Phaok akaok negar taom gaok dom urang kamei jaoh jo 

Rajaei daok pok tagok QH brei ramik pasiam bruk tagok jien bilan 1,8 trieu đồng sa bilan, tagok labaih 20,8%, tagok jien bilan  padeih hưu daong BHXH ngan haong urang dalam sarak karja labaih 12,5%, daong jien ka urang padeih hưu dahlau di thun 1995…Bruk ramik pasiam nan hu kuhria  ngak meng harei 1 bilan 7 thun 2023, gam haong nan ramik brei tagok jien phụ cấp bruk ngak ngan haong urang jakar y tế dự phòng saong y tế  cơ sở, hu ngak tui meng bilan 1 thun 2023. 

Taom mbaok kapul urang kamei jaoh jo naih gheih hu pok meyaom dalam bruk “Yam tagok khang kadang” rah tabiak mesup ni (18/10) di Phủ Chủ tịch, Phó akaok negar  Võ Thị Ánh Xuân brei thau hatai iek praong anak pren khang song bruk ngak di urang jaoh jo Việt Nam, jeng yau urang kamei jaoh jo.Dom kreh camin urang kamei jaoh jo naih gheih harei ni  jeng lac pren pachreih ba dom adei saai urang kamei jaoh jo dalam xã hội yam tagok dalam rai duik.

Page ini 18/10, Kapol urang Kumei Ban raya HCM peih bruk Pataom mbaok pahadar 92 thun padang Kapol Urang kumei Viet Nam saong 12 thun Harei Urang kumei Viet Nam 20/10, gam jao brei Giaỉ thưởng Nguyễn Thị Định ka 13 kapol nyaom, urang naih joi, gheih ngak bruk  di dom gah yau ye: khik caga alam moi truong, kuhria caga an sinh xa hoi, daong bruk sumu gauk, patagok di urang kumei, uranaih saong dom jalan birau dalam bruk ngak di Kapol nyaom ba kein laba mai ka bhap bini.

Dalam 5 thun tapa, tỉnh Bạc Liêu jak ba dom kapul nyaom, menuac urang rik dong kadung jien “Kayua urang kan kathaot” hu labaih 48 tỷ 600 triệu đồng song taduan pandap panda, dom jalan karei karei, kuhria tabiak yaom jien lac labaih 6 tỷ đồng. Gam song nan, dom kapul nyaom, menuac urang dok hu dong meng pandap panda song dom jalan karei karei ka dom sang kan, sang jiak si kathaot,dom sang hu rai duik biak kan kandah, haong yaom jien abih tih lac labaih 67 tỷ đồng. Meng kadung jien ni hu jiak 19 ribau mbang sang kathaot hu dong phun jien song pandap  ngak mbang, rik dong biak siam tame bruk patrun kan kthaot khang kajap.

Meng akaok thun mbiah tal ini, glut jaleih di kraong Tiền, kraong Hậu  rah tabiak di 4 huyện dalam tỉnh Đồng Tháp angaok taneh praong jaik 2ha, atah jaik 27km. Langiu di nan, glut jaleih daok rah tabiak di dom kraong, ribaong dalam hamu. Kayua yau nan ye, UB bhap bini tỉnh iew dom sở, ngành, karja palei juai iek biar bruk caga glut jaleih ar kraong. Gah chức năng padang kalaoh brei thau labik mbuan gaok bala, pacang labik glut jaleih di bala biak trak, jaik glut jaleih di labik daok di bhap bini, cơ sở hạ tầng hu makna praong… khan brei thau bruk glut jaleih ka bhap bini thau, piah caga plaik njiak.

Lin Mỹ haong Hàn hu peih bruk pasram mesruh prong di puac bilan 10 ni, song hu mbaok di janih kapan haoh mesruh tàng hình F-35B, piah patagok bruk pacang caga anak dom khiêu khích meng Triều Tiên. Bruk pasram mesruh hu peih ngak tuk gah quốc phòng Mỹ - Hàn khan lac Triều Tiên meda hu khiêu khích bahrau. Mbang pasram mesruh piah paglong bruk pambuak gauk di gah không quân 2 taneh ia, jang yau bruk caga mesruh di dom gah. 

Jien Yên Nhật Bản daok trun yaom biar abih kuhria dalam 32 thun tapa. Tui nan,  yaom jien dut haong jien đôla Mỹ lac 1 đô la salih hu 149 Yên dalam harei ini 18/10.Dalam sa adit ini, jien Yên gam gam lahik yaom kayua jien đô la Mỹ tagok gam gam. Piah sumu jien ndo di darak pasar, rajaei Nhật Bản hu ba tabaik  sarak blei jien Yên, pablei đô la Mỹ, min oh patagok hu jien Yên daok laik yaom.

Mintri Tình trạng khẩn cấp Nga khan lac hu takik di abih 13 urang metai song  19 urang karei njauk rambuac dalam mbang laik kapan haoh quân sự Su-34 di labik  daok di bhap bini gah merong negar Nga, rah tabiak di melam harei dahlau di nan.Urak ni, gah chức năng hu ngak salah bruk rami ramik labik kapal haoh laik nan. Mintri Quốc phòng Nga brei thau makna ba tal bruk laik kapan haoh nan lac kayua sa dalam dom  jamriak di kapan haoh nyu khuah./.

Urang lang: Ái Nghiêm -Hanipha- 18/10