Tui Mentri LĐ, TB saong XH, urak ini hu labaih 2 trieu urang umo taha (mangaok 80 thun saong mangaok 75 thun lac baoh sang jaik kathaot), oh hu jien bilan padeih hưu daok hu mbang jien daong yaok bilan tui yaom urak ini, lac 500.000 đồng, nan ye tuk Hukum BHXH hu ba tame pandar meng harei 1/7/2025, jien jien hu mbang biar abih jeng meng 500.000 đồng sa bilan. Tui nan, meda hu labaih 1 trieu 200 ribau urang umo taha oh hu jien bilan padeih hưu, meda hu daong jien yaok bilan

Tal puac bilan 7, TP.HCM bahrau peih brei labaih 11.800 tỷ đồng, samu 15% dom phun jien hu jao brei. Min, meng bruk Hukum taneh riya hu ba tame pandar meng harei 1/8 thun ini, dom paok jien hu peih brei dalam tukvak anak tal meda tagok samar drah. Amuk Lê Thị Huỳnh Mai, Yam ndok Sở Kế hoạch- Đầu tư Ban raya brei thau, meng di akaok thun, ban raya hu pataom prein tame ka bruk đầu tư công ngan haong rilo jalan langyah cambaih laih yau bhian pasang iek; abih di nyu nan lac jalan panduan salih phun jien samar drah, khik ka dom danak dak hu pabak phun jien njauk tukvak. Meng akaok thun tal urak ini hu 6 mbang rami ramik ngan haong labaih 15.500 tỷ đồng.

Cần Thơ hu meyaom meng jien ka 38 baoh sang di huyện Vĩnh Thạnh hu tame bruk pala drak brei takik tathuak nerak sang camin. Ini lac mbang akok meti bhap bini hu taduan jien meyaom meng bruk ngak padai tui jalan patrun tathuak nerak sang camin di Bhum taneran kraong Cuu Long. Tui ong Nguyễn Ngọc Huấn, Yam ndoc HTX Khiết Tâm, huyện Vĩnh Thạnh, bhap bini caong khin ngak veik bruk pala drak nan piah hu trun takik abih jien ngak, khik caga alam moi truong. Tapa taong yaom yaok sa hecta taneh ngak padai tui jalan 1 njuak 5 trun saong trun tathuak nerak sang camin ye bhap bini hu laba jang meng 15 tal 20% dut saong bruk pala yau dahlau diah.

UBND tỉnh Đồng Nai ieu kakei kanja dom pakat saong akaok dom so, dom mban, dom gah peih bruk taduan rahra di 60 minit camriep yaok harei piah langyah dom tavak tavaiy, dom bruk suh sah, dom bruk kan kandah di rahra, plaih bruk daok kadaong rilo harak gar saong pathau tagok tapa pakat. Gam tui di nan, tinh meda peih ngak bruk “var page haong rahra” lac bruk “jak ba gheih” di kanja dom pakat; meng nan, bruk taduan rahra di urang dang akaok hu rilo siam lagaih dut saong tukvak dahlau deih, piah dak harei dak ngak trun manieng dom bruk yak bak rilo manuac.

Meng harei 1 -31/8, di Palei Ilamo - Dulich dom bangsa Viet Nam (Đồng Mô, Sơn Tây, Hà Nội) meda peih ngak rilo bruk ngan haong kadha “Bilan he - rivang iek saong duah thau”. Tui nan, labaih 100 urang di 16 bangsa lac Nùng, Tày, Mông, Dao, Mường, Lào, Thái, Khơ Mú, Tà Ôi, Ba Na, Xơ Đăng, Gia Rai, Cơ Tu, Raglai, Ê Đê, Khmer, gam haong bruk hu mbaok di 11 palei hu urang bangsa takik daok ngak bruk yaok harei di Palei meda ba mai ka tuai damuai dom bruk chreih chrai di Palei Ilamo – Dulich dom bangsa Viet Nam dalam bilan 8. Dom bruk piah pambak praong ilamo anit ranam taneh ia, bruk ngak cách mạng di bhap bini dom bangsa, daong ka tuai damuai hu thau jang ka dom ilamo siam gheih karei di dom bangsa; khik ramik, patagok yaih khan dom ilamo meng kan…

Công an tỉnh Bolikhamxay, Lào bahrau cap mek 3 urang pambuak tal bruk pablei salih jru phin jaik 1,5 tấn. Urak ini jabat chuc nang daok peih praong pasang iek bruk ini saong ngak cambaih bruk ngak di yaok urang dalam jalan pablei salih jru phin piah langyah tui hukum. Dahlau di nan, di harei (21/7), gah chuc nang dua taneh ia Lào-Việt Nam jeng hu pambuak gauk biak catang taong tayah jalan pablei salih saong pajeng ba jru phin tapa jalan tapen negar ngan haong jru phin biak rilo, pataom mek hu 208,5 kg jru phin dom janih.

Harei 1/8, di labik daok di bhap bini glong 5 tal di Nizhny Tagil, bhum Sverdlovsk, Liên bang Nga, sa binh gas patuh ngak brei jalan tame saong meneing sang glut jaleih. Tui Mentri Bruk ngak samar drak LB Nga, kuhria mbiah tal tukvak ini, dom urang gaok bala kayua sang jaleih tagok tal 12 urang, 15 baoh sang njauk glut jaleih abih. Ini lac baoh sang klak, hu padang ngak meng thun 1974, glong 5 tal, hu 6 jalan tame saong 80 baoh sang. Karja pak nan hu ba tabiak jalan ramik ngak pasiam taong abih baoh sang di thun 2032.

Bilan 7 bahrau blaoh lac bilan 7 camriep mboh oh hu hajan laik trun ban ine Santiago. Ini lac bruk ka oh bhian mboh meng di thun 1950. Chile gaok sa mbang pandiak bhang biak trak damak dalam labaih sa piluh thun. Dalam tuk dom mbang hajan khang di bilan 6 hu daong ngak patrun meneing bruk pandiak bhang pak di dom kraong, binek ye bilan 7 “thu lagu” lac yau brei mboh bruk ini meda dui atah.