Melam kabroi 26/1 lac harei 5 bingu Tet thun nasak Tapai, Mban peih ngak dom roya le praong di Ban raya HCM peih ngak danak dak sân khấu pahadar 234 thun jayak Ngọc Hồi - Đống Đa sajarah dakrai (1789 -2023).  Ngan haong kadha “Taneh ia pluh ribau bilan Xuân”, danak dak hu 3 kadha: Hala dok mesruh di Tây Sơn, Prein yawa Tây Sơn saong Tây Sơn thần tốc - Bilan xuan Jayak praong. Maong gilac veik thun 2022, muk Trần Kim Yến, Akok UBMTTQ Viet Nam Ban raya HCM brei panuac lac ban raya ngak siam hu rilo bruk makna praong njauk meyaom, kinh te pasiam samar saong taong abih gah, patagok labaih 9%, salah bruk saong ngak hu 14 bruk dalam 19 bruk ba tabiak, rik tame ngak hu siam bruk di taneh ia.

Harei ini 27/1 - lac harei 6 bingun Tết, huyện Mỹ Đức, Hà Nội peih mbaok harei pataom chùa Hương, sa dalam dom harei pataom atah abih di Việt Nam, rah tabiak meng ini tal abih bilan 4/2023. Tui Mban khik ramik labik inem mek Hương Sơn, dalam dom harei Tết, baha Hương hu taduan raok jaik 80.000 tuai meng grauk labik mai tal. Thun ini, Mban peih bruk brei pacang cakak bruk tagok yaom biak glaong, dui meblah tuai damuai, likau mbang.

 Gilai  MEIN SCHIFF 5 hu pataok tame pabah lamnge di Phú Mỹ, Bà Rịa Vũng Tàu harei 26/1, pajeng ba 2.370 tuai negar langiu mai rivang ma-in pak di Việt Nam. Tui Sở Du lich tỉnh Bà Rịa-Vũng Tàu, gilai kapal dulich dunya MEIN SCHIFF 5 pataok tame camereip abih dalam dom harei akaok thun nan lac bruk biak bui sambai ngan haong tỉnh. Dalam thun 2023, gah dulich tinh brei pacchreih peih praong bruk dulich dunya meng gilai, kayua nan lac sa dalam jalan praong pajeng ba hu rilo tuai negar langiu mai tinh. 

Tijuk harei padeih Tết anek sak tapai thun 2023 (meng 20 - 26.1), CSGT dalam taneh ia hu pasang iek, langyah jaik 22 rabau mbang urang ngak suan Hukum nao mai angaok jalan, taong phạt labaih 50 tỷ đồng. dalam nan, langyah 7.726 urang peih radaih hu alak dalam rup saong 17 urang njuk jru phiel bloh peih radaih. Jeng dalam 7 harei padeih tết, dalam taneh ia hu 152 mbang bala angaok jalan radaih, ngak brei 89 urang metai,  111 urang njauk rambus.

Tet thun ini, rilo doanh nghiep pambuak hu rilo sarak pablei durien praong tame darak negar Trung Quốc. Yaok bilan Kong ty TNHH  xuất nhập khẩu Vạn Xuân Phát pablei 1.000 tấn durien tui sarak pambuak bruk blei salih tapa Trung Quốc. Sa kong ty blei durien di tỉnh Bình Phước birau pablei sa container 500.000 tấn durien njauk adat hukum tapa Trung Quốc. Ong Đặng Phúc Nguyên, Tong thư ký Hiệp hội Njam patam baoh karaoh Việt Nam brei thau, yaom lac birau pablei meng bilan 9 thun 2022, yaom lac durien Viet Nam pablei tapa negar Trung Quốc  thun 2022 hu labaih 350 trieu USD. Nan ye, durien meda lac janih baoh kayau “ tỉ đô” di thun 2023.

Jabat pasang iek drap ar taneh ia langiu di Mintri Jien padai Mỹ (OFAC) daok ngak dom jalan pabak tame piah ngak brei trun prein di Nga dalam bruk mesruh di Ukraine. Dom jalan ngak brei patrun prein lac pamaong tame dom labik daong ka bruk mesruh ini, dalam nan hu dom labik ngak phao ndao, dom doanh nghiệp pasiam kapal gilai, dom menuac pambuak tal bruk khik ramik dom labik hu sáp nhập, ba tame Nga haong dom labik, dom menuac hu pagam pambuak tal Cty quân sự tư nhân Wagner di Nga.

Mentri Y tế Palestine brei thau 9 urang metai saong 20 urang karei njauk rambuac dalam mbang mesruh gauk praong khang abih dalam dom thun tapa di bol lin Israel (IDF) saong bol lin Palestine di ban Jenin, gah Bắc Bờ Tây. bol lin Israel taong tame sa labik tị nạn di Jenin piah cakak bruk di sa dhar Jihat Palestine (PIJ) taong tame Israel. Urang ngak praong di Israel daok haduh hatai ka bruk mesruh metak birau veik hadei ini.

Sa Hệ thống Khik ramik Năng lượng bahrau hu padang ngak di dom labik pato megru di ban ine Warsaw di Ba Lan. Hệ thống Khik ramik Năng lượng bahrau nan, hu dom jamriak duk iek saong hu pambuak pagam haong dom jamriak truyền dẫn meng atah. Dom urang jakar khan lac, bruk ini patak pataom hu yaok thun 4,2 triệu euro meng hóa đơn tiện ích gam haong hatai caong meda pabak hu abih ban ine dalam tukvak anak tal./.