Mintri Khau tin saong Truyền thông saong Mban Agama Rajaei bahrau peih bruk tabiak mbaok Tapuk mbong “Agama saong sarak agama di Việt Nam”. Tapuk tapan 132 blah, hu 3 chương, brei thau ka agama di Việt Nam; jalan ngak di Đảng ka adat cambat, agama dalam tukvak bahrau; quyen eng drei tui agama hu brei mboh dalam Hukum negar Cộng hòa xã hội chủ nghĩa Việt Nam; dom adat ka bruk ngak adat cambat, agama dalam harak gar hukum urak ini; dom jak jeng, kan kandah saong dom bruk hu brei ngak dahlau di Việt Nam dalam bruk khik ramik quyen eng drei tui agama. Ini lac baoh tapuk piah daong ka urang puac tapuk dalam saong langiu taneh ia thau cambaih jang saong ginup ka sarak agama, bruk agama di Việt Nam.

Dalam thun 2022, UBMTTQ Việt Nam TPHCM haong dom gah di drei jak ba hu labaih 56 tỷ đồng kadung jien “kayua tasik, pulao palei negar – kayua bhum tapen negar taneh ia” saong labaih 309 tỷ đồng Kadung jien “Brei ka urang kan kathaot”. Langiu di nan, UBMTTQ Việt Nam ban raya jeng taduan hu jaik 7 tỷ đồng daong ka bruk pacang caga jit COVID-19; labaih 500 triệu đồng daong blei vaccine caga jit… dalam thun ini, UBMTTQ TP.HCM meda peih bruk padang ngak 500 baoh sang brei ka urang kan kandah, haong yaom jien abih tih lac 23 tỷ đồng. 

Tapa 10 thun peih ngak bruk daong sang kan kathaot, sang jaik kathaot, Uỷ ban bhap bini tỉnh Bạc Liêu hu parabha 4.348 mbang jabat, kapul, bhum palei taduan daong ka labaih 41.600 sang kathaot, haong yaom jien labaih 137 tỷ đồng. Tapa nan, hu labaih 41.000 sang hu daong, hu tabiak truh kan kathaot. Dalam thun ini, Bạc Liêu hu ba tabiak jalan ngak lac patrun dom baoh sang kan kathaot daok 1%, samu lac 2.270 sang. Gam haong nan, hu daong thẻ bảo hiểm y tế ka abih tih dom baoh sang kan kathaot, sang jaik kathaot, urang lac sang kan kathaot saong jaik kathaot bahrau hu tabiak truh kan kathaot; kham marat pato bruk ngak ka 14.000 urang ngak, ba bruk ngak ka 18.500 urang ngak.

Tal jhung bilan 1/2023, Gilang pariak sarak karja dhar tỉnh Trà Vinh hu peih jien brei ka 466 sang urang Khmer mesraiy piah salih bruk ngak saong padang sang daok haong yaom jien abih tih labaih 21,25 tỷ đồng, samu 42,5%. Bruk peih brei nesraiy phun jien sarak karjatui Sarak 28 daok suai damuai kayua rilo makna. Dalam nan rilo xã bhum urang bangsa takik hu pok brei angan xã palei pala bahrau, rilo sang hu tabiak truh kan kathaot nan ye dom sang dahlau daih hu mbang tui sarak urak ini oh daok lac sang kathaot nan ye karja dom palei njauk pasang iek veik, rami ramik veik.

UBND tỉnh Bà Rịa-Vũng Tàu brei padang 3 bilai liên ngành di mangaok tasik piah pasang iek gilai taong ikan, peih ngak dom mbang tabung glaong pacang caga taong cap ikan suan adat hukum, oh pathau khan saong oh tui adat (IUU) di pak ini. Dom bilai pasang iek hu padang ngak di dom labik lac: pabah tasik Sao Mai ban Vũng Tàu; pabah tasik Lộc An, huyện Đất Đỏ saong pabah tasik Bình Châu, huyện Xuyên Mộc. dom bilai pasang iek liên ngành IUU ini hu adat brei padeih veik taong abih tih dom sruh gilai ikan tame tabiak dom pabah tasik di pak tỉnh Bà Rịa-Vũng Tàu piah pasang iek ka gilai ikan, urang nao angaok gilai, harak adat taong cap ikan.

Triều Tiên daok dang anak dom kan kandah jang meyah oh salih jalan ngak di drei. Ini lac panuac hu Mỹ ba tabiak hadei di tuk Triều Tiên peih bruk cuh iek tên lửa bahrau di abih. Dahlau di nan, dalam harei 9/3, Triều Tiên hu cuh sa tên lửa đạn đạo nao gah tasik Hoàng Hải dalam tuk Mỹ saong Hàn Quốc daok caga peih bruk pasram mesruh praong haong gauk hu angan ieu lac “Lá chắn Tự do” di adit tal. Ini jeng lac bruk cuh tên lửa đạn đạo ka 4 dalam thun ini di taneh ia ini hadei di 69 mbang cuh iek tên lửa đạn đạo di thun blaoh.

Dom urang Mỹ nộp harak likau mbang jien daong lahik bruk ngak bahrau hu tagok rilo abih dalam 5 bilan di adit dahlau. Sa makna ngak ka bruk tagok dom harak likau daong mbang jien lahik bruk ngak rilo jang dut saong kuhria mboh dahlau lac di bang New York tuk dom sang bac yam tame mbang padeih di kreih bilan laar dui atah meng harei 20/2 tal harei 24/2. Dom harak likau mbang jien daong lahik bruk ngak tuk camriep hu tagok meng 21.000 tal tanut 211.000 hu rami ramik tui bilan dalam adit tamat di harei 4/3. Ini lac tanut tagok glaong abih meng di bilan 10 saong patagok dom harak likau daong tagok tal tanut glaong abih dalam 2 bilan tapa.   

Dom gah khau tin di Đức brei thau, sa bruk cuh phao khang di labik ngak adat agama di cộng đồng Nhân chứng Jehovah, ngak brei takik di nyu 7 urang metai saong 8 urang njauk rambus trak. Urak ini, bruk nan daok hu duah thau, min cảnh sát mboh lac ini bruk pametai menuac. Hu thau, gah chức năng hu duah mboh sa urang njauk rambus trak daok di tal gah ngaok di baoh sang glang, saong urang ini mboh yau menuac ngak tabiak bruk nan. Nyu mek phaoi cuh pametai rup eng dahlau di tuk cảnh sát mai tal./.