Thủ tướng Phạm Minh Chính bahrau brei padang Mban pato tacei peih bruk rami ramik jabat hành chính pakat huyện, pakat xã tukvak 2023-2030. Dalam nan, Phó Thủ tướng Rajaei Trần Lưu Quang ngak akaok mban. Mban pato tacei jalan hu bruk ngak lac roh duah, pok tagok Thủ tướng tabiak jalan ngak piah langyah dom bruk hu makna, pambuak gah piah peih bruk rami ramik jabat hành chính pakat huyện, pakat xã tukvak 2023 - 2030. Daong ka Thủ tướng pato tacei dom mintri, dom jabat samu di mintri, jabat di Rajaei saong Ủy ban bhap bini tỉnh, ban di Trung ương dalam bruk langyah dom bruk hu makna, pambuak gah ka bruk peih ngak rami ramik jabat hành chính pakat huyện, pakat xã tukvak 2023 - 2030.

Thun ini, tỉnh Tiền Giang hu abih tih phun jien di karja buh brei ka bruk padang ngak lac labaih 6.111 tỷ đồng, ini lac phun jien buh brei ka bruk padang ngak glaong abih kuhria meng dahlau mai. Meng phun jien ini, tỉnh brei ngak dahlau jalan mbak nao mai saong dom danak dak pacang ia mbak, khik ia taba, ar pacang glut jaleih takai kraong, tapen tasik. Tal urak ini, jaik abih dom cống pacang ia mbak jeng hu ngak salah saong ba tame pandar, dom ar pacang saong bruk pasiam jalan tỉnh lộ hu ngak jaik blaoh. Rilo thun tapa, Tiền Giang tuk halei jeng daok dalam top dang akaok taneh ia ka bruk peih brei phun jien di karja. Meng phun jien ini, tỉnh hu ngak rilo danak dak praong daong patagok KTXH di tỉnh 

Urak ini urang pala phun durian di tỉnh Đắk Lắk daok tame dom harei puac paik baoh bilan pala thun 2022 – 2023 ni. Ong Vũ Đức Côn, Akaok Kapul durain tỉnh Đắk Lắk taong yaom lac, thun ini durain di tỉnh pala njauk, brei baoh rilo jang tuk mek hu meng 18 – 20 tấn baoh yaok ha. Abih tih baoh durain thun ini mek hu labaih 214.000 tấn, yam tapa atah di paka kuhria lac 195.000 tấn meng akaok vụ. Meng yaom pablei meng 55.000 – 75.000 yaok kg, jien mek tame meng durain tui kuhria glaong abih meng nan mai lac jaik 15.000 tỷ đồng. Yaok ha tuk kaoh abih phun jien, urang pala laba hu meng 800 triệu tal labaih 1 tỷ đồng.

Di tỉnh Tây Ninh, bilan padai Thu Đông saong padai Mùa 2023 – 2024 yaom padai jeng daok glaong min rilo urang ngak nong ndom lac yaom pandap ngak nong tagok yau urak ini, biak kan piah hu laba. Piah daong ka urang nong ngak padai Thu Đông saong padai Mùa hu laba, gah ngak nong tỉnh hu tacei gah chuyên môn brei patagok bruk tacei pato, ba brei ilamu pala ngak tui jalan “3 trun, 3 tagok”, “1 njauk, 5 trun”, patakik khak drak, jru khik caga phun pala, patagok bruk pandar khak hữu cơ, chế phẩm sinh học piah patrun jien buh tame ngak saong lagaih haong hajan, ribuk, pandiak thu. Tal urak ini, mikva urang nong trun pajaih padai bilan Thu Đông hu jaik 72ha.

Di xã Thanh Vĩnh Đông, huyện Châu Thành, tỉnh Long An bahrau rahtabiak bruk jakala klaak, ngak ka 1 urang metai, 1 urang njauk rambuac. Dahlau di nan, di maong 11 meteh harei 29/10, ong T.V.M. saong ong T.V.H daok di huyện Châu Thành daok tauk tabung sang. Tuk ini, langik oh hajan min hu taginum jhuk, blaoh tala taong ngak ka dua urang njauk rambuac. Ong M njauk rambuac trak hu sang ba nao cấp cứu di sang iek ruak min oh tapa truh.

Dalam 9 bilan tapa, UB pasang iek Kỷ luật Trung ương (CCDI) saong UB pasang iek negar Trung Quốc hu ba tabiak kỷ luật labaih 400 rabau urang jakar ngak praong dom pakat. Langiu di nan, Trung Quốc hu langyah labaih 36.000 bruk tham nhũng dalam gah dân sinh ngak khat lahik kein laba di bhap bini. 6 bilan akaok thun ini, hu labaih 20.200 bruk atau panuac khan brei thau dom urang jakar pasang iek kỷ luật ngak bruk oh njauk. Jalan ngak ini hu Trung Quốc ieu lac “mbaiy mbaok to tame dalam, saong oh cadu tangin dalam bruk klaak nao dom drei halak ngak khut gaok ia bai"​.

Labaih 130 urang, dalam nan hu jaik 20 uranaih njauk ruak viêm gan A di ban Vinnitsa, Ukraine. Kanja ban Vinnitsa hu pandar peih bruk bac taa meng atah, meng di harei 23/10 saong ka oh thau cambaih harei halei anek saih hu mai gilac sang bac. Dom panuac pathau khan camriep ka bruk klauk jru viêm gan A hu mboh di dom gah papar sap di Ukraine di harei 24/10. Mintri Y tế Ukraine khan lac hu 60 urang njauk ruak viêm gan A saong njauk tame sang iek ruak, urak ini jeng daok 14 urang daok cang bruk pasang iek puac di abih.

Takik di abih 12 urang metai dalam bruk laik kapal haok di bhum glai nhiệt đới Amazon di Brazil harei kabroi. Tui khau tin di pak nan, sruh kapal haok khuah tuk laik trun, ngak brei khuah glai di labik atah bayah joa lange jaik bhum tapen negar Peru saong Bolivia. Bilan 9 meng blaoh, sa sruh kapal haok laik dalam tuk daok duah jalan par trun tuk hajan rabuk di 1 ban sit dalam bang Amazonas ngak brei 14 urang matai. Dahlau di nan, di bilan 6, sa sruh kapal haok laik di bhum glai Amazon dalam Colombia, 4 uranaih patuah klah di metai saong daok dalam glai ram 40 harei dahlau di tuk hu duah mboh./.