Ikan pra Viet Nam tdaun hu bruk bui sambai tuk yaom jien je pacang pablei trun yaom ikan pra di Mỹ birau hu khan brei thau lac hu trun dut saong tukvak ini thun dahlau. Dua D.N njauk cakak đơn hu tanut jien je 0USD saong 0,14 USD sa kg. Kuhria tal kreh bilan 8 meng blaoh, jien pablei ikan pra Viet Nam tapa Mỹ sumu 169 trieu USD, trun 59% dut saong tukvak ini thun 2022. Yau nan min, tapa mbang pasang iek di Mỹ, Kapul ngak saong pablei kaya ikan tabiak negar langiu di Viet Nam  caong lac meda hu siam mekre tal bruk pablei ikan pr tabiak negar langiu, hadei di rilo bilan jua kandang.

Tatua Vàm Sát 2, di huyện Cần Giờ, TPHCM bahrau hu peih pakah. Tatua Vàm Sát 2 atah abih tih labaih 1.000 m, praong 10m, jalan nao takai dua gah tatua yaok gah praong 1m, prein khang di tatua hu ngak tui njauk adat, gam haong jalan tathuak ia, truac hadah, peih bruk radaih nduac nao mai. Ong Lương Minh Phúc, Yam ndok mban khik ramik buh jien tame padang ngak dom danak dak jalan mbak nao mai di TP.HCM brei thau, tatua Vàm Sát 2 lac mbaik tatua, danak dak camriep abih ba mbaok mata bahrau ka huyện Cần Giờ. Gam tui di nan ba jalan pambuak bhum tapen tasik Cần Giờ haong pasak TP.HCM saong tỉnh Long An.  

Peih ngak Danak dak pakat negar patagok kinh te – xa hoi bhum urang bangsa takik vaktu 2021 -2030, tỉnh Sóc Trăng hu pablak tame dom phun jien peih ngak saong mek hu siam mekre tuk camereip. Langiu di bruk daong sang daok, taneh daok, salih bruk ngak, ia hacih …tỉnh daok padang ngak hu 85 danka dak jalan mbak nao mai, tatua , sang ilamu bhap bini saong dom darak pasare; 4 danak ba ia hacih. Langiu di nan, daok ramik pasiam  31 danak dak cơ sở hạ tầng; pasiam saong pabak mac moc, pandap pato saong bac  ka 3 sang bac bangsa gam bac gam daok; jaik taong abih boah sang urang nong di palei pala hu pandar ia hacih sa-at.

Meng 25-27 janih, Đồng Nai urak ini hu labik limen glai praong ka dua di dalam taneh ia. Ini lac bruk kham marat di Đồng Nai dalam peih ngak dom sarak kareik pabah mbang gilai, pasiam veik saong cak rok patagok glai, khik caga parilo janih sinh học. Dahlau di nan, Cục Lâm nghiệp hu pilih ruah Đồng Nai gam haong 3 tinh, ban karei peih ngak danak dak taong yaom ka abih tih tapon limen, parabha labik daok saong đặc tính di limen. Tapa labaih 1 thun peih ngak, danak dak mek hu dom bruk ba tabiak. Ini lac asal kadha ilamo camriep piah ka Trung ương saong tỉnh ba tabiak dom jalan ngak piah khik caga tapon limen tui jalan diukrai siam lagaih; ngak salah dom sarak saong padang Jalan ngak khik caga limen tukvak 2024-2034, pamaong tal thun 2050 payua tagok Thủ tướng Rajaei pasang iek, brei ngak. 

Parang iek thaot binguk 54 bangsa Viet Nam haong angan ieu lac “Drap ar yaom glong” daok peih tabiak di Google Arts & Culture. Parang iek labaih 200 blah thaot saong labaih 60  blah khan ao meng kan di bol bhap dom bangsa takik di VN, hu parabha jeng 8 dalikan, hu daong yaih khan thaot binguk ka urang bangsa Dao, Bố Y, Ơ Đu, Phù Lá, La Hủ, Pu Péo, Pà Thẻn saong Si La. Thaot binguk di 54 bangsa di klau bhum Bắc, Trung saong Nam  ngan haong jalan diukrai, adat cambat tanarakun karei di gauk hu brei mboh cambaic, daong urang hu thau jang saong anit ranam jang ilamu biak gheih di VN.

Gilang paraik Trung ương Hàn Quốc (BOK) mboh lac, darak pasa sang danaok taneh riya di Hàn Quốc jeng daok hu taong yaom biak glaong dut saong jien mek tame di rahra. Urak ini, urang ngak tui kuhria brei patak pataom abih tih jien bilan di drei dalam 26 thun meng meda blei hu sa baoh sang praong 90 m2. BOK ndem lac, tuk pagap haong dom kien laba kinh tế di yaok urang, yaom sang danaok taneh riya di Hàn Quốc jeng daok di tanut glaong, oh tui njauk tanut jien mek tame di rahra. 

Hadei di tuk duah mboh dom urang ruak đậu mùa khỉ di 2 dalam 3 dom  tỉnh, ban dalam negar, Trung Quốc ba tabiak bruk khik iek ruak đậu mùa khỉ tui dom ruak njom mbak nyaom B, sumu Covid-19 meng harei 20/9. Jabat y te Trung Quoc daok brei thua lac, meng bilan 5 thun 2022, jit ruak đậu mùa khỉ  rah tabiak di labaih 100 taneh  saong bhum taneh taphia negar. Bruk jit ruak di rilo taneh ia brei mboh, đậu mùa khỉ njom meng urang ini tapa urang diah saong mbak tapa rilo taneh ia saong bhum taneh langiu châu Phi, ngan haong urang metai labiah 0,1%.

Jabat kapar haok saong Vũ trụ Hoa Kỳ (NASA) brei thau: bilan pandiak thun ini lac bilan pandiak khang di abih di baoh taneh meng di tuk dom mbang pandiak khang abih hu mboh di thun 1880. NASA hu pataom dom khau tin ka nhiệt độ alam langik di mbaok taneh hu pataom mek meng yaok piluh ribau bilai kuhria mboh dahlau bruk langik tasik saong nhiệt độ mbaok ia tasik meng dom pandap panda caik di gilai saong phao. Meng nan, dom urang roh duah ilamo brei thau lac, dom bilan 6, 7 saong 8 pagam veik lac pandiak jang 0,23 độ C dut saong yaok bilan pandiak halei karei dalam dom mbang pandiak khang abih di NASA saong pandiak jang 1,2 độ C dut saong bilan pandiak tui kuhria meng thun 1951 tal thun 1980.