Bruk mek veik hu ngak tuk bhap bini mai ngak harak thường trú ba tal salih thông tin dalam sổ hộ khẩu

Tal urak ini, Công an TP Hồ Chí Minh lang yah hu 56.586 hồ sơ tut angan thường trú hu salih thông tin dalam sổ hộ khẩu. Tapa nan, mek veik 56.586 sổ hộ khẩu tui quy định. Thượng tá Lê Mạnh Hà, Phaok Akok jabat tham mưu, Công an TP.HCM brei thau, bruk mek veik hu ngak tuk bhap bini mai ngak harak thường trú ba tal salih thông tin dalam sổ hộ khẩu. Dom bruk oh daok dalam nyaom ini oh njauk mek veik sổ hộ khẩu. Thẻ căn cước công dân pagam chip meda lac hasa harak gal brei thau labik daok piah bhap bini  nao ngak harak gal hành chính bo oh cang likau harak hagait karei.

Darak pasar pablei tabiak negar langiu kaya ikan di Cà Mau jaik di ini hu peih praong jang meng hu dom harak pambuak bruk pablei salih tự do. Abih di nyu lac, jien mek tame meng pablei tabiak negar langiu kaya ikan di tỉnh thun ini tagok labaih 42% duk haong tukvak ini thun bloh. Kuhria meng tuk dom harak pambuak bruk pablei salih tự do hu ba tabiak pandar, jien mek tame meng bruk pablei pandap tabiak negar langiu di tỉnh Cà Mau tapa dom darak pasar thành viên gam gam tagok, yau ye: darak pasar EU thun 2021 hu 135 triệu USD, tagok jaik 45% duk haong thun dahlau, jien mek tame meng pablei kaya pandap tabiak negar langiu 7 bilan akaok thun ini tame darak pasar negar Anh tagok jaik 70% duk haong tukvak ini thun bloh.

Tỉnh Tiền Giang birau brei thau saong jao Harak chứng nhận pandap OCOP Tiền Giang mbang 1 thun 2022. Dalam mbang ini hu 21 pandap hu jao brei pandap OCOP pakat tỉnh  di 9 labik ngak tabiak. Tapa 3 thun padang ngak danak dak yaok xã 1 pandap mbiah tal ini, Tiền Giang hu 119 pandap OCOP ngan haong 36 labik tame ngak. Dom pandap OCOP paglong asar pandap, hu prein meriak gauk khang pachreih darak pasar dalam taneh ia saong pamaong tal bruk pablei tabiak negar langiu. Urak ini, Tiền Giang lac sa dalam dom bhum palei dang kaok di bhum taneran kraong Cuu Long ka mek hu ngan OCOP nan.

Meng puac bilan 3 tal ini, yaom ikan kèo di tỉnh Bạc Liêu gam gam tagok glaong, meng 180.000 - 220.000 đồng/kg, glaong jang meng 90.000 - 100.000 đồng sa kg duk haong tukvak ini thun dahlau. Tui yaom ini, urang raong ikan kèo hu laba rilo. Ikan kèo tagok yaom gam gam lac kayua hu urang blei mbang biak rilo, dalam tuk ikan oh ginup pablei. Min tui gah chức năng, piah plaih bruk ikan hu rilo pablei oh abih, mikva jhui mboh kein laba di anak meta bo ba gauk peih praong danao raong biak rilo.

Jabat pasang iek hình sự bhum 3, Quân chủng Phòng không - Không quân brei ba tabiak kaoh tui hukum, chap mek  kareih jaik 3 bilan ngan haong Hoàng Văn Minh lac thiếu tá, daong bruk Tài chính di Trung đoàn 937, Sư đoàn 370, pak  tỉnh Ninh Thuận kayua pambuak tal bala angaok jalan mbak ngak anek saih kumei metai. Ong Minh peih radaih ô tô, biển kiểm soát 85A - 074.07 tapa jalan oh caik meta,  ginuk tame radaih mô tô  kayua anek saih Hồ Hoàng Anh peih sa gah jaln hoang gauk di jaln 16 bilan 4, Ban Phan Rang - Tháp Chàm, ngak kumei da-ra ini metai. Pmabak tak bruk nan, dahlau di nan, Sang iek ruak Đa khoa tỉnh Ninh Thuận kỷ luật 5 urang pambuak tal bruk ngak suan quy trình dut iek nồng độ cồn dalam darah di Hồ Hoàng Anh.

Akaok Mintri Tư pháp Mỹ brei thau, dom đặc vụ Cục Điều tra liên bang Mỹ (FBI) hu khám xét sang daok di Tổng thống Mỹ dahlau daih, lac ong Donald Trump daok di Florida harei 8/8 meng bloh piah duah thau iek ong Trump meda mek suan adat hukum dom harak gar meng Nhà Trắng tuk ong tabiak truh labik ngak Tong thong halei oh. Ong Trump brei thau, sang danaok di ong njauk pacang veik, khám xét, bruk bo ong mboh lac oh njauk ngak, oh lagaih hadei di tuk ngak bruk haong dom jabat Rajaei Mỹ.

Bruk haduh hatai di châu Âu urak ini lac jit ruak đậu mùa khỉ saong pacang jit rauk COVID-19. Châu Âu lac bhum taneh hu ralo urang njom ruak đậu mùa khỉ di dunya, dalam tuk nan dom bruk tamuh jit ruak COVID-19 daok khang tagok kayua dom biến chủng birau. Gah Y tế dunya di bhum châu Âu kakei dahlau, bilan thu saong bilan la-ar ini jit rauk meda tamuh khang ngan haong dom janih phụ di biến thể Omicron. Tuk urang ruak dak harei dak rilo, urang tame sang iek ruak jeng tagok, mbuan ngak brei gah ye te dom taneh ia tapa prein ngak bruk.

Pandiak pa-uh dui atah gam haong nhiệt độ glaong ngak brei Mexico rah tapa mbang pandiak bhang trak abih kuhria dalam 30 thun tapa. Langik pandiak labaih 45 độ C, gam haong kurang ia daok ngak ka rilo athur metai. Abih di nyu lac di bang Nuevo Leon, kayua pandiak bhang khang, pala drak oh hu saong bruk ngak ikan klaih klaoh, ngak brei rilo urang ngak nong saong urang taong ikan njauk nao duah labik karei daok piah ngak mbang duah jien./.

Urang lang: M. Phuong & Bhumi – 13/08