Kapul meda peih bruk pasang iek dalam tukvak meng harei 1.1.2017 tal harei 30.6.2022

Thanh tra rajaeik  meda peih bruk pasang iek pambuak tal bruk ngak njauk tui adat hukum dalam bruk khik ramik kanja ka xang manjek di 19 doanh nghiệp ka bruk khik ramik, ngak tabiak saong pablei salih xang manjek saong 2 sang mac halieng manyek Nghi Sơn saong Bình Sơn. Kapul meda peih bruk pasang iek dalam tukvak meng harei 1.1.2017 tal harei 30.6.2022. Meyah mboh lac njauk ngak, meda pasang iek dom asal kadha pambuak tal dahlau atau hadei di tukvak pasang iek.

TP Hồ Chí Minh kham merat tal thun 2025, oh daok sang kathaot tui tanut chuẩn kathaot dalam taneh ia saong daok mala 0,5% sang kathaottui tanut chuẩn TP. Hồ Chí Minh.  Gam haong nan, jhul khang saong paglaong asar siam bruk pakacah gauk daong ka urang kan kathaot. Piah ngak hu bruk ini, tui UV Bộ Chính trị, Bí thư Thành ủy Nguyễn Văn Nên, danak dak patrun kathaot khag kajap tukvak 2021 - 2025 brei hu tacei pato peih ngak samu gauk, ngak khang haong dom jalan ngak siam lagaih, salih bharau. Langiu di nan, njauk sangka iek glang urang jakar ngak bruk pambuak tal patrun kathaot khang kajap, hu makna lac "kuhria ka menuac kuhria".

Xã Đa Kia, huyện Bù Gia Mập bahrau hu UBND tỉnh Bình Phước pok brei angan lac mek hu tanut chuan palei pala bahrau paglaong thun 2021. Hadei di 2 thun peih ngak danak dak padang ngak palei pala bahrau paglaong, meng dom jalan ngak siam lagaih, bahrau, tal urak ini, dalam xã hu 55,7km jalan mbak nao mai hu tuh be tong, mek hu taong abih tih mbaok jalan nao mai. Jien mek tame  yaok tui akaok manuac lac 54 triệu đồng sa urang sa thun, dom baoh sang kan kathaot daok 1,86%. Đa Kia lac xã camriep abih di huyện Bù Gia Mập ngak salah 14/14 asal kadha padang ngak palei pala bahrau paglaong.

Urak ini Bến Tre hu 3.700 kapal ikan, taong cap hu 200.000 tấn kaya ikan yaok thun. Dalam nan, ta-eng xã An Thủy (huyện Ba Tri) hu jaik 1.000 kapal ikan, taong cap hu jaik 80.000 tấn yaok thun. Kapal ikan taong cap di tasik atah hu prein khang labaih 90 CV saong yaok kapal brei hu 8 -12 urang ngak. Yau nan, kapal ikan  di An Thủy brei hu 8.000 - 12.000 urang ngak bruk taong cap di tasik atah. Min rilo po kapal ikan di Bến Tre daok dang anak rilo kan kandah kayua kurang menuac nao taong cap ikan di tasik atah. Bruk kurang menuac nao tasik daok ngak brei trun takik kaya ikan taong cap hu, ngak kan kandah tal gah kinh tế praong di tỉnh.

Gah kraong Ba Rày nduac tapa dom huyện Cai Lậy, ban sit Cai Lậy pambuak bhum Đồng Tháp Mười gah Barak haong kraong Tiền di gah maraong daok lac labik pandiak rahtabiak glut jaleih di tỉnh Tiền Giang. Di melam 7/10, sa gah ar kraong atah jaik 50 m glut jaleih trun kraong,katung tui sa baoh sang  tapen kraong laik trun kraong. Dahlau di nan, dalam bilan 7 – 8 meng blaoh, ar gah Pei kraong Ba Rày, xã Cẩm Sơn jaik taphia haong xã Hội Xuân jeng rahtabiak dua bruk glut jaleih biak trak. Ong Nguyễn Văn Út – akaok UBND xã Cẩm Sơn brei thau lac, glut jaleih di dua ar kraong daok rahtabiak sarau kadhau, kan thau dahlau hu. Kayua yau nan ye, caong hu bruk daong di tỉnh saong huyện ka jalan ngak, kadung jien buh tame saong dom jalan langyah ka nyu lagaih piah ngak pasiam veik.

Tui akaok mintri jien padai Ấn Độ, công nghệ 5G di Ấn Độ lac hu ngak abih dalam tanh ia. Urak ini, taneh ia Nam Á ini meda pabak công nghệ 5G ka taneh ia halei caong hu. Gam haong nan brei thau lac taneh ia ini meda pato pakai công nghệ Ấn Độ dalam taneh ia di thun 2024. Ini lac sa dalam dom jak jeng praong di Ấn Độ. Dahlau di nan, Thủ tướng Ấn Độ Narendra Modi hu brei tabiak mbaok dịch vụ 5G tại Ấn Độ, peih tabiak sa saman công nghệ bahrau.

Jabat khik ramik jien padai Singapore (MAS) brei ngak catang veik sarak jien padai mbang ka 4 dalam thun ini piah pacang veik bruk lạm phát di tanut glaong di abih dalam 14 thun tapa, gam tui di nan jeng kuhria brei ka dom sarak patui veik piah trun manieng dom kan kandah di bruk tagok yaom dalam dom quý anak tal. MAS jeng brei thau, bruk khik catang jien padai meda patui veik dui patrun bruk lạm phát kayua njauk kan kandah di bruk yaom biak glaong kayua bruk blei tame, min bruk njauk kakei lac kan kandah meda daok dui atah saong gah kinh tế Singapore meda tagok suai jang dalam tuk caong di dunya jeng daok trun bier.

Jit aih craoh daok pambak praong di Syri, ngak brei yaok rabau menuac jnjaom ruak, dalam nan hu labaih 60 urang metai. Gah daong ngak pahla Caritas brei panuac duh hatai ka bruk ini, khan lac mbang tamuh jit ini biak khang di Trung Đông haong Syri. Dom urang ilamu mboh lac, dom danao ia menyum saong njam patam baoh kraoh njaom nerak lac jalan ba tal mbang tamuh jit ruak ini./.

 Urang lang: Thu Thao & M. Phuong – 15/10