Ban raya kuhria mboh lac pok jien daong ka labaih 1 triệu urang ngak lac jaik 1.780 tỷ đồng

Di var pasang iek peih ngak sarak nyaom roya  pakat negar mbang ka XIII di Đảng ngan song Ban Thường vụ Tỉnh uỷ Cà Mau rah tabiak di harei 28/7, muk Trương Thị Mai, Ủy viên mintri Chính trị, Bí thư Trung ương Đảng, Akaok mban Tổ chức Trung ương, Phaok akaok mban tacei jalan pakat negar ka bruk pacang caga tham nhũng, tiêu cực hu panuac ieu Bí thư Tỉnh ủy Cà Mau tacei pato dom jabat kuhria caga tani tanat, palagaih piah kapul pasang iek. Meng ni tal thun 2024, yaok thun, mintri Chính trị jeng hu peih bruk pasang iek labaih 15 jabat. Ni lac, danak dak pasang iek yaok thun.

Tal urak ini, TP.HCM bahrau buh tabiak jaik 73 tỷ đồng jien daong pah sang ka urang ngak tui Sarak 08 di Thủ tướng Rajaei. Kayua yau nan ye, Sở Lao động, Thương binh saong Xã hội hu panuac likau UBND TP.HCM tacei pato UB bhap bini dom quận huyện saong ban Thủ Đức samar pasang iek, taong yaom hồ sơ, tabiak bruk daong, peih jien brei ka urang ngak. Liên đoàn Lao động ban raya daok tacei pato công đoàn cơ sở jak ba po doanh nghiệp samar ngak harak gar hồ sơ likau buh tabiak jien daong pah sang ka urang ngak. Dahlau di nan, ban raya kuhria mboh lac pok jien daong ka labaih 1 triệu urang ngak lac jaik 1.780 tỷ đồng.

Rilo sang iek ruak pakat tỉnh song bilac y tế phường, xã di Tây Ninh dok laik tame bruk kurang jru iek ruak, abih di nyu nan lac jru BHYT. Piah oh ngak klaih klaoh bruk tong ruak song quyền lợi di bhap bini blei BHYT, Sở Y tế tỉnh Tây Ninh hu tacei pato dom labik y tế công lập samar đấu thầu jru dalam tuk cang bruk blei rilo. Urak ni, hu 10 labik y tế payua harak pathau khan bruk palih ruah nhà thầu piah Sở Y tế pasang iek song pok tagok UBND tỉnh mbaoh tangin brei ngak.

Meng akaok thun tal ini, tỉnh Kiên Giang hu labaih 1.200 urang njauk ruak pandiak tabiak darah, rilo jang labaih 3 mbang duk haong tukvak ini thun 2021, dalam nan hu rilo urang ruak trak tagok. Piah patrun patakik urang njauk ruak, gah y tế tỉnh brei patagok bruk pasang iek, duah mboh saong langyah samar dom sruh jit dalam bhap bini, peih bruk phân tuyến, cấp cứu, taong ruak ka urang ruak, patrun patakik dom menuac metai; caga jru tavao, kapul y, bác sỹ ka bruk pacang caga jit ruak. Gam haong nan, khik ramik bruk vệ sinh môi trường, pametai lăng quăng 1 adit sa mbang di dom labik mbuan tamuh ruak.

Liên đoàn Thể dục Việt Nam pambuak bruk song Sở Ilamu, Thể thao song Du lịch ban Cần Thơ bahrau peih mbaok “Giải Vô địch ranaih song vô địch dom nyaom umo môn Thể dục dụng cụ pakat negar 2022”. Hu mbaok di Giải mbang ni hu labaih 120 Huấn luyện viên – Vận động viên di 5 jabat tỉnh, ban, gah dalam taneh ia, lac : Hà Nội, ban raya HCM, Hải Phòng, Quân đội song Cần Thơ. Bruk ngak ni, piah jhul patagok bruk pato pakai vận động viên ranaih môn Thể dục dụng cụ dalam taneh ia, palagaih ka dom vận động viên ranaih hu taom gaok pakacah gauk, paglong ilamu chuyên môn.

Tui pathau khan bahrau hu ba tabiak, kinh tế Mỹ daok trun dalam quý ka 2 gam gam saong trak damak jang duk haong kuhria dahlau nan, ngak ka gah chuyên gia mboh lac, kinh tế taneh ia ini daok yam tame tukvak suy thoái bahrau. Abih tih pandap ngak tabiak dalam taneh ia di Mỹ trun, mai meng rilo makna, dalam nan hu bruk pandap khik piah dalam kho nyu trun, bruk buh jien tame ngak sang daok saong dom danak dak oh lac sang daok trun khang, cai pandar di rajaei liên bang haong bang jeng trun. Min Tổng thống Mỹ ndom lac, daok hu rilo kadha brei mboh bruk siam mekre di nền kinh tế, abih di nyu lac darak pasar urang ngak haong pandar cai di urang blei pandar.

Kapul urang Kurd di Syria bahrau duah mboh labaih 30 urang metai dalam sa lubang dar rilo menuaci gah brak Syria. Tui hội đồng quân sự ban, urak ni, oh ka thau cambaih dom urang ni njauk pametai halei oh, min ndom lac, dom urang metai nan dalam tuk vak gah IS daok khik iek Manbij tmeng thun 2014 - 2016.

Ruak đậu mùa khỉ daok njom mbak samar di negar Prang tuk hu tal mangaok 1.800 urang njauk ruak. Dalam dom harei ini, menuac sia ban ine Paris dang jeng talei atah anak 1 pasak klauk vaccine  bahrau hu peih tabiak piah klauk vaccine pacang caga. Tal harei ini, hu labaih 6.000 menuac di taneh ia ini hu klauk vaccine pacang caga ruak ini. Bruk klauk vaccine pacang caga nan di Prang hu klauk brei dahlau ka dom menuac mbuan njaom ruak./. 

Urang lang: Hani Pha & M. Phuong – 29/07