Page ini(21/7) di Kubo Liet si Dốc Bà Đắc, tỉnh An Giang, Thu tuong Rajaei Phạm Minh Chính hu mbaok di le vieng, ndam padhi saong ba nao dar 81 atau talang di liet si lin halan hatian, urang ilamo Viet Nam var klak rup drei di taneh ia Campuchia saong dalam taneh ia. Thu tuong lac Đảng, Karja patui veik bruk ngak ba abih hatai di drei, jak ba abih he thong chinh tri saong manuac sia xa hoi ngak siam jang bruk duah, pataom saong brei thau angan liet si, piah “oh hu liet si halei caik var, oh caik ka sa baoh sang di liet si halei cang mong kaok duah oh mboh”.

Mban peih bruk Nyaom roya di Thanh uy TPHCM ka nyaom roya Dang bo phuong, xa, dac khu saong pakat angaok ngak bruk tapak vaktu 2025-2030 padang 17 Kapol Ngak bruk. Dom kapol ngak bruk brei padang danak ngak bruk, jalan ngak di Kapol piah peih ngak tui Jalan ba tabiak dahlau  di Ban Thuong vu Thanh uy, ngak brei asar kadha saong bruk peih ngak nyaom roya di dom Dang bo hu parabha bruk ngak; tacei pato, pasang iek bruk kuhria caga peih nyaom roya; ngak bruk tapak haong dom kapol Dang hu jao bruk.

 3.300 xa, phuong dalam negar meda pablei kaya nong online meyah thau pandar hu dom lagaih meng bruk pablei salih angaok mang online saong yaih khan kaya nong njauk hatai takre di urang blei. Ini lac bruk ba tabiak di Pasak Pachreih bruk pablei salih kaya nong saong Moi truong di Mentri Ngak nong saong Moi truong. Jabat khikiek saong dom blah web pablei kaya meda pambuak bruk piah daong  dom xa, phuong dalam negar ba kaya nong tagok blah web online, pambuak dalikan bhum palei haong dom janih kaya nong, bhum pala kaya labik karei oh hu. Puac bilan 6 meng blaoh, Pho akaok UBND tinh Bắc Ninh pambuak haong urang pablei pandap online pablei hu 54 tấn baoh vải.

Dalam xã Phú Hữu, ban Cần Thơ birau rah tabiak glut jaleih taneh, ar kraong ribaong labik sang ong Nguyễn Văn Hùng daok di ribaong Tám Lẹo, palei Đông Lợi A. Labik glut jaleih taneh atah labaih 30 met, lih tame dalam ar praong 6m, taneh praong jaik 180 met vuong, ngak glut taneh jalan palei pala, kuhria khat lahik jien labaih 100 trieu dong. Meng akaok thun tal, di dom xã daok tapen kraong Hậu rah tabiak jaik 30 labik glut jaleih taneh, glut jaleih ar kraong. Ta-eng xã Phú Hữu rah tabiak  23 labik glut jaleih taneh, kuhria abih tih khat lahik jien jaik 2 ti meteh.

Yaom lac bruk pasang iek hu gah chuc nang peih ngak bhian min tinh Ben Tre ( klak) ini lac tinh Vinh Long daok rah tabiak bruk njuk mek cuah di kraong suan hukum. Dalam harei 19 bilan 7, tuk kong an tinh Vĩnh Long pasang iek rah tapen kraong Hàm Luông xã Phước Long duah mboh, chap mek 2 urang daok peih gilai ghe kayau oh hu tuan talaoh taka so, hu pagam mac njuk mek cuah ngak eng daok luac mek cuah dalam kraong tagok. Urak ini, bruk nan hu jao ka kong an xã Phuoc Long piah langyah dom bruk urang ngak suan.

Canh sat ban ine Bangkok, Thái Lan ngak salah blaoh bruk pasang iek vaktu ka 1 glut jaleih danak dak Jabat kiem toan karja hu 30 tal daok padang ngak meteh glut jaleih di ban ine Bangkok hadei tuk baoh taneh tayun megei khang 7,7 do richte di harei 28 bilan 3 ba tal labaih 100 urang metai. Canh sat ban ine Bangkok khan lac kham merat pasang iek piah thau taong abih dom urang ngak bruk caik rah tabiak bala. Tapa pasang iek hu pok tagok UB pacang caga tham nhung taneh ia.

Dom mbang ginum biai ka jien je di Han Quoc haong My daok dalam vaktu hu makna praong haong rilo jalan ngak meda rah tabiak. Mentri Pablei salih, Kong nghiep saong Nang luong di Han Quoc sanya kham merat abih hatai piah padeih hu siam mekre dom mbang ginum biai dalam harei 1 bilan 8, harei Mỹ  khan lac jien je “ hu nao hu mai” tukvak pandar daok jaik abih.

Dom urang ilamo Australia hu ngak tabiak dom janih jru birau daong ka urang ruak Parkinson tok pandar sa adit sa mbang salih ka menyum yaok harei. Janih jru ini hu brei pagam ala kalik, meda khik hu tani tanat nong do jru taong ruak Parkinson dalam 7 harei. Jru nan brei tathuak tabiak sumu yaok harei, daong urang ruak hu siam./.