Bruk mai palei mbang tet di bhap bini jhul iek lap ka anek ruak omicron 

Sở Y tế TP.HCM brei thau, anak dom bruk rah tabiak  bahrau  di jit  COVID-19, bruk hu mbaok  di  biến chủng bahrau  Omicron, dalam tuk tết Nguyên đán anek sak rimong  2022, TP.HCM daok brei jhul khang bruk klauk vaccine pacang  COVID-19 mbang pabak song mbang ka 3 piah patagok miễn dịch, siam lagaih pacang caga jit ka bhap bini. Jeng tui  Sở Y tế TP.HCM, ngan song dom urang njauk ruak  COVID-19 dahlau nan, jeng daok brei klauk vaccine, kayua urak ni meda njom veik  Omicron, dok mbuan si njauk ruak trak, mbuan si pambak vi rút ka urang karei.       

Tukvak Tết thun sak ramaong daok mai tal biak jaik, min kan kandah kayua jit COVID-19, nan ye menuac blei pandap di tỉnh Long An trun daok takik, samu meteh thun bloh. Yaom lac yau nan, min Sở Công Thương tỉnh Long An pambuak bruk haong dom puk palei, doanh nghiệp hu caga ginup pandap panda, oh caik brei kurang pandap, tagok yaom atau pandap ja, pandap oh siam. Cty padai brah Long An tuk halei jeng khik piah dalam gilang dom janih brah, meng brah thường tal brah pahe, meng 1.000 tal 2.000 tấn, yaom abih tih jaik 43 tỷ đồng di dom sang mac saong labik pablei rai.

Dom labik ngka ikan pandam tapen tasik di Cái Đôi Vàm (huyện Phú Tân), Rạch Gốc song  Đất Mũi (huyện Ngọc Hiển, tỉnh Cà Mau) brei thau, dom harei ni, dom pandap meng kan di pak ni hu pablei khang , abih di nyu nan lac dom pandap  hu brei harak di danak dak “Yaok  xã sa pandap” (OCOP). Meng jit  Covid-19 hu pasang iek siam, nan ye bruk pablei salih pandap panda hu rah tabiak gilac veik. Nan ye, dom pandap meng kan hu pablei biak laik  dalam dom harei jiak tết.

Dalam tuk jit Covid-19 jeng daok rah tabiak srau kadau, dom urang pan akaok dom Gilang pariak, ví điện tử pachreih urang salih tapa lì xì điện tử. Ong Nguyễn Minh Tâm, Phaok TGĐ Gilang pariak Sài Gòn Thương Tín (Sacombank) ndom lac, lì xì điện tử lagaih haong bruk takik taom gaok, pacang plaih jit ruak, abih di nyu lac ngan saong dom menuac daok di labik atah jeng taduan hu jien lì xì. Lì xì điện tử haong thiệp điện tử vak panuac tadhau ayuh, gam haong thaot binguk drei pilih ruah, brei mboh bruk iek praong saong văn minh.

Tuk Tết thun ni, 512 boh sang song jiak  1.900 urang bangsa takik  Xơ đăng di  xã Măng Ri dalam bhum căn cứ cách mạng Tỉnh ủy Kon Tum jeng hu taduan pandap Tết. Yaok boh sang kathaot  di  xã Măng Ri được tỉnh Kon Tum  dong  600 ribau đồng song 28 boh sang jiak kathaot yaok boh sang hu  300 ribau  đồng piah mbang Tết. Langiu di nan, dom boh sang ni dok taduan hu pandap  Tết meng dom kapul nyaom, doanh nghiệp song kapul ngak pahla  yaok pok pandap meng  500 ribau đồng tagok. Dom pok pandap anit ranam hu mai tal tangin bhap bini dong ka dom boh sang hu bui samba, hu pandap piah mbang  Tết, main Xuân.

Sa bilai xăng langiu langik pandar robot automatic tuh xăng hu ba tame pandar di Tây Nam Trung Quốc. Bilai xăng kayua Tập đoàn Dầu khí negar Trung Quốc patagok daok di tapen jalan nduac samar tal mblang kapal haoh Lhasa di labik tự trị Tây Tạng. Bruk tabiak mbaok bilai xăng automatic camereip abih di Tân Cương brei mboh sa tukvak bahrau dalam jalan patagok saong pandar robot tuh menyek di Tập đoàn dầu khí negar Trung Quốc.

Harei  28/1, hãng thông tấn Sputnik (Nga) ba khaw tin di biên phòng Kyrgyzstan brei thau  Kyrgyzstan song Tajikistan njauk gauk ka bruk padeih  dom bruk pamoah gauk di jalan tapen negar 2 taneh ia. Tui khaw tin nan, urang brei panuac di jabat  Biên phòng Kyrgyzstan brei thau  dalam dom mbang ginum biai, lambaok 2 taneh ia mek hu dom panuac sanyac lac sa bruk padeih cuh abih; ba tabiak menuac song pandap pabak ka labik tapen negar  ; pambuak veik bruk nao mai di jalan nduac samar Batken-Isfana; palagaih piah ka dom urang thực thi pháp luật Kyrgyzstan song Tajikistan peih bruk pasang iek  di jalan tapen negar piah pacang cakak bruk mesruh gauk  .

Dom menuac metai kayua ribuk Ana di 3 taneh ia gah meraong châu Phi harei 27/1, tagok labaih 77 urang, dalam tuk dom kapul daong chip daok kham merat pasiam dom khut, tayah meng ribuk. Ba tui dom mbang hajan biak khang, rabuk nhiệt đới Ana tuh tame Madagascar dahlau di tuk tame Mozambique haong Malawi. Di 3 taneh ia nan, yaok pluh rabau baoh sang khut tayah kayua ribuk. Hu dom sang jaleih kayua hajan praong saong hu menuac gar dalam dom sang jaleih. Ia kraong tagok glaong kayua hajan praong ba seik dom baoh tatua saong dauk bak abih dom mblang hamu, athur roang saong palai pajoa jalan ngak mbang duah jien di dom baoh sang daok dalam palei pala./.

Urang lang: Hanipha- Mousaphuong-29/1