Peih akaok nyaom biai, Thủ tướng saong dom urang lambaok hu caik 1 minit dang kandang piah hadar tal dom urang metai dalam bruk khuah di ban Hà Nội saong 7 urang metai kayua ia sua di tỉnh Lào Cai melam 12/9 - dah page 13/9. Dahlau di nan, jala pandiak harei 13/9, Thủ tướng Phạm Minh Chính hu nao tal labik khuah biak trak damak, biak pandik harao di phường Khương Đình, quận Thanh Xuân, TP. Hà Nội. Hadei di nan, Thủ tướng hu nao tal sang iek ruak Bạch Mai, ravang dom urang njauk bala daok hu iek ruak di Khoa Cấp cứu A9 saong Khoa Nhi, saong hu panuac kakei dom y bác sĩ ngak bruk abih drei piah daong ka dom urang njauk bala. 

Tỉnh ủy, HĐND, UBND, UBMT negar Việt Nam tỉnh Vĩnh Long harei kabroi hu peih ngak dalam praong prang bruk pahadar 110 thun Harei manek Giáo sư, Viện sĩ, Thiếu tướng, Anh hùng Lao động Trần Đại Nghĩa. Tapa nan, ong Bùi Văn Nghiêm, Ủy viên TW đảng, Bí thư Tỉnh ủy Vĩnh Long hu panuac ieu abih urang Đảng, abih rahra, abih urangl lin, rahra daok diukrai,  bac taa, ngak bruk dalam tỉnh patagok hatai anit ranam palei negar, hatai tự lực, tự cường saong patagok prein khang jumpataom, sa hatung hatain haong gauk jhul khang bruk cak rok patagok kinh tế - xã hội, samar drah ba Vĩnh Long mek hu angan tỉnh cak rok patagok, kaya mada, haniem phul.

Biar harei ini (14-9), di Hội trường Thống Nhất, hu danak dak taom gaok di urang pan akaok TPHCM haong dom urang dang akaok dom kapul nyaom hu angan ieu lac “CEO 100 Tea Connect”. Bruk ngak ini daok dalam dom bruk di Diễn đàn Kinh tế TPHCM (HEF) 2023. Tapa var taom gaok nan, TPHCM caong khin ngak jeng mblang me-in di ban raya haong dom gah pambuak bruk di dunya. Dom gah pambuak bruk di dunya mai hu mbaok, meda lac dom ayut sahabat yam takai nao gam haong TPHCM angaok jalan cakrok kinh tế - xã hội dalam tukvak anak tal, abih di nyu lac dalam gah tagok hijao, kinh tế tuần hoàn.

Tỉnh Trà Vinh hu tut angan daong khik chỉ dẫn địa lý “Trà Vinh” ka li-u ralin haong yaom jien abih tih jaik 1,6 tỷ đồng. Ini lac janih baoh kayau hu tame dalam Top 50 pandap hu angan je di Việt Nam. Urak ini tỉnh Trà Vinh hu 750 ha li-u ralin, pataom rilo abih di huyện Cầu Kè. Bhum pala ini hu prein pabak ka darak pasa labaih 2,3 triệu baoh li-u ralin yaok thun saong tỉnh daok hu jalan peih praong mblang taneh tagok 5.000 ha. Tukvak 2024 - 2025, Trà Vinh daok peih bruk tut angan khik caga, khik ramik saong yaih khan chỉ dẫn địa lý ka pandap hadang thu Vinh Kim, arieng tasik saong baoh tamekai.

Cục pala drak, Mintri ngak nong saong patagok palei pala bahrau brei adat pandar pajaih padai BL9 di tỉnh Bạc Liêu. Pajaih padai ini hu pasak pajaih ngak nong saong kaya ikan Bạc Liêu ngak, (dahlau daih daok ieu lac pajaih BLR 413) dalam tuk lagaih haong pandiak bhang, ia mbak daok njom tame di bhum taneran kraong Cửu Long. Pajaih padai BL9 yuak hu 6,5 tấn sa ha, hu taong yaom lac biak siam dalam bruk ngak tabiak brah hữu cơ. Dahlau di pajaih padai BL9, di bhum taneran kraong Cửu Long pajaih padai ST25 mek hu giải "Brah bingi abih di dunya" thun 2019, jeng hu brei adat pandar yau nan 

Tòa án Pakat glaong Australia harei 13/9 brei thau lac, hãng kapar haok Qantas pateok suan hukum 1.700 urang ngak di mbaok haluk dalam tukvak pacang cakak kayua jit praong COVID-19, saong tah klaak đơn kháng cáo di hang kapar haok ini. Liên minh Urang ngak pajeng ba dunya, hu pok meyaom bruk nan di Tòa án pakat glaong, saong hu panuac ieu salih kapul urang khik ramik di hãng. Ini hu maong lac mbang pateok manuac suan adat praong abih ka oh bhian mboh di doanh nghiệp Australia. Qantas hu tabiak  panuac lac “taduan tui” panuac kaoh di tòa.

Raidiuk di bhap bini Argentina daok glaih glar tuk urang daok having akaok duah dom pandap yaom lap dalam tuk lạm phát di taneh ia ini tagok tal labaih 124% saong oh ka mboh dang veik. Ini meda lac tanut lạm phát yaok bilan glaong abih di Argentina kuhria meng thun 1991. Dahlau di nan, Rajaei Argentina brei patrun yaom jien Peso jaik 20% di kreh bilan 8, dalam tuk nan, yaok pataom bahrau abih brei mboh lac labaih 40% menuac sia Argentina daok diukrai ala tanut kan kathaot.

Jit praong COVID-19 ngak brei suai bruk daong ka uranaih tabiak truh kan kandah. Urak ini 33 trieu uranaih di dunya jeng daok dalam bruk eik lipa biak trak damak. Ini lac asal kadha pathau khan bahrau abih di Kadung jien uranaih Liên hợp quốc (UNICEF) saong Gilang paraik dunya (WB). Tui pathau khan, dom kham marat daong ka dom adei tabiak truh kan kathaot eik lipa hu gaok kan kandah saong sui veik dut saong jalan ba tabiak, ngak lahik nao kein lagaih piah salih jalan diukrai di 30 triệu uranaih. Kayua yau nan ye, dua kapul ini hu jak ba dom taneh ia brei langyah dahlau bruk kan kathaot eik lipa di uranaih./.