Cak rok patagij ngak nong tui jalan hữu cơ, khang kajap, pandar công nghệ glaong, taong yaom bruk patagok, ngak tabiak dom chuỗi gah pandap praong, hu prein khang, kein lagaih piah pagap yau haong bruk padang angan je, jhul khang jang dom pandap panda OCOP; daong pambuak gauk dalam bruk ngak – duah jalan pablei tabiak tapa kenh online, sàn pablei salih online. Thủ tướng jeng ieu kakei tinh cak rok patagok gah du lich pambuak haong sajarah, ilamo meng kan, ndung mbak ilamo, lagaih haong kein laba di langik tasik, dom pandap panda angan je saong khik ramik, patagok dom yaom glaong ilamo, sajarah, meng kan.

Kapul ngak pahla mai meng TPHCM haong tỉnh Bến Tre pambuak bruk haong UBND ban sit Vĩnh Châu (Sóc Trăng) bahrau peih bruk alin hadiah pandap ka anek saih Khmer sang kan kandah, tuk jaik tame thun bac bahrau. Tui nan, dom urang ngak pahla hu alin hadiah katap, tapuk,, siphau saong pandap bac ta-a brei ka 400 anek saih sang kan kandah (meng tal 1 tal tal 9) lac anek saih Khmer daok di Vĩnh Hải, ban sit Vĩnh Châu. Hu thau, Vĩnh Châu hu 53% menuac lac urang bangsa Khmer, tukvak tapa ban sit jak ba hu rilo prein khang daong ka anek saih bangsa Khmer tui jalan ngak lac oh caik ka adei halei sang kan kandah oh hu nao bac.

Hadei di sa tukvak suai lavik laik yaom, jaik di ini, yaom hadang thẻ raong tui jalan công nghệ glaong di tỉnh Tiền Giang saong Bến Tre tagok yaom khang, urang raong biak chreih chrai. Urak ini, yaom hadang thẻ praong 30 drei sa kg, yaom meng 148-150 ribau dong sa kg; 40 drei sa kg, yaom mangaok mala 130 ribau dong sa kg, tagok labaih 20 ribau dong sa kg dut saong 2 bilan dahlau. Meng yaom ini, urang raong hadang thẻ công nghệ glaong hu laba jaik 30 ribau daong sa kg, ini lac yaom laba mbaih dalam tukvak tapa. Yaom hadang thẻ tagok glaong lac kayua prein blei tagok jang prein pabak, abih di nyu nan lac darak pasa gah barak lac biak takre; dalam tuk nan mblang danao raong hadang tal tukvak mek pablei biak takik.

Di tỉnh Cà Mau, gah mầm non daok kurang 139 bilik bac, nan ye sang bac nao nyim labik piah pato. Tui Sở Pato megru tỉnh, jaik abih dom puk palei tuk peih ngak danak dak rami ramik dom labik pato sit sot pataom mai labik pato praong hu pasang iek bruk anak meta di sang bac. Min di dom puk palei, jaik abih dom sang bac hu pato 2 jala sa harei daok kurang bilik bac, bilik daok biak sit, rilo meng lac sang daok hu padang ngak meng lavik mai.

Hadei di tuk yaom brah pablei tabiak negar langiu di ĐBSCL tagok, yaom brah di abih tih dom darak meng kan di TP Hồ Chí Minh jeng tagok. Di dom darak meng kan hu rilo tiểu thương brei thau lac, labaih 1 adit ini mai, yaom brah dom janih jeng tagok, meng janih brah mbiah tal brah bingi. Yaom tagok meng 2.000 - 3.000 đồng/kg. Min di dom siêu thị, brah lac pandap mbang yaok harei di Danak dak tani tanat yaom kaom di ban, nan ye jeng hu pablei tani tanat di dom gah pablei salih pandap panda tani tanat di darak pasa, pabak siam ka urang blei mbang.

 Dom mbang khuah glai harei 8/8 di Hawaii, Mỹ lac bala praong meng langik tasik hu menuac metai lahik glaong abih di labik ini kuhria meng thun 1960. Tui panuac khan barau di abih, dom menuac metai urak ini tagok tal 89 urang. Tui dom chuyên gia, bruk trak damak di dom mbang khuah glai angaok pulao Maui mai meng thu lagu, hareik hareim tamuh bak saong bruk mbuan njauk bala kayua taneh riya, jalan mbak nao mai di gah pai pulao Maui. 

Jabat yaok pataom di Liên bang Nga brei thau lac dalam quý II, kinh tế negar ini tagok 4,9% dut saong tukvak ini  thun blaoh. Ini lac mbang kinh tế Nga hu tagok dalam sa thun. Dalam tuk nan, kinh tế Nga jeng tani tanat hu bruk buh jien tame di tanut glaong. Dahlau di nan, abih tih dom pandap dalam taneh ia (GDP) di Nga trun 1,9% dalam quý I. Di quý II/2022, GDP di Nga  trun di tanut 4,5%. Thun dahlau, kinh tế Nga  trun samar drah dalam tuk negar ini gaok kan kandah meng dom bruk taong phat di gah phương Tây.

Gah Y tế dunya (WHO) di puac adit blaoh hu panuac brei thau ka bruk njaom mbak praong saong samar drah di sa biến thể bahrau di vi-rút Sars CoV-2 hu angan lac EG5. Urak ini EG5 hu 17,4 % dom urang njauk COVID-19 di dunya dalam adit tamat di harei 23/7, tagok jang duk haong tanut 7,6% di 4 adit dahlau di nan. Biển thế ini daok tagok samar drah di Mỹ saong jaik ini daok jeng chủng mboh hu rilo abih. Tui WHO, yaom lac biến thể ini dak harei dak hu rilo, min EG5 takik ngak kan kandah tal prein yava menuac sia dunya./.