Dah page ini (6/2),  di Jabat Trung ương Đảng, mala bruk par akaok di Tổng Bí thư Nguyễn Phú Trọng, Mintri Chính trị, Ban Bí thư peih bruk taom gaok akaok thun Xuân sak tapai 2023 haong dom urang par akaok pakat glaong dahlau deih di Đảng, kanja tapa dom tukvak di tuk pahadar 93 thun Harei padang Đảng cộng sản Việt Nam ( 3/2/1930 - 3/2/2023). Di mbang taom gaok, Tổng Bí thư Nguyễn Phú Trọng brei thau lac, dalam tuk daok rilo kan kandah, tavak tavaiy, urang par akaok Đảng, Kanja tuk halei jeng jumpataom gaok, njauk gauk, pambuak biak catang, duah jalan ngak bahrau piah hu dom sarak ngak njauk, samar,lagaih piah urang par akaok, pato tacei dalam Đảng, dalam rahra saong dalam bol lin mek hu dom jak jeng hu makna praong, jaik abih dom bruk ba tabiak.Tổng Bí thư Nguyễn Phú Trọng brei thau lac, dalam dom jak jeng bo taneh ia drei ngak hu, hu bruk rik prein tame biak njauk pok mayaom, bak hatai jai saong bruk bruk di dom urang par akaok pakat glaong dahlau deih di Dang, di Kanja. 

UBND tỉnh Kiên Giang brei peih tabung glaong 180 harei patagok pasang iek, tui iek taong abih bruk taong cap kaya ikan suan hukum, oh khan brei thau, oh njauk adat (IUU), khang hatai taoh klaak “thẻ vàng” cảnh cáo di UB châu Âu (EC). Langiu di nan, gah chức năng rami ramik ginup menuac di cảng ikan piah pasang iek, saong duah thau asal di taong abih dom kaya ikan hu ba tagok di cảng ikan Tắc Cậu (Châu Thành), cảng ikan An Thới (Phú Quốc). Tui kuhria, tal puac quý 2-2023, kapul ngak bruk di EC meda tapa ngak bruk di tỉnh Kiên Giang. 

Meng  ini tal bilan 4  tal, Pasak pasang iek ruak kik TPHCM pambuak haong Kapul pasang iek bruk y tế sang bac di 21 quận, huyện, ban Thủ Đức peih pasang iek bruk y tế sang bac di labaih 50 sang bac meng  mầm non tal phổ thông. Bruk pasang iek meda peih ngak abih gah meng ieu khik kajap dom bruk gah cơ sở vật chất, hacih saat alam môi trường, peih bruk mbang huak di sang bac, tani tanat dom kein lagaih ka bruk sangka iek glang prein yava ka anek saih, pacang caga ruak njom mbak.

Di tỉnh Long An saong Tiền Giang, yaom thanh long pablei tabiak negar langiu daok tagok glaong. Janih 1 jaik 30.000 đồng/kg, janih 2 meng 22.000 đồng tal 25.000 đồng/kg. Meyah duk haong yaom trun biar di 10 bilan dahlau, ye yaom urak ini lac biak glaong. Saong duk haong dom tukvak oh hu jit ruak, yaom thanh long jeng glaong jang 30%. Meng akaok thun 2023, yaom thanh long tagok saong dang di tanut glaong gam haong bruk tal bilan paik baoh, lac kadha siam ka rilo sang pala thanh long.

Urang ngak sara di huyện Ba Tri, tỉnh Bến Tre daok  kuac mek sara akaok thun, sara hu yaom tui kuhria meng 150.000-160.000 đồng/giạ (40kg). Min, thun ini gaok kan kandah di langik tasik nan ye sara oh mek hu siam lagaih, makna lac kayua hajan suan bilan, takik pandiak saong dom mbang ia dauk mblang hamu sara ngak khat lahik ka urang ngak sara. Di xã Bảo Thạnh, lac labik hu rilo mblang hamu ngak sara di abih di Bến Tre ngan haong 600ha, thun ini, kayua gaok kan kandah di langik tasik, ngak khat lahik ka labaih 100 sang urang ngak sara nan ye sara mek hu bier.

Labaih 50 menuac metai dalam mbang megei baoh taneh khang 7,9 độ rah tabiak tuk mesup ini (6/2) di gah meraong Thổ Nhĩ Kỳ. Bruk duah dom menuac daok gar gaok rilo kan kandah kayua langik jhak haong tuyết kapal. Karja Thổ Nhĩ Kỳ tabiak panuac “báo động pakat 4” saong ieu bruk daong di dunya. Pasak roh duah Khoa học Địa chất Đức brei thau, mbang megei baoh taneh rah tabiak di labik dalam 10 km, dalam tuk Pasak Địa chấn Địa Trung Hải châu Âu (EMSC) brei thau lac daok taong yaom bruk mbuan hu sóng thần.

Yaok ratuh mbang khuah glai biak khang rahtabiak di Chile dalam dom harei tapa ngak ka takik di nyu 24 urang metai saong jaik 1000 urang njauk rambuac. Tui dom urang kanja di Mintri Nội vụ Chile, labaih 260 mbang khuah glai daok tamuh tabiak di grauk labik, dalam nan hu 28 bala khuah glai hu brei thau lac biak khang abih. Jaik 1.500 urang njauk paduan ba nao daok di labik karei. Dom mbang khuah glai mbang abih mblang taneh praong labaih 270 ribau ha. Chile njauk jak ba yaok rabau urang ngak mai daong padam khuah piah pacang caga haong bala khuah glai biak khang di taneh ia ini. Tổng thống Chile jeng jak ba bruk daong ba di rahra di dunya.

Cục BHYT negar Trung Quốc tabiak panuac lac meda ba công nghệ takik pandik tian ndih tapui saong daong bruk ndih tapui lagaih tame BHYT yau sa binah dalam kham merat pacang bruk trun takik menuac sia. Bruk ini hu ba tabiak hadei di tuk mbang camereip menuac sia di Trung Quốc đại lục trun hadei di 61 thun di thun 2022, haong tanut trun 850.000 menuac. Urak ini hatai khin ndih tapui di urang kumei dalam umo thun ndih tapui di Trung Quốc daok di tanut biar. Taphia di nan, dom bruk yau trak damak gah duah jien, duh hatai ka bruk cakrok bruk ngak lac dom paga pacang praong ka bruk ndih tapui anek./.