Ini lac tuk piah ka bhap bini Ba Na, Chăm H’roi, H’rê taom gaok gauk

Mentri Y tế birau hu harak ka 3271/BYT-DP payua Akok UB bhap bini dom tỉnh, ban Đồng Nai, Đà Nẵng, Đồng Tháp, Quảng Ngãi ka bruk peih ngak pakhang bruk klauk jru vaccine pacang Covid-19 piah mek hu dom bruk ba tabiak di Rajaei, plaik njiak bruk palai pajoa vaccine; Mentri Y tế iew dom tinh, ban pakhang bruk pathau khan piah jhul pasamar bruk klauk jru, pataom tame tacei ba jalan piah jhul pakhang bruk peih klauk jru vaccine pacang Covid-19 mbang ka 3 ka urang umo meng 12 thun tagok saong salah bruk klauk jru ginup ka uranaih umo 5 thun tal umo ala 12 thun dalam bilan 8 thun 2022 tui tacei pato di Rajaei; Jhul samar bruk klauk jru vaccine pacang Covid-19 mbang 4 ka dom urang tui tacei pato di Mentri Y tế.

Dalam tukvak tapa, gah Ilamu Thể thao tỉnh Bình Định hu peih ngak rilo bruk piah khik ramik saong patagok ilamu di bhap bini dom bangsa takik daok dalam tỉnh. Bahrau ini, Sở Ilamu saong Thể thao tỉnh Bình Định hu peih Harei pataom ilamu Thể thao dom bangsa takik daok di bhum ceik dalam tỉnh mbang ka 16 thun 2022. Ini lac tuk piah ka bhap bini Ba Na, Chăm H’roi, H’rê taom gaok gauk, tapa nan klah rabha ka gauk ilamu khik ramik, patagok dom ilamu hadah krah di dom bangsa adei sa-ai.

Bộ phim Amaik glai di đạo diễn Hoàng Linh daok papar sap di mangaok YouTube  lac dom asar kadha biak gheih karei  ka “ Vương quốc Pơ mu” saong urang Cơ Tu nan lac dom urang “ diuk hu glai raong, metai hu glai lam” di huyen Tây Giang, Quảng Nam. Phim palih ruah Rija peih thun – Dhar phol glai lac kadha hu makna praong. Ini lac phim tài liệu sinh thái akok meti ka urang Cơ Tu, hu peih ngak abih meng sap bangsa di labik ini nan lac sa panuac ndem biak gheih daok mbuan si lahik nao.. 

Pachreih tui bilan ngak ka uraniah saong harei baoh sang Việt Nam 28/6, Cty Điện lực Kon Tum hu brei 10 radaih juak saong yaok ratuh pok pandap ka uranaih metui, uraniah jaoh jo daok di Pasak Bảo trợ saong Công tác xã hội tỉnh Kon Tum. Ini lac sa bruk ngak siam lagaih dalam bruk an sinh xã hội, rik daong ba mai bui sambai piah daong pabak prein khang diukrai ka dom thar vak oh patuah, gaok kan kandah.

Patagok ilamu diukrai siam gheih di bangsa “Anit urang yau ranam rup drei” saong pachreih tui kadha “ Sa kanjok darah brei nao lac sa radiuk daok veik”, dom thun tapa, baoh sang sa-ai Nguyễn Văn Nguyên ( umo 55 thun) saong sa-ai Phạm Thị Bích Duyên (umo 48 thun), do di palei  1, xã Nhị Hà, huyện Thuận Nam, tỉnh Ninh Thuận hu 72 mbang halain hatian brei darah. Tapa nan, rik tame daong rilo urang ruak tapa ruak kik, meblah veik diukraisaong pambak bruk anit ranam dalam hatai ka bruk halan hatian brei darah dalam xa hoi.  

Dubai bahrau peih pakak Gilang tapuk Mohammed bin Rashid, hu maong lac Gilang tapuk praong abih dalam dom taneh ia Ả-rập saong daok dalam dom gilang tapuk hu công nghệ bahrau di abih. Meng labaih 1 triệu bản in saong tapuk kỹ thuật số gam saong labaih 6 triệu luận án roh duah, gilang tapuk meda jeng sa labik pandiak bahrau gah ilamu. Daok di labik praong labaih 54.000 m2, gilang tapuk glaong 7 tal hu padang ngak dreih yau 1 baoh tapuk daok peih, pataom hu 9 gilang tapuk chuyên ngành, brei ka bhap bini hu tame, hu thau tal pasak ilamu puac tapuk praong abih dalam bhum. Hu thau, gilang tapuk taduan raok hu tal 1.000 tuai sa mbang haong gauk saong hu peih pabah mbang brei tame saoh ka dom menuac caong mai tal piah pabak ilamu puac tapuk.

Hãng phone Samsung birau njuak hatai bayar 14 trieu dola Australia taong phạt hadei di tuk jabat chức năng di Australia duah mboh công ty ini yaih khan suan ka dom thaot phone  meda pandar hu ala ia. Panuac khan di UB Meriak gauk saong Urang blei pandar di Australia brei thau, meng thun 2016 tal thun 2018, Samsung Australia peih bruk yaih khan pablei, dalam nan hu bruk yaih khan  angaok Facebook, Twitter, Instagram, angaok blah web di công ty saong di cửa hàng  brei mboh phone Samsung Galaxy pandar hu ala ia dalam danao caluai ia atau ala ia tasik. Yau nan min, biak di nyu, rilo phone di Samsung tuk caik ala ia ye khut.

Dom bilan tapa, 2 gah Bắc saong Nam di baoh taneh pandiak tagok glaong di abih. Bilan 5 di Delhi (Ấn Độ), langik pandiak tal 49 độ C. Adit dahlau di Madrid (Tây Ban Nha), langik pandiak tal 40 độ C. Dom urang ilamu ndom lac, anek menuac oh plaih hu dom kan kandah trak damak di abih meng biến đổi khí hậu meyah dom khí thải ngak brei hiệu ứng sang camin daok tagok glaong yau urak ini./.

Urang lang: A. Nghiem & M. Phuong – 25/06