Katê thun 2022 hu ngak di inem mek bimaong Pô Sah Inuw di harei 24 saong 25/10 tal

He thong tui iek jit ruak di gah y tế Ban raya HCM brei mboh dom urang birau njom ruak  COVID-19 tagok hasit dalam 3 adit jiak ini, hu harei labaih 50 urang birau njom ruak, dahlau di ini urang birau njom ruak  trun ala 30 mbang sa harei, yaom lac urang tame iek ruak, urang ruak trak oh hu rilo. Sở Y tế Ban raya HCM iew dom quận, huyện dalam ban hu jalan caga blaoh tuk halei khin peih veik sang iek ruak dã chiến meyah mboh hu urang F0 tagok gilac.

Sở Ilamu, Thể thao saong Du lịch tỉnh Bình Thuận brei thau: Katê thun 2022 hu ngak di inem mek bimaong Pô Sah Inuw di harei 24 saong 25/10 tal. Tapa nan, Bình Thuận jeng brei thau Sarak di Akaok Mintri Ilamu, Thể thao saong Du lịch ba Katê di urang Cam tỉnh Bình Thuận tame angan inem krung ilamu phi vật thể pakat negar.

Thun bac 2022-2023, tui kuhria dahlau Ban raya HCM tagok rilo jang 21.897 anek saih. Dalam nan, gah sang bac di karja tagok 15.328 anek saih. Anek saih tagok rilo lac pakat bac THCS saong THPT, pataom tame di Ban Thủ Đức, Quận 12, Gò Vấp, Bình Tân saong Bình Chánh. Tui Yam ndoc Sở Pato megru TP HCM Nguyễn Văn Hiếu, kayua dom bhum palei nan daok dalam vaktu đô thị tagok samar, bruk dân số panduan nao saong mai tagok glong.

Hadei di jaik 6 thun kham merat ginum biai piah peih pabah mbang darak pasar, chanh leo di Việt Nam hu ngak iek bruk pablei tui jalan chính ngạch tapa Trung Quốc meng bilan 7 thun ini. Chanh leo lac janih baoh kayau ka 10 di Việt Nam hu adat pablei tame Trung Quốc, gam haong dom janih: thanh long, tamekai, vải thiều, darang, patei, pa-ok, panat, chôm chôm haong makhut.

Tukvak ini, la-u thu di tỉnh Bến Tre trun yaom daok mala 2.000 đồng sa baoh; di bhum palei pala po bein oh pablei hu kayua darak pasar pablei dom pandap ngak meng la-u tabiak negar langiu  gaok kan kandah, abih di nyu lac tuk Trung Quoc urak ini peih ngak tui sarak “ Zero COVID”, takik blei tame. Ngan haong yaom yau urak ini urang pala la-u oh hu laba, daok khat lahik veik.

Thủ tướng Anh Boris Johnson harei 7/7 khan lac luai ngak Chủ tịch đảng Bảo thủ, peih jalan ka bruk pilih ruah Thủ tướng bahrau, hadei di tuk yaok pluh Akaok Mintri tabiak truh Rajaei. Ong Boris Johnson, umo 58 thun, brei thau lac daok ngak Thủ tướng mbiah tal tuk đảng pilih ruah hu menuac bahrau.

Rajaei di Tổng thống Mỹ Joe Biden brei thau jalan palih ruah  250.000 cố vấn bac megru saong gru pato piah daong dom anek saih dom pakat meng pakat tieu hoc tal THPT bac kurang ilamu kayua jit ruak COVID -19, kham ngak salah dalam 3 thun. Jalan ngak nan hu ba tabiak hadei tuk duah thau blaoh hadei jit ruak praong COVID-19 brei mboh, rilo anek saih di Mỹ bac kurang ilamu, kadhun likuh meng 2 tal 4 bilan dut saong bruk bac da-a bhian dalam môn Bac saong Toán.

Thủ tướng Đức Olaf Scholz njauk hatai haong panuac caong salih bharau hukum nhập cư, brei adat ka rahra taneh ia langiu daok di Đức labaih 5 thun likau hu harak adat daok veik suai lavik. Adat bahrau nan hu pandar ka jaik 136.000 urang daok di Đức, dalam nan hu urang tị nạn, urang nhập cư, urang ngak saong rahra taneh ia langiu daok ngak bruk saong bac da-a di Đức./.

Urang lang: M. Phuong & Bhumi – 09/07