Brei taong abih cơ sở peih ngak dịch vụ karaoke brei hu jalan tabiak ka 2

Thủ tướng Phạm Minh Chính birau iew brei pataom pasang iek taong abih bruk pablei salih dich vụ karaoke. Dalam nan brei panuac ka Mentri Công an tacei ba peih ngak catang dom jalan khik brei salamat an ninh trật tự, pacang khuah padam khuah di dom labik peih ngak dich vụ karaoke. Thủ tướng iew dom palei khik kajap bruk ngak tui hukum karja dalam bruk peih ngak dịch vụ karaoke; brei ngak khang bruk njauk mek veik harak adat, brei padeih ngak mbang di dom cơ sở oh ginup bruk pacang caga apui khuah. Brei taong abih cơ sở peih ngak dịch vụ karaoke brei hu jalan tabiak ka 2; brei hu dom jamraih, pandap padam apui, hu jalan langyah tuk hu apui khuah patuh, plaik njiak hu salamat.

Công an TP.HCM dok peih bruk pasang iek siam mekre ka bruk pacang khuah pandam khuah, song dong duah urang gaok bala di dom labik ngak mbang dịch vụ karaoke, vũ trường, quán bar dok di ban raya. Tapa bruk pasang iek, kapul hu langayah labaih 300 triệu đồng, duah mboh song tong phạt rilo labik oh ka khik ramik siam mekre ka bruk khuah patuh song thoát nạn. Tapa dom mbang pasang iek, kapul hu peih ngak dom bruk pacang cacak song patrun tal tanut beir di abih dom makna ba tal khuah patuh.

Nyaom biai pachreih urang buh jien tame ngak mbang di tỉnh Long An birau peih tabiak di Nhật Bản, hu mbaok tame jaik 100 dom po đầu tư, D.N Nhật Bảnm D.N Viet Nam…Di nyaom biai lambaok gah xúc tiến pablei salih Nhật Bản, ong Manabu Tsukada ngak bruk du bhum ĐNA, Long An lac labik hu rilo D.N di Nhật Bản abih dalam bhum taneran kraong Cuu Long, pataom tame ngak dom gah điện tử, cơ khí, chế biến pandap mbang…Long An nan lac labik pachreih dom po đầu tư Nhật Bản, yau nan ye dalam tukvak anak tal hu D.N Nhật Bản caong khin buh jien tame ngak mbang di Long An.

Mblang taneh rong ikan pra di Đồng Tháp meblah jiak 35% pandap ikan pra di tong abih bhum taneran krong CL. Đồng Tháp batabiak tal thun 2025, bruk pablei tabiak negar langiu ikan pra hu labaih 980 triệu USD song 100% labik rong ikan pra hu panuac sinya rong palao hacih saat tui hukum. Dalam bruk patagok gah pandap ikan pra, Đồng Tháp hu patagok dom bruk tổ hợp tác, hợp tác xã, liên doanh, pambuak bruk song dom kapul nyaom, menuac urang tui jalan pambuak gauk song pambuak tui chuỗi giá trị. Gam song nan, pambuak bruk song dom tỉnh, ban dalam bhum song dalam taneh ia, piah dui pachreih urang ngak chất lượng glong, pabak ka bruk sản xuất, ngak tabiak.

Urak ini, yaom pandap mbang piah raong glang daok tagok glong, dalam tuk yaom pandap oh hu tani tanat ba tal rilo baoh sang raong pabui di Bà Rịa - Vũng Tàu brei caik hatai, tuk raong gilac piah pablei Tết Nguyên đán 2023. Daok dom baoh sang raong manuk ada ye haduh hatai, meng ini tal puac thun urang raong meda dang anak bruk mbuan khat lahik glong kayua langik tasik oh lagaih saong yaom pandap tagok ba tal urang raong huac oh khin peih praong bruk raong glang.

Điện Buckingham khan lac, harei 8/9/2022, Nữ hoàng Anh Elizabeth II njauk metai lahik di lâu đài Balmoral (Scotland) dalam umo 96 thun. Dom urang pal akaok di dunya hu payua panuac klah rabha brei mboh hatai biak anit ranam hadei di tuk Nữ hoàng Anh Elizabeth II metai lahik. Thái tử Charles, umo 73 thun, hu kế vị Nữ hoàng song jeng patao Charles III, gam song nan lac urang pal akaok di 14 taneh ia dalam nyaom Vương quốc Thịnh vượng chung.

Tổng thống Mỹ Joe Biden meda gam pambuak bruk peih nyaom biai pakat glong ka an ninh pandap mbang dalam tukvak peih mbang nyaom bhian thun di Đại hội đồng Liên Hợp Quốc dalam bilan 9 ini. Mỹ pataom tame jang ka bruk an ninh lương thực hadei tuk mesruh metak di Ukraine ngak jhak jang bruk khủng hoảng pandap mbang di dunya, gam dom bruk kan ndah di BĐKH saong jit ruak praong COVID-19. Ngoại trưởng Mỹ Anthony Blinken bhian dang peih sa nyaom biai ka an ninh pandap mbang di LHQ di bilan 5 meng blaoh.

Sa sruh gilai pajeng tuai hu 70 urang njauk kram di langiu tasik Belem di gah brak Brazil, ngak takik di abih 14 urang metai song 26 urang karei lahik, 30 urang hu dong duik. Dom urang pal akaok bang Para gah brak negar ni brei thau, công ty peih nduac sruh gilai oh hu harak adat lagaih./.

Urang lang: Hani Pha & Bhumi – 09/09