gam haong nan, Mentri Jien padai caong khin brei ba sarak tame pandar meng harei 1/4/2022 tal harei 31/12/2022. Meng bruk ramik brei trun yau ngaok nan, tui kuhria mboh dahlau jien mek tame meng kak je khik caga alam moi truong ngan saong dom janih pandap nan trun labaih 29.035 tỷ đồng sa thun, meng nan ngak trun jien mek tame kadung jien Karja.

Mesup harei 13/3, dua sruh kapal haok VN58 haong VN68 di hãng kapal haoh Việt Nam Airline hu pajeng 579 urang Việt meng bhum mesruh gauk di Ucraina par tapa Ba Lan saong Rumani mai veik taneh ia; dalam nan hu 138 uraniah meng 3 bilan tal 18 thun, 70 urang taha praong thun, rilo urang kumei metian haong urang daok ruak kik. Hu oh takik menuac hu tal mangaok 30 thun daok ngak mbang, ngak bruk, padang mbang ngui di Ucraina.  Mai veik dalam tuk mesruh metak, rilo menuac oh daok harak gar hagait ba tui rup, oh hu visa, oh hu passport. Min karja Viet Nam hu tacei pato dom gah chức năng di mblang kapal haoh daong langyah samar piah ngak veik harak gar ba tui rup ka dom urang nan.

Harei ini 14/3, Sở Y tế Ban raya HCM peih bruk pasram tapak pandar phần mềm salih tapa số dalam bruk brei thau F0 saong brei harak lac ngak salah bruk daok karei ka urang F0. Bhap bini mboh yau ruak COVID-19 meyah dut iek mboh dương tính di sang ye tame mblah web https://khaibaof0.tphcm.gov.vn di komputer atau phone tngin piah brei tahu saong taduan lac F0. Tuk salah blaoh bruk daok karei, urang F0 brei dut iek samar di sang, meyah âm tính, payua thaot dut iek nan  tame "Nền tảng số quản lý COVID-19" piah taduan harak salah bruk daok karei di sang tapa mail.

Thành đoàn Cần Thơ bahrau peih bruk tabiak mbaok Harei tabung glaong halan hatian ba gauk tame padang ngak palei pala bahrau thun 2022. Di tuk peih bruk, dom gah ngak pahla hu alin hadiah ka dom danak dak, cambaih laih yau ini: danak dak ia hacih dam dara; kapul pathau khan saong alin hadiah 13.000 bình halang ia brei ka dom baoh sang oh ka hu ia menyum hacih tapa bruk brei saoh bình halang ia “lõi gốm”, abih tih yaom 19 tỷ meteh. Tapa nan, dam dara Cần Thơ daok hu daong pala 1.000m jalan bingu kèn hồng, bingu mười giờ yaom abih tih 100 triệu đồng; pasiam jalan nao mai dalam palei yaom 100 triệu đồng; peih ngak 3 danak dak sang bac mekre ka adei haong yaom jien abih tih labaih 90 triệu đồng.

Yaom xăng menyek saong yaom gas birau tagok glong ba tal rilo janih pamdap mbang, labik pablei pandap mbang menyum di TPHCM ba tabiak yaom birau tui jalan tagok glaong. Dom janih njam patam, baoh karaoh tagok meng 5.000 tal 7.000 đồng sa kilo. Tui dom urang pablei salih di darak meng kan pak di Ban raya HCM, yaom dom janih pandap mbang, kaya ikan…di dom darak pasar praong tagok meng 1.000 – 2.000 đồng sa kilo ye mai tal darak sit brei tagok jang 5.000 -7.000 đồng sa kilo kayua jien pajeng ba, jien pah urang ngak jeng tagok…

Kayua gaok dom lệnh trừng phạt, dom ameh khik piah yaom jaik 300 tỷ đô-la Mỹ (USD) di gilang pariak negar Nga njauk kreik veik. Akaok Mintri Jien padai Nga An-tôn Si-lu-a-nốp (Anton Siluanov) brei thau, ini lac meteh dom ameh khik piah di Nga.  Urang dang akaok Mintri Jien padai Nga ndom lac, ngan saong dom taneh ia oh siam hatai, ba tabiak dom pacang cakak ka bruk pandar ameh saong khik piah ngoại hối di Nga, dom pok jien sraiy di dom taneh ia ini, Nga brei bayar saiy meng jien rúp.

  Rajaei Irắc birau iew Iran langah tapak saong cambaic laic tapa dom jalan ngoại giao ka bruk taong meng tên lửa đạn đạo tame gah Brak Irắc harei kabroi. Dahlau di nan, harei kabroi, Gah Vệ binh Cách mạng Hồi giáo Iran brei panuac taduan bruk cuh yaok pluh tên lửa tame “ pasak praong” di Ixraen di labik I-rơ-bin (Erbil), gah Barak Irắc, piah taong bayar veik bruk Ixraen taong meng kapal haok tame dom labik di Iran pak Xy-ri (Syria).  Ndem puac ka bruk taong tame nan, Tổng thư ký Liên đoàn Arab (AL), ong Ahmed Aboul-Gheit ndem puac Iran, saong brei mboh hatai pachreih tui bhap bini Irắc. Dom taneh ia Arập dalam bhum jeng hu tabiak panuac dreih yau nan.

Harei kabroi (13/3), Tổng thống Indonesia haong dom Thống đốc dalam negar Indonesia ba gauk mai pataom di labik mốc ka 0 di ban ine bahrau Nusantara, ba haluk saong ia meng 33 tỉnh ban mai caik tame sa baoh bình praong di mốc ka 0 ngak labik peih mbaok ka bruk cakrok di ban ine bahrau. Meda lac, hatai caong di Indonesia ka 1 ban ine bahrau, siam mekre, pambuak gauk saong mek hu tanut chuẩn dunya daok jeng biak. Langiu dom siam lagaih njauk ndom tal di sa ban hijao, ban hu glai ye Nusantara jeng daok hu caong lac ban thông minh, hiện đại./.

Urang lang: Thu Thảo & H.Pha – 14/3/2022