Hadei di 19 harei ngak bruk dalam chreih chrai, samar drah, tani tanat, dân chủ saong trách nhiệm glaong, bier harei kabroi, di Sang Quốc hội, bruk tamat mbang ginum biai ka 3, Quốc hội mbang 15 hu peih tabiak mala bruk par akaok di ong Vương Đình Huệ - akaok QH. Mbang ginum biai ka 3 hu pasang iek rilo bruk praong, mek hu bruk njauk hatai gauk biak glaong, brei tapa rilo asal kadha hu makna praong oh lac ka thun 2022, bo gam ka tukvak 2021-2025 saong dom thun hadei di nan. Mbang camriep di 1 mbang nyaom Quốc hội, hu 5 danak dak hu makna praong pakat negar hu pasang iek brei ngak. Gam haong bruk brei pandar rilo sarak karei ka oh bhian hu, Quốc hội hu jao ka Rajaei, Thủ tướng Rajaei peih ngak biak catang, khik tani tanat bruk ngak saong chất lượng di danak dak, peih ngak cambaih laih, oh caik rahtabiak bruk tham nhũng, tiêu cực, pagam pambak tame sarak piah duah kein laba, plaih ngak palai pajoa, lahik jien padai di kanja.

Mesup ini (17/6) di Hà Nội, Mintri ngak nong saong patagok palei pala peih bruk "Ba tabiak jalan khau tin saong Cơ sở dữ liệu gah raong glang". Ini lac 1 dalam 2 gah langiu bruk pala drak hu Mintri ngak nong saong patagok palei pala pilih ruah piah salih khang gah chuyển đổi số dalam thun 2022. Tal urak ini, phần mềm hu peih tabiak ngak iek di 7 tỉnh, ban saong 269 sang mac ngak pandap mbang raong athur dalam negar, gam haong nan, pabak 600 tài khoản piah cập nhật cơ sở dữ liệu tal dom sang mac, urang jakar thú y pakat xã haong dom labik dom doanh nghiệp raong glang praong… Hệ thống ini, lac kadha praong piah paglaong prein khik ramik, tacei ba di jabat khik ramik karja, peih bruk raong glang tui jalan ba tabiak saong tui darak pasar. Gam haong nan, pasang iek catang chất lượng, salamat pandap mbang menyum dalam gah raong glang piah paglaong yaom di nyu, paglaong prein meriak gauk di pandap raong glang Việt Nam.

Mbang nyaom cak rok patagok khang kajap đô thị Việt Nam 2022 peih tabiak dalam 2 harei lac harei 16 saong 17-6 di Hà Nội pachreih hu rilo urang caik hatai saong hu mbaok tame meng labaih 1.500 urang dalam saong langiu taneh ia, pamaong tal bruk ngak jeng sa dalam dom mbang nyaom yaok thun praong abih ka bruk cak rok patagok khang kajap đô thị Việt Nam. Ngan haong asal kadha “cak rok patagok đô thị khang kajap tui jalan hijao, hadah krah, lagaih haong bruk biến đổi khí hậu, pacang caga bala langik tasik saong jit ruak”, mbang nyaom hu 1  mbang ginum biai pakat glaong, hu dom urang par akaok di Đảng, Quốc hội, rajaei dang akaok; chuỗi 4 mbang ginum biai kadha ngan haong dom asa kadha praong, dalam nan hu bruk padang ngak đô thị, chuỗi đô thị hadah krah pambuak dalam taneh ia saong dunya, siam lagaih bruk rami ramik veik đô thị saong chuyển đổi  số; ngak pasiam sarak piah jhuk samar bruk đô thị hóa saong cak rok patagok đô thị khang kajap…

Dalam mbang jao giải PAX Awards 2022 peih tabiak di Hamburg (Đức) melam 15/6 (tui mon Việt Nam), Bamboo Airways hu 2 mbang pok angan dalam dua kadha praong lac “Kapul tiếp viên naih gheih abih châu Á” saong “Hãng kapal haoh cấp tiến abih châu Á” kayua tạp chí dang akaok gah dịch vụ mbang par PAX International (Canada) peih bruk pilih ruah saong khan brei thau. Tal urak ini, hãng hu pajeng ba labaih 10 triệu mbang tuai hu siam mekre salamat di abih, saong bruk par njauk mon kuhria rah tapa dalam thun glaong abih gah Hàng không Việt Nam. Bruk njauk hatai di tuai brei ka hãng tuk halei jeng mboh di tanut 4,5/5.

Sang iek ruak Uranaih Ban raya HCM bahrau brei thau ka bruk uranaih laik trun meng tal 5 di sang iek ruak. Tui nan, di maong 10 harei 14/6, amuk P.T.Q (daok di Long An) haong pasang baa nek likei jaik 2 bilan mai iek ruak di Sang iek ruak Uranaih Ban raya. Tapa iek ruak, dom bác sĩ brei thau lac njauk viêm tiểu phế quản mangaok trào ngược dạ dày thực quản, hu brei tame sang iek ruak piah taong ruak. Tal mon 1 meteh jala pandiak harei nan, kamuan haong amaik tame sang iek ruak daok di labik taong ruak Nội trú tal Urang ame daok cang di căng tin gah ala di sang iek ruak. Tuk maong 3 bier harei, sang iek ruak mboh kamuan laik meng tal 5 trun haluk. Yaom lac biak kham marat taong ruak, min kayua njauk rambuac biak trak, kamuan metai tuk maong 6 melam. Tui duah thau tuk camriep, urang amaik pok anek nao meng tal 3 ndik thang máy tagok tal 5 dalam labik Nội trú blaoh palao kamuan trun pabah mbang thông gió. Bruk ini daok hu jabat cảnh sát pasang iek ngak brei cambaih bruk.

Harei ini (17/06) Tổng thống Mỹ Joe Biden meda par akaok mbang nyaom pakat glaong mbang Nyaom biai dom gah kinh tế praong gah năng lượng saong khí hậu (MEF) tui jalan online. Tui pathau khan di Nhà Trắng, mbang ginum biai lac bruk kham marat patui veik di Mỹ dalam bruk pandar abih tih dom pandap panda pacang caga haong bruk biến đối khí hậu, langyah samar drah ka yaom năng lượng tagok biak samar di dunya rahtabiak meng bruk mesuh di Nga haong Ukraine. Mbang ginum biai ini piah jhul patagok bruk Mỹ saong dom đồng minh, dom gah pambuak bruk pamaong tal bruk an ninh pandap mbang saong năng lượng suai lavik.

  Thủ tướng Hungary Viktor Orban harei kabroi brei thau, Rajaei Hungary meda peih praong giới hạn ka yaom xang menyek saong dom pandap mbang menyum yaok harei tal harei 1 bilan 10 thun 2022. Bruk ini jeng hu makna lac yaom jeng daok di tanut 1,2 euro/lít. Min jalan daong ini tok hu pandar ka dom po radaih hu biển số di Hungary. Urang peih radaih ô tô negar langiu jeng daok bayar tui yaom darak pasar di dom labik pablei xăng di Hungary./.

Urang lang: M.P & Thu Thao – 17/6/2022