Kapol urang jakar di  Ủy ban Bangsa kayua Thứ trưởng, Pho Akok Ủy ban Bangsa Y Vinh Tơr ba akok birau nao rivang, alin pandap ka dom urang halau janeng, sư sãi saong urang hu angan je dalam bhap bini bangsa Khmer di huyen Tri Tôn, tỉnh An Giang uan raok Tet Chôl Chnăm Thmây. Lambaok dom halau janeng, sư sãi saong dom urang hu angan je dalam bhap bini Khmer, Hòa thượng Chau Ty – dang akok baha Soài So Tưm Nơp khan lac bhap bini Khmer tuk halei jeng jia tame bruk pan akaok di Đảng, Karja, patui bruk peih ngak siam sarak, hukum  karja. Ngan haong jalan  “ Agama - Bangsa - CNXH”, Hòa thượng patui bruk jak ba sư sãi, bol bhap Khmer patagok bruk jum pataom dom bangsa, brei ngak siam tui jalan tacei ba di Đảng, sarak, hukum di Karja, diukrai siam mekre raidiuk, gheih agama.

 Tui Tổng cục Yaok pataom, darak pasa urang ngak quý 1 daok khik hu bruk siam veik. Kapul urang ngak, dom urang hu bruk ngak di quý 1 tagok jang dut saong quý dahlau saong dut saong tukvak ini thun blaoh. Jien bilan di urang ngak kuhria rah tapa di quý 1 lac 7 triệu đồng, tagok 640.000 đồng dut saong tukvak ini  thun blaoh. Jien bilan di urang ngak lac urang likei glaong jang 1,36 mbang jien bilan di urang ngak lac urang kumei. Jien mek tame di urang ngak di bhum ban raya glaong tal 1,41 mbang bhum palei pala.

Meng harei 28/4 tal harei 1/5, tỉnh Đồng Tháp meda peih ngak harei pataom pa-ok, di ban Cao Lãnh. Bruk peih ngak harei pataom pa-ok oh lac pok meyaom gah pandap pa-ok, dom pandap ngak meng pa-ok bo brei patagok ilamu, kinh te jeng yau peih praong darak pasar pablei pa-ok dalam negar saong negar langiu. Taong abih taneh pala pa-ok thun 2022 di Đồng Tháp labaih 14.000 ha, brei baoh jaik 137.000 tấn. Urak ini, hu 3 pajaih pa-ok  hu pala ralo lac pa-ok Cát Chu, Cát Hòa Lộc saong Tượng Da xanh. Mbiah tal puac thun blaoh, tỉnh hu 296 bhum taneh pala pa-ok praong 8.138 ha hu brei ma so labik pala.

Ban raya Hồ Chí Minh meda jak ba labaih 10.200 tỷ đồng peih ngak dom sarak, jalan ngak daong patrun kathaot dalam ban dalam thun ini. Thun ini, ban raya ba tabiak bruk patrun baoh sang kathaot lac 0,38% dom baoh sang; bruk patrun baoh sang jaik kan kathaot lac 0,28%  dom baoh sang. Piah ngak hu siam lagaih danak dak, Mban tacei jalan danak dak patrun kathaot khang kajap di ban ieu kakei patui veik peih ngak pablak danak dak, jalan ngak patrun kathaot rilo gah tame danak dak kinh tế-xã hội di dom pakat, dom gah yaok thun saong abih tukvak.

Sở Jalan mbak - Pajeng ba tỉnh Bình Dương brei thau, urak ini hu 4/12 pasak đăng kiểm brei padeih ngak bruk, dalam nan  hu 2 pasak daok njauk kong an duah thau. Yau nan, Bình Dương daok hu 8 pasak đăng kiểm ngak bruk ngan haong 14/25 dây chuyền pasang iek. Radaih ô tô meng dom tỉnh, ban mai pasang iek dak harei dak ralo, dalam tuk kurang urang ngak bruk pasang iek, yau nan ye ba tal tapa prein. Anak bruk nan, Sở Jalan mbak - Pajeng ba tacei pato dom pasak peih bruk pasang iek online piah ramik tukvak ka urang ba dom radaih mai pasang iek plaik njiak bruk gar tavak, ngak gar jalan. Gam haong nan, dom pasak brei ramik ngak langiu tukvak piah rik daong bruk duh siam bruk pasang iek di dom kapol, urang.

Triều Tiên bahrau tabiak panuac chỉ trích Mỹ - Hàn Quốc daok jhul bruk catang tagok di kaoh pulao Triều Tiên tal labik di bruk mesuh metak hạt nhân, tapa dom mbang pasram mesuh quân sự  haong gauk, hu mbaok di dom drap ar praong di Mỹ. Triều Tiên brei thau lac meda cagar veik meng bruk taong tame. Triều Tiên jeng hu panuac lac Mỹ daok ngak brei bruk catang tagok saong yam tapa prein un sabar di taneh ia ini saong dom taneh ia pambuak gam.  

Akok Mentri Nội vụ Philipines brei thau meda hu rilo jakar cảnh sát pakat glong gam tame jalan pajeng ba 990kg matuy đá yaom 6,7 tỷ Pê-sô birau njauk Cảnh sát chap mek dalm chien dich peih tabiak di bilan 10 thun 2022. Yaom lac oh brei thau pakat halei cambaic laic dom urang jakar nan, min Akok mentri Nội vụ mboh lac dom urang ini daok ngak suai damuai bruk pasang iek vu an. Akok mentri Noi vu Philipines brei mboh meda ngak hacih sa-at gah cảnh sát saong taong phạt catang dom urang ngak suan.

Biến đổi khí hậu hu kein jang ka anek kara kanduh Quản Đồng – lac janih kara kanduh hu kanduh khang praong abih di dunya daok dalam angan dom janih quý hiếm daok mbuan si lahik nao. Dak harei dak hu rilo kara Quản Đồng daok ngak sruh saong caih baoh di dom mblang tasik gah pai Địa Trung Hải. dom urang sinh học tasik France, Italy, Tây Ban Nha saong Tunisia hu mboh dom sruh kara di mblang tasik di dalam taneh ia di dalam piluh thun tapa rahtabiak rilo jang dut saong tukvak 1990-2012. Dom urang ilamo brei thau lac, bruk ini meda lac kayua biến đổi khí hậu ba tal bruk peih praong labik daok di dom janih mbuan lahik nao./.