Sở Y tế Ban raya HCM birau brei thau angan 10 sang iek ruak ngak bruk taong rauk hu siam abih dalam thun 2022. Dalam nan, dang dhi akok lac Sang iek ruak  Hùng Vương, hadei di nan lac sang iek ruak: Nhi đồng 1, Nhân dân 115, Từ Dũ, Viện Y dược học bangsa, Hoàn Mỹ Sài Gòn, Nhân dân Gia Định, Bình Dân, Tâm Anh saong Nhi đồng 2. Sở Y tế TPHCM mboh lac, thun 2022, jaik abih dom sang iek ruak hu rilo bruk salih birau mboh di anak meta, brei ngak lagaih samar, bruk ngak dalam tukvak birau, rik tame  dak padang kinh te Ban raya. Nan  ye, tanut chat luong sang iek ruak thun 2022 hu sumu gauk di taong abih dom sang iek ruak di karja saong langiu karja.

Dalam tỉnh Ninh Thuận urak ini hu 301 labik pato mầm non saong phổ thông, dalam nan hu 5 sang bac bangsa gam bac gam daok, 1 sang bac THPT chuyên.  Min bruk ieu pataom uranaih mầm non tabiak bac daok biar, hu 22% duk haong kuhria rah tapa dalam taneh ia lac 30%; bruk anek saih klaak bac yaok thun jeng daok hu, abih di nyu lac anek kamuan urang bangsa takik bhum ceik, bhum biak kan kandah. Labik bac, pandap bac jeng oh ka pabak hu bruk pato saong bac. Urak ini dalam tỉnh hu 170 labik sang bac sit, labik bac saong pandap pato bac jeng daok kurang, pandap pandar, pandap me-in ka uranaih, saong bruk sron mbon jeng oh ka hu siam mekre kayua oh ka hu menuac khik caga.

Mbiah tal ini, dalam tỉnh Tiền Giang hu 137/143 xã mek hu tanut chuan palei pala birau; dalam nan hu 40 xã mek hu tanut palei pala birau paglong; 2 xã mek hu tanut chuẩn palei pala birau kieu mau; 3 đô thị ngak brei salah bruk padang ngak palei pala birau saong 4 huyen mek hu tanut chuan palei pala birau. Tukvak tapa, bruk an ninh chính trị, trật tự an toàn XH saong bruk taong abih bhap bini jak ba gauk khik brei sron mbon salamat di Tiền Giang, abih di nyu dom xã  palei pala birau khik hu tani tanat, salamat puk paga, dak padang palei pala birau bhian hu khang brei pakhang kajap saong patagok. Dalam tỉnh hu 24 bruk ngak pacang caga kol toi pham; dalam nan hu rilo bruk ngak siam ralo.

Urak ini, yaom la-u thu saong la-u that di tỉnh Bến Tre jeng trun khang kayua bruk pablei tabiak negar langiu gaok kan kandah. Yau nan min, baoh la-u pala tui jalan hữu cơ, hu pambuak bruk haong dom doanh nghiệp jeng daok tani tanat haong yaom glaong jang 20-30% duk haong la-u meng kan. Dalam tỉnh Bến Tre hu jaik 80.000 ha la-u, daok la-u hữu cơ urak ini hu labaih 13.000 ha. Dalam tỉnh hu 7 doanh nghiệp pambuak bruk blei la-u di mikva urang ngak nong saong dom kapul pambuakl bruk, dom HTX

Dom harei tapa, mai meng ribuk ka 1, di tỉnh Bạc Liêu hu hajan praong gam hangin khang ngak khut labaih 80 baoh sang di bhap  bini, kuhria abih tih khat lahik labaih 762 trieu dong. Hadei di tuk rah tabiak bala, dom bhum palei nan brei manuac mai tal labik daong ka mikva  pasiam bruk khat lahik. Mban tacei jalan pacang caga bala meng langik tasik saong Duah daong urang gaok bala di dom bhum palei ini jeng daok samar pasang iek, taong yaom bruk khat lahik piah daong ka bhap bini samar tani tanat raidiuk.

Dom Cty negar Séc daok kurang 200.000 menuac ngak bruk. Tui Mintri Lao động Séc, taneh ia caong dui pachreih urang ngak meng dom taneh ia dreih gauk gah ilamu ka nyu siam lagaih, kein laba saong samar drah. Kayua yau nan ye, langiu dom taneh ia di Đông Âu, Séc caong pambuak bruk haong dom taneh ia karei yau Việt Nam saong Philippines. Dalam dom thun jaik ini, Séc hu menuac oh hu bruk ngak biar abih dalam dom taneh ia di EU (urak ini lac 3,4%). Tui yaok pataom, jaik 1 triệu urang negar langiu ngak bruk di negar Séc di puac bilan 12/2022, meblah 15% dom menuac ngak.

Tổng thống Nam Phi mbaoh tangin hu jeng Hukum Dự luật ngôn ngữ ký hiệu di Nam Phi. Tui nan, Nam Phi jeng taneh ia ka 4 di chau Phi hu taduan sap ndem tapa ký hieu  (ra-ni)lac akhan vak di drei, lgam haong dom taneh ia karei lac Kenya, Zimbabwe saong Uganda. Tong thong Nam Phi brei thau bruk taduan sap ndem ky hieu  Nam Phi lac panuac ndem  ka 12 lac bruk hu makna ba tal bruk brei quyen ka dom urang tangoh. Tui kuhria mboh dahlau hu labaih 600.000 urang pandar panuac ky hieu di Nam Phi.

Khuah glai yam tapa harei ka 3 di gah pai ban ine Athens di Hy Lạp dalam tuk karja caga pacang sa mbang pandiak bahrau mbuan ba tal khuah glai dalam taneh ia. 4 sruh kapal haoh mai meng Italia saong Prang meda hu mbaok tame kham merat padam pui, dalam tuk lin padam pui dalam taneh ia daok hu ba mai. Rilo baoh sang khuah ralai abih saong yaok ratuh menuac njauk klaak sang danaok. Gah khí tượng Hy Lạp khan lac bruk khuah mbuan tagok glaong dalam tuk pandiak mbang ka 2 tui kuhria mboh lac hu meng harei ini. Khuah glai bhian rah tabiak di Hy Lạp. Thun 2018, hu 101 urang metai kayua sa mbang khuah glai dalam rilo mon./.