Page ini (14/10) peih Nyaom biai Urang nong pakat negar ngan haong kadha “ Pang urang nong meyai; Pok meyaom urang nong Viet Nam naih joi saong HTX ngak nong naih gheih. Dahlau di nan melam harei kabroi, T.Ư Kapol Urang nong Viet Nam hu taom mbaok 63 urang nong naih joi saong 63 HTX naih gheih pakat negar 2024. 63 urang nong, HTX palih ruah thun ini dom urang, đơn vị naih gheih abih, lac dom urang naih joi, rik tame dak padang urang nong hadah krah, bruk ngak nong samar birau saong padang dom bhum palei njauk diukrai.

Dalam Bilan tabung glong ini, meng 17/10 tal 18/11, Kadung jien “ Daong urang kathaot” TP.HCM kham merat jak ba hu 40 tỷ đồng saong Mat tran Negar Viet Nam dom pakat di Ban raya jak ba samu labaih 125 tỷ đồng. Meng phun jien nan hu daong patui veik ka dom baoh sang kathaot, jaik kathaot, abih di nyu lac sangka kuhria Tet thun birau nasak Lanaih 2025…Ban raya HCM kham merat  ngak brei oh daok sang halei taik tahak ka baoh sang kathaot, jaik kathaot saong dom baoh sang kan kandah  dahlau 30/4/2025.

Tỉnh Trà Vinh hu pala birau labaih 4.000 ha bein la-u, patagok taneh pala drak di tỉnh hu labaih 27.800 ha, dang dhi dua dalam taneh ia (hadei tỉnh Bến Tre). Urak ini, tỉnh quy hoach taneh pala la-u saong kham merat tal 2030 patagok taneh bein la-u labaih 30.000ha. Bruk patagok taneh bein la-u hu gah ngak nong Trà Vinh daong pachreih urang nong peih ngak jalan pala la-u tui jalan birau hữu cơ, dom tanut chuan chau Au piah ba mbuan lagaih pambuak doanh nghiep ngak tabiak pandap pandar  meng li-u pablei tabiak negar langiu, daong urang pala la-u duah jien tame.  

Kayua hajan praong rilo harei  ngak taneh laman, glut ra-ai ngak jeng lubang saong ribuk meng gah angaok kraong Cuu Long nduac khang, paoh tame ar ba theik ar gah Pei kraong Hậu di puk Phú Thành, xã Phú Hữu, huyện An Phú, An Giang. Tui kuhria mboh dahlau ia ndik angok kraong Hậu tapa balai Châu Đốc, An Giang meda tagok 3,15 m lac tanut mbao ndong 1 labaih 15cm. Dalam tuk langik hajan angin yau nan mbuan glut jaleih meda rah tabiak, peih praong jang.

Mentri Ilamo, Pandhih saong Dulich birau peih tal pasram, pato bruk khik ramik, patagok ilamo nghe thuat bhap bini di bangsa Khmer ka labaih 100 urang lac dom taha palei, Urang hu ngan je, mikva urang bangsa takik dalam tỉnh. Tal pasram  piah khik ramik, pato pambak tabiak saong patagok dom ilamo siam gheih di kadha daoh, ragam tamia di bhap bini paglong jalan sahaneng jeng yau bruk hadah mbaok meta, thau eng drei khik ramik ilamo di bangsa drei.    

Brazil, sa dalam dom negar hu ia taba rilo abih di dunya, daok gaok trak damak abih kayua pandiak bhang dalam 70 thun tapa. Langik pandiak ngak kan kandah rilo gah tal raidiuk yaok harei di rahra, dalam tuk yaom kaya pandap mbang saong nang luong oh padeih tagok tagok glaong. Pandiak bhang di Brazil jeng ngak ka jien điện, menyek tagok glaong jang, kayua negar ini ngak tabiak labaih meteh ndien meng thuy ndien. Bruk pandiak tagok di baoh taneh gam haong langik bhian pandiak ba tal rilo kan kandah.

Rabuk Milton meda ngak ka rilo kong ti bao hiem bayar 30-50 ty USD ka dom ka dom urang khat lahik drap ar di bang Florida. Rabuk Milton hu prein bah tayah khang tuh tame bang Florida ngak khat lahik khut tayah trak, ngak takik abih 15 urang metai saong ngak ka yaok trieu baoh sang lahik ndien pandar. Min, bang ini maong yau plaih hu “asal kadha jhak abih” hu kuhria mboh dahlau, meda  khat lahik bao hiem meda tagok tal 100 ty USD meng rabuk Milton. 

Dalam dom kham merat mek hu jalan ngak eng pabak kaya pandap mbang, karja Indonesia nao tal bruk tagok jien mek tame di rahra tagok 5 mbang dut haong tanut kuhrua rah tapa yau urak ini. Akaok Mentri Ngak nong Indonesia brei thau rajaei Indonesia daok srap gap sa danak dak “tapol” ngak nong bahrau, tui nan hu pabak asar pajaih, khak siam; dom cong nghe, thiet bi pala drak krah hadah abih ka urang ngak nong. Negar ini jeng ba tabiak jalan ngak dui pachreih hu 50.000 urang dam dara tame gah ngak nong, daong khaol nyu hu jien mek tame tagok 5 mbang dut haong jien mek tame trung bình urak ini di urang ngak nong.