Gah y tế hu ba tabiak dom jalan ngak piah caga bruk kurang menuac ngak

Pahadar 110 thun Harei ong Nguyễn Văn Cừ (09/07/1912-09/07/2022), Học viện Chính trị Quốc gia Hồ Chí Minh pambuak saong Ban Tuyên giáo Trung ương saong Tỉnh ủy Bắc Ninh birau peih Nyaom meyai Khoa học “Tổng Bí thư Nguyễn Văn Cừ- Urang pan kaok ba jalan naih gheih di Đảng saong CM Việt Nam, urang anek salut mbut di bhum palei Bắc Ninh”. Ngan saong 29 thun, labaih 13 thun ngak bruk CM, 7 thun daok guk kol khamang, labaih dua thun ngak Tổng Bí thư di Đảng, Tổng Bí thư Nguyễn Văn Cừ hu ngak rilo bruk praong daong ka bruk cách mạng di Đảng saong bangsa drei.

Tal urak ini, dalam taneh ia hu labaih 9.000 urang y tế padeih bruk. Ta-eng TP.HCM thun 2021 hu 1.154 urang, 6 bilan akaok thun 2022 hu 874 urang, dalam nan hu 199 bác sĩ saong 391 điều dưỡng. Meng bruk hu rilo menuac padeih ngak yau nan, gah y tế hu ba tabiak dom jalan ngak piah caga bruk kurang menuac ngak.

Pasak Pachreih công saong Pachreih bruk pablei salih tỉnh Ninh Thuận birau peih Nyaom darak pasar pandap Việt ka bhum ceik huyen Bac Ai thun 2022. Nyaom darak pasar hu 20 labik pandap di 14 D.N hu mbaok tame, dalam nan hu dom janih pandap yau: khan ao, pandap pandar dalam sang, pandap ngak mekre, kaya nong – kaya glai, pandap điện pandar dalam sang, pandap mbang, ahar keo…Ini lac dom pandap kayua dom D.N Việt Nam ngak tabiak hu asar siam, mẫu mã mekre, yaom kaom mbiah hu dom D.N palih ruah piah yaih khan tal bhap bini.

Dalam tỉnh Đồng Tháp urak ini hu 103 xã hu pok brei angan lac mek hu chuẩn palei pala bahrau, hu 2 huyện mek hu chuẩn palei pala bahrau lac Tháp Mười haong Cao Lãnh; 3 ban mek hu angan palei pala bahrau lac TP Cao Lãnh, TP Sa Đéc haong TP Hồng Ngự. Đồng Tháp urak ini hu 265 pandap hu pok brei angan OCOP 3 patuk saong 4 patuk…

Hadei di rilo kham merat roh duah, Thảo cầm viên Sài Gòn saong kapul Poo poo papers ngak hu ba-ar meng khak limen. Pandap ngak tabiak dak hu ngak brei siam, hu peih praong piah rik tame bruk pandar veik pandap klak tabiak, khik alam moi truong. Di rilo taneh ia di dunya, bruk pandar khak limo ngak tabiak ba-ar jeng bhian randap. Yau nan min, di Viet Nam bruk ngak tabiak ba-ar meng khak athur lac sa bruk birau saong takik urang ngak.

Twitter brei thau lac mạng xã hội ini yaok harei brei klaak labaih 1 triệu tài khoản rác. Tui Twitter, dom menuac ngak di drei pasang iek ngẫu nhiên tài khoản Twitter, pandar dữ liệu piah kuhri kuhria tỷ lệ tài khoản rác haong tài khoản ảo dalam dịch vụ saong pathau khan tagok dom cổ đông.

Canada saong rilo taneh di dunya daok taong yaom dom janih jru taong ruak COVID-19. Gah y tế taneh ia ini hu brei adat pandar dom janih dalam dom janih jru nan piah taong ruak ka urang ruak COVID-19. Rajaei taneh ia ini meda buh jien tame 10 trieu CAD sumu labaih 8 trieu USD piah padang talei pambuak dom taneh ia piah jhul pakhang bruk roh duah dom jalan birau taong ruak COVID-19 di sang hu siam.

Hóa thạch bahrau ini hu duah mboh di Argentina lac sa janih khủng long biak jhak hu akaok biak praong haong takaiy sit. Dom urang roh duah mboh lac hóa thạch hu duah mboh yau daok tamo, diuk atah di ini jaik 90 triệu thun, daong ka gah ilamu khoa học langyah hu meneing dom kadha oh ka cambaih ka bruk tiến hóa di sa janih khủng long săn mồi praong bhian hu mbaok di mangaok baoh taneh ini./.

Urang lang: Bhumi & M. Phuong – 09/07