Piah kham lang talaih the kanjik katam di mbang pasang iek  mbang ka 5 di UB chau Au (EC), Thủ tướng rajaei caong khin dom mentri saong dom  bhum palei pambuak tal brei ba abih hatai ngak bruk urak ini, brei pasiam catang, pataom tame  peih ngak sumu gauk dom jalan langyah. Dalam 11 ini, peih ngak tabung glong sumu dom gah pasang iek, duah thau, lang talaih bruk gilai ikan “ 3 saoh”, gilai ikan oh ginup lagaih tabaik tasik chap ikan suan hukum, gilai ikan atah klak bruk tut angan min daok ngak mbang…Langyah salah  labik gilai ikan “ 3 saoh” dahlau harei 20/11.

Urak ini, baoh sang kathaot saong jaik kathaot di tinh Ninh Thuan jeng daok glaong dut saong kuhria rah tapa dalam taneh ia. Dalam nan hu labaih 1.600 baoh sang daok kan kandah ka sang daok, daok dalam dom baoh sang taik tahak saong daok rilo kan kandah. Kayua nan, Uy mban Bhap bini tinh Ninh Thuan kham merat tal puac thun ini padang hu 500 sang daok ka baoh sang kathaot, jaik kathaot saong thun 2025 brei oh daok baoh sang taik tahak ka urang kathaot, jaik kathaot dalam tinh.

UBND TPHCM birau ba tabiak sarak, piah padang ngak sang chung cư mini, njauk brei hu jalan nao mai praong takik di nyu 3,5m piah caga bruk pacang khuah padam khuah. Mbaok jalan brei pandok trak dom janih radaih padam khuah. Dom tanut nan piah jalan mbak brei radaih  di gah pacang khuah padam khuah  saong daong duah urang gaok bala tame hu tal sang daok meyah oh patuah hu bala apui khuah  atau bruk jhak rah tabiak.

Tal tukvak ini, yaom lac Trung ương oh ka ba tabiak Asal kadha taong yaom huyen palei pala bahrau kieu mau min huyen Xuân Lộc, tinh Dong Nai hu 12/14 xa mek hu angan palei pala bahrau kieu mau. Ong Lê Kim Bằng, Bi thu Huyen uy Xuân Lộc brei thau, huyen daok dalam tukvak salah blaoh saong ba tabiak harak gar brei angan salah blaoh jalan ngak Danak dak Padang huyen Palei pala bahrau kieu mau. Tukvak anak tal, huyen pataom tame ngak dom bruk ngak pasak yau buh jien tame padang ket cau ha tang kinh te - xa hoi. Patagok palei pala bahrau pagam haong peih ngak Danak dak Tái co cau ngak ngak nong; Sangka iek praong padang angan pandap panda gam haong patagok bruk yulit bein phun, padang bruk ngak nong tui jalan huu co.

Urang ngak nong di dom bhum pale durien di tỉnh Tiền Giang daok tame tuk paik baoh karei bilan tui kuhria mboh dahlau dui atah tal tuk Tet Nguyen dan anak tal. Yaom durien tukvak ini jeng tagok khang. Urak ini, durien  Ri6 urang blei meng 135.000 - 140.000 dong sa kilo, tagok glong jang labaih 30% dut saong bilan dahlau. Brei paik baoh kuhria rah tapa meng 20 tal 25 tấn sa hecta, yaok hecta  paik hu njauk tukvak urak ini, hadei tuk kaok abih jien buh tame ngak, urang ngak nong laba labaih dua klau tỷ đồng. 

Page 5/11 mon negar Mỹ, mbang pilih ruah mbang ka 60 di Mỹ brei peih pakak haong dom labik buh phieu di dom bang New York, New Jersey saong Virginia peih mbang raok cu tri mai tal buh phieu pilih ruah tong thong ka 47 di negar Mỹ, jeng yau dua viện di Quoc hoi mbang 119 saong thống đốc dom bang. Piah buh phieu dalam mbang pilih ruah tong thong, cu tri lac rahra negar Amerik, ginup umo 18 thun. Thun ini hu labaih 231 trieu urang Mỹ ginup kein lagaih nao buh phieu, dalam nan labaih 161 trieu cu tri hu tut angan nao buh phieu.

Page ini, Triều Tiên cuh takik abih 7 ten lua dan dao katut biar tabiak tasik gah timur negar ini, hadei tuk Bình Nhưỡng ndem puac tagok dom bruk pasram bol lin di dom gah haong Mỹ  saong dahlau dom mon peih bruk palih ruah di Mỹ. Dahlau di nan, Hãng thông tấn karja Triều Tiên KCNA ba panuac di Kim Yo Jong, adei kumei di urang ngak praong Triều Tiên Kim Jong Un mboh lac, dom mbang pasram bol lin di Mỹ, Nhật Bản saong Hàn Quốc lac bruk praong piah Triều Tiên pakhang bruk vu khi hat nhan.

Rajaei Tay Ban Nha daok peih ngak abih tih 7 ribau 500 bol lin mai tal labik gah Pur gaok ia sua ngak khut tayah. Taong yaom ka bruk khat lahik kayua mbang hajan ia sua, Akaok Mentri quoc phong taneh ia ini ndom lac, dom khat lahik khut tayah kayua hajan ia sua ngak tabiak lac biak praong. Hatai sahaneng menuac sia di Tay Ban Nha jeng hu ndom biai khang, lac karja brei thau suai ka dom kan kandah di ia sua, oh ngak hu samar drah dalam bruk gaok bala ngak takik abih 217 urang metai. Ini lac mbang ia sua trak abih chau Au dalam 50 thun./.