

Page ini (16/5), ginum biai ka Du thao Sarak di Quoc hoi ka bruk ngak, sarak patagok kinh te ta-eng urang menuac, dom urang lambaok vakil Quoc hoi taong yaom glaong jalan kuhria bahrau dalam du thao, caik dahlau bruk pandar jalan pasiam bruk kan kandah meng ngak kinh te salih ka bruk taong bhat hinh su dalam dom bruk lagaih. Dom urang lambaok vakil jeng ndom lac, ngak siam lagaih adat hukum ini brei ngak tabiak bruk tani tanat saong ngak karo kajap hatai je di gah buh jien tame, gah ngak mbang pablei salih tame hukum. Min, piah ka Sarak hu tame raidiuk, brei ka hu sarak karei, lagaih; brei tayah klak dom adat hukum oh lagaih piah kinh te ta-eng urang menuac hu “patagok”.
Tui Kong an Ban raya Ho Chi Minh, peih bruk duah thau hatai caong khin brei panuac ka du thao ramik pasiam Hukum negar angaok VneID mboh samar, lagaih, rilo siam mekre, patak pataom, njauk lagaih pandar salih taka so ba tame dalam raidiuk. Urak ini, Kong an Ban raya hu payua harak tai lieu ka dom don vi pambuak tal piah daong gauk ngak bruk. Tui nan, kong an pakat xa daok padang dom kapol nyaom nao ngak bruk pato tacei ka bhap bini dan haong jalan ngak “nao tal labik, tame tal sang, tacei ba tal yaok urang” hu cambaic laic…Kong ban Ban raya ba tabiak bruk hu 90% urang hu ginup tui bruk ba tabiak brei panuac pasiam veik Hukum negar.
Pamaong tal harei pahadar 135 thun harei menek pajeng Chu tich Ho Chi Minh, kapul Van hoc - Nghe thuat tinh Dak Lak pambuak haong Trung ndoan Canh sat co dong Tay Nguyen padang peih danak dak “Hadah miat miat angan Wa Ho”. Di ini, grauk urang brei hu puac tapuk, duah thau ka raidiuk saong bruk ngak di Chu tich Ho Chi Minh, ba drei tame rilo kadha me-in bhap bini. Ini lac bruk lagaih pamaong tal harei pahadar 135 thun Harei menek pajeng Chu tich Ho Chi Minh saong mbang ngak bruk chinh tri hu makna ngan haong dom urang canh sat co dong dahlau tuk abih mbang bac pasram di labik dalam puac bilan 5 ini.
UB bhap bini huyen Bác Ái, tỉnh Ninh Thuan birau peih bruk Pakacah Ilamo Raglai saong daoh take bhap bini hu mbaok jaik 200 nghe nhan saong urang daoh tamia bhap bini mai meng 9 xa dalam huyen. Mbang pakacah piah khik ramik saong patagok ilamo daoh tamia bhap bini, ngui cuh khan ao dom bangsa dalam huyen. Tui nan ba mbuan lagaih ka dom nghe nhan, urang daoh tamia patagok bruk parang tabiak dom janih ilamo di bangsa, lagaih haong raidiuk, daong dom jabat chuyen mon padang ngak Danak dak khik ramik saong patagok dom yaom glong di drap ar ilamo mboh dan saong oh mboh di meta dalam huyen.
Urak ini, dalam tinh Gia Lai hu peih bruk padang saong pasiam veik 7.424 baoh sang taik tahak, ngak hu labaih 91% jalan ngak. Tal ini, danak dak brei oh daok baoh sang taik tahak di Gia Lai hu daong labaih 4.500 baoh sang kathaot, jaik kathaot hu tani tanat raidiuk, gam haong nan ngak salih karei mbaok meta palei pala, patagok hatai je di Rahra ngan haong dom jalan, sarak daok dang mbang ngui rahra di Ndang saong Karja.
Bruk pakacah meblah ghe Tong thong Han Quoc dak tuk dak catang, tuk urang gah cagar veik hu rilo urang pachreih tui dak harei dak ralo, tapa mbaok caik veik gah likuh dom urang karei. Ứng cử viên Lee Jae myung dahlau diah ngak Akok đảng Dan chu, đảng cagar veik praong abih di Han Quoc dang akaok hu rilo urang pachreih tui dalam bruk palih ruah Tong thong, ngan haong 51% urang njauk hatai. Ini yau sa bruk kein lagaih praong gah cagar veik tuk peih bruk buh phieu, tui kuhria mboh dahlau rah tabiak di harei 3 bilan 6 anak tal.
Lien hop quoc ndom meyai lac Nga brei ciuk bruk ngak di drei ka bruk cuh laik mbang ahaok par MH17 di hang ahaok par Malaysia Airlines, rah tabiak di gah Pur Ukraine dalam bilan 7/2014. Taong abih 298 urang di angaok mbang ahaok par metai abih tuk sruh ahaok par njauk cuh laik meng sa ten lua kayua Nga ngak tabiak. Tong thong Putin oh njauk hatai ka bruk pasang iek di Lien hop quoc ka mbang ahaok par so angan MH17 di Malaysia Airlines njauk cuh laik./.
Trung Quoc peih palao ikan robot sinh hoc meda caluai ia yau ikan piah daong khik kraong Dương Tử, daong duah du lieu sinh thai saong daong bruk khik iek alam moi truong ia. Ikan robot sinh hoc ini atah 53 cm, hu padang dreih saong caluai ia yau ikan biak. Tuk iek tani tanat, meda mboh hu menyek hadah di akaok ikan. Ini lac sa jamraih cam mbien piah plaik njiak pandap kandah./.
Viết bình luận