Dah page ini (24/8), Sở Pato magru tỉnh An Giang hu peih nyaom biai pato pasram palahik bruk oh thau akhar ka rahra di bhum bangsa takik saong bhum ceik thun 2023. Nyaom biai hu ba tabiak dom asal kadha praong dalam peih ngak, palahik bruk oh thau akhar haroh, bruk taong yaom urang bac di Danak dak palahik bruk oh thau akhar haroh. Urak ini dalam tỉnh An Giang hu labaih 19.500 urang bangsa takik oh thau akhar, dalam nan rilo abih lac di 2 huyện, ban sit bhum ceik Tri Tôn saong Tịnh Biên. Kuhria tal urak ini, An Giang hu peih 21 tal bac palahik bruk oh thau akhar haroh ka urang bangsa takik di dalam tỉnh ngan haong 429 urang hu mbaok tame bac.

Yaom lac hu buh tabiak labaih 973 tỷ đồng kadung jien karja daong jien pah sang ka labaih 855.000 urang ngak, min TP.HCM jeng oh ka kuhria hu haong Kho bạc karja kayua rilo tavak tavaiy dalam tuk peih ngak.  Labaih 974 tỷ đồng daong jien pah sang ka urang ngak. Peih ngak sarak daong jien pah sang ka urang ngak daok pah labik trọ, ngak bruk dalam dom labik ngak kong, labik chế xuất,  TP hu panuac caong likau jaik 1 rabau 800 tỷ đồng kadung jien karja, min hu pabak brei 70% lac labaih 1 rabau 244 tỷ đồng.  Yaom lac hu buh tabiak pok jien praong tal tangin urang ngak, min UBND TP mboh lac bruk peih ngak na daok hu rilo tavak tavaiy nan ye brei hu jalan ngak dalam patui bruk daong jien

Harei ini (24/8), mBan Khik ramik danak dak jalan mbak bhum Cái Mép – Thị Vải, tỉnh Bà Rịa – Vũng Tàu brei thau lac, phun jien peih mbaok taneh (GPMB) di danak dak jalan nduac samar Biên Hoà – Vũng Tàu, gah nao tapa tỉnh Bà Rịa- Vũng Tàu, tagok 990 tỷ đồng. Tỉnh daok buh brei dahlau jien di kadung jien kanja saong likau Quốc hội rami ramik jalan ngak buh jien tame. Danak dak atah 19,5km, abih tih yaom jien buh tame ngak labaih 4.963 tỷ đồng, dalam nan hu gam paok thầu piah ngak pasiam mbaok taneh, ngak tatua saong ngak jalan. Danak dak hu padang ngak di bilan 6/2023, tukvak ngak lac 24 bilan.

Sa dalam dom nền tảng du lịch online dang akaok dunya lac Booking.com bahrau hu yaok pataom dom labik nao tal hu tuai Việt duah rilo ka mbang padeih 2/9 anak tal. Mbang padeih 2/9 dui atah 4 harei, meng harei 1/9 tal abih harei 4/9. Yaok pataom di Booking.com brei mboh lac, dalam taneh ia, hu 10 labik hu tuai du lịch duah rilo di abih lac: Đà Nẵng, Vũng Tàu, Nha Trang, Đà Lạt, TP.HCM, Mũi Né,  Hạ Long, Phú Quốc ... Dalam nan, mbang tasik saong ban tasik lac pilih ruah dang akaok di tuai Việt tuk nao du lịch (61%), patui di nan lac dom ban praong (60%).

Dom harei tapa, yaom baoh panat di tỉnh Tiền Giang tagok gam gam. Urak ini, urang blei mai tal bein blei baoh panat di po bein Tiền Giang ngan haong yaom: janih 1 yaom 51.000 đồng/kg, panat janih 2 yaom 39.000 đồng/kg saong janih 3 lac 24.000 đồng/kg, tagok jaik 20 ribau đồng/kg dut saong bilan dahlau. Ngan haong yaom urak ini, yaok kg panat po bein hu laba meng 25-30 ribau đồng; 01 ha taneh pala panat hu jien mek tame labaih 500 triệu đồng sa thun. Yaom janih baoh kayau ini tagok glaong lac kayua darak pasa Trung Quốc takre; dalam tuk baoh panat tame oh njauk bilan di negar drei daok trun.  Tiền Giang hu labaih 13.000 ha phun panat.

Harei ini (24/8), gah pajeng ba jalan kapal haoh Liên bang Nga (Rosaviatsia) peih sa bruk duah thau ka bala kapal haoh Embraer di bhum Tver harei 23-8. Dahlau di nan, jeng lac harei 23/8, Mintri bruk samar drah Liên bang Nga khan lac sruh kapal haok Embraer Legacy laik jaik labik sang danaok labik daok bhap bini Kuzhenkino di bhum Tver. Angaok sruh kapal haoh nan hu 10 urang, dalam nan hu 3 urang peih kapal haoh. Taong abih menuac angaok sruh kapal haoh jeng metai abih. Ong Yevgeny Prigozhin haong dom urang pan akaok kapul Wagner, ong Dmitry Utkin daok dalam angan 10 urang hu mbaok angaok sruh kapal haoh laik di gah brak ban ine Moscow melam nan.

Gilang paraik bhap bini Trung Quốc (PBoC) hu trun jien laba dalam bruk kham marat pacang caga bruk laik trun di gah kinh tế. PBoC trun jien laba paok masaiy (LPR) tukvak sa thun, jien je ka dom paok masaiy di doanh nghiệp, meng 3,55% trun 3,45%, dalam tuk khik tani tanat jien laba tukvak 5 thun, pandar ka abih tih dom paok masaiy thế chấp, di tanut 4,2%. Hadei di mbang trun dahlau di nan di bilan 6, dua janih jien laba nan, urak ini daok di tanut bier di abih ka oh bhian mboh. Bruk trun jien laba piah dui pachreih dom gilang paraik pablei salih jhul khang bruk brei masaiy ngan haong jien laba biak bier jang. 

Workman, dom cửa hàng di Japon pablei khan ao đồng phục saong takhaok dép ka urang ngak di dom công trường, sang mac hu tabiak mbaok phiên bản áo khik caga urang ngak hu pagam 2 kadi sit di jih ao gah likuk. 2 baoh kadi ini praong nde plak tangin saong pandar pin sạc. Kadi hu tốc độ karei di gauk, piah yuk ngin tame ao ngak brei thu ia hauk saong par pandiak tabiak langiu rup. Yaom pablei lẻ blah ao nan, lac 82-164 USD. Ngan saong urang ngak daok ngak bruk dalam sang mac saong dalam kho xưởng, ye kadi ngak lahei takuai hu nding nyu ngak brei lahei la-an rup dalam pandiak khang di bilan hè./.