Harei 31/5 dom urang QH ginum biai ka Sarak Phe chuan pandar kadung jien karja thun 2022; Du thao Sarak peih ngak iek pabak dom jalan, sarak đặc thù patagok tỉnh Nghệ An; du thao Sarak pasiam veik, pabak Sarak ka 119 di QH mbang 14 ka bruk peih ngak iek bruk karja do thi saong dom jalan ngak, sarak karei piah patagok Đà Nẵng. Langiu di nan, Quoc hoi hu ginum biai ka Quy hoach tasik pakat negar vaktu 2021 -2030, pamong tal thun 2050.

Miuyim Bình Phước daok khik ramik, pandar labaih 14.000 tư liệu, pandap panda hu yaom glaong gah sajarah, ilamo, bruk dang tagok mesruh di bhum taneh saong anek manuac Bình Phước; dalam nan, hu paok pataom pandap panda meng kan di urang S’tiêng Bình Phước. Paok pataom “pandap meng kan di urang S’tiêng Bình Phước” hu brei mboh dom siam gheih dalam raidiuk, adat cambat ilamo meng kan di mikva S’tiêng hu khik ramik tapa rilo thun. Dom pandap ini rik tame bruk pato pakai, daong ka rai ranaih thau jang ka bruk padang tabiak saong cak rok patagok di bangsa S’tiêng meng kan dahlau tal urak ini.

Bol lin Bien phong tinh Sóc Trăng, Tòa án bhap bini tỉnh Sóc Trăng pambuak haong UB bhap bini huyen Cù Lao Dung, huyện Trần Đề saong ban sit Vĩnh Châu birau peih “ Phien toa giả định ka pacang caga cap mek kaya ikan dalam ia suan hukum , oh khan brei thau, oh tui bruk ba tabiak” (pacang taong cap IUU). Phien toa piah pathau khan paglong jalan sahaneng, bruk di urang nao tasik ka  chap mek kaya ikan njauk tui hukum Viet Nam. Tapa nan, rik daonglang talaih “ the vang” di UB chau Au ( EC) pandar ngak tui pandap kaya ia tasik Viet Nam.

Yaom ralaow pabui pak tỉnh Đồng Nai, lac bhum palei hu tapon pabui rilo abih dalam taneh ia, daok di tanut glaong abih kuhria meng akaok thun tal ini, lac 69.000 đồng – 71.000 đồng/kg. Tui ong Nguyễn Kim Đoán – Phó akaok Kapul raong glang Đồng Nai, yaom pabui ralaow glaong kayua gah pabui ka oh pabak samu hu. Sa bilan tapa, kayua langik pandiak, kurang ie, rilo urang raong glang njauk pablei lap nan ye tukvak ini dom tapol pabui tal mbang pablei oh hu rilo.

Di dom kaoh pulao dalam labik khik iek di Bein pakat negar Côn Đảo, tỉnh Bà Rịa - Vũng Tàu ye bruk San ho - karang metai, ngak patih kaok daok rah tabiak di taneh praong. Mban khik iek Bein pakat negar Côn Đảo kuhria rah tapa san hô ngak patih kaok saong metai kayua El Nino ba tal ia tasik ala pandiak tagok dalam bilan 4, bilan 5 meng blaoh. Dom karang San hô metai saong patih kaok biak praong. Dom janih karang patih meda pasiam veik hu ralo saong meda pasiam veik meyah ia tasik trun. Meyah patih kaok trak saong dui atah, ralo San hô meda lahik abih.

Thủ tướng Campuchia Samdech Moha Borvor Thipadei Hun Manet brei thau, kênh đào Funan Techo hu peih tabiak ngak di bilan 8 ini. Dom labik ribaong ini hu ramik ngak ginup praong piah ka dom sruh gilai trak tal 1.000 tấn meda nao tapa. Danak dak hu padang ngak 3 cống (âu thuyền) piah rami ramik jalan ia nduac, khik tani tanat di mbaok ia dalam ribaong ia saong pacang njom ia mbak. Tui kuhria meda ngak salah di thun 2027 ngan haong abih tih pandap panda pajeng tapa jalan ribaong bahrau ini lac 7 triệu tấn sa thun.

Thái Lan lac taneh ia pablei durian tabiak negar langiu dang akaok  dunya, jien mek tame yaok thun tapa 100 tỷ baht, sumu 2,73 tỷ USD. Yau nan min, meng akaok thun ini, pandiak khang saong langik thu lagu ngak jhal tal durien di taneh ia ini. Bruk trun takik di Thai Lan ngak ka yaom tagok glong jaik 177 baht ( jaik 5 đô la Mỹ) yaok kilo. Dalam tuk nan, tui kuhria mboh di  Hiep hoi Durian Thái Lan, yaom pablei durian di taneh ia ini thun ini labaih 250 baht sa kilo.

Takik di nyu 21 urang metai saong yaok piluh urang njauk rambuac tuk sa sruh radaih buýt pajeng menuac hành hương laik trun ceik dalam di bhum taneh liên bang Jammu gah barak Ấn Độ harei 30/5. Takik di nyu 60 urang njauk rambuac hu ba tame sang bac cao đẳng y tế rajaei pak Jammu piah taong ruak. Jabat chức năng daok samar drah daong urang njauk bala./.