Dang akaok Nyaom biai mbang 5, Hoi ndong pambuak bruk bhum ĐNB peih tabiak di biar harei kabroi, ngan haong kadha “Patagok kinh te 2 taka so bhum ĐNB thun 2025: Kan kandah, lagaih saong jalan langyah”, Thủ tướng Phạm Minh Chính mboh lac, bhum ĐNB lac sa dalam dom bhum hu danak dak praong, rik tame patagok bruk  di taneh ia. Dalam thun 2025, Thủ tướng caong khin brei ngak dahlau bruk patagok, kham merat patagok dua taka so, kayua hu patagok ye bruk ngak mbang kinh te meng hu cakrok patagok, palong bruk ngak, meng nan hu phun jien buh tame ngak brei patagok, meng hu tani tanat nan ninh quoc phong, tani tanat chinh tri, palong raidiuk ka bhap bini. Thu tuong caong khin, patui veik bruk ngak brei salah sarak, patui pasang iek, lang talaih dom kan kandah. 

Labik piah pablei salih palei pala, bhum ceik, darak pasar meng kan oh kurang hu dalam raidiuk bhap bini. Yau nan ye, bruk kham merat di karja dom palei pala bhum ceik, bruk daong meng sarak di Rajei, dom mentri, dom gah, bruk ngak brei patagok labik pablei salih di bhum ceik, dalam nan hu patagok dom darak meng kan mboh hu rilo siam mekre. Ta-eng vaktu 2021- 2025,  dalam negar hu labaih 3.780 darak padang ngak birau saong jaik 2.000 darak hu buh phun jien piah pasiam tagaok.

Tỉnh Kiên Giang marat ngak brei oh daok labaih 2.300 baoh sang taik tahak ka urang kathaot, jaik kathaot; daong pasiam veik 485 baoh sang kuhria jien abih tih labaih 153 tỷ đồng. Urang pan akaok tỉnh Kiên Giang tacei ba jalan ngak di taong abih gauk ba tangin tame daong ngak tui jalan sahaneng  “thei hu hagait daong nan, thei hu prein daong prein, thei hu jien daong jien, thei hu takik daong takik, thei hu ralo daong ralo”; padang ngak bahrau, pasiam veik sang danaok tui jalan ngak 3 kajap “takai sang kajap, daning kajap, pabung kajap”, ngak brei cambaic laic, njauk adat hukum.

Dalam thun ini, dalam tỉnh Sóc Trăng hu daong brei ngak oh daok sang taik tahak ka labaih 7.000 baoh sang. Marat ngak abih 9 bilan thun 2025, tỉnh ngak salah blaoh bruk oh daok baoh sang taik tahak. Urang pan akaok tỉnh Sóc Trăng hu tacei pato karja dom bhum palei samar brei hu jalan ngak cambaih laih, jak ba hu ralo prein khang jien padai piah ngak, pandar jien njuak bruk, hu lagaih, juai ngak palai pajua, pambak tame mbang jien.

Urak ini, dom doanh nghiep pak tỉnh Tiền Giang brei caga dahlau dalam bruk ngak  tabiak pandap panda, pablei salih dom pandap asar siam duh ka darak pasar Tet Nguyen dan nasak Lanaih. Abih di nyu, lac dom pandap OCOP tuk halei  jeng brei ngak dahlau saong pablei dalam tuk Tet. Kong ti TNHH Pablei salih jitvu Trí Sơn, Ban Mỹ Tho, hu ngak tabiak labaih 20 rabau kadung kaya pandap alin Tet pablei. Jaik abih, dom kadung pandap Xuan  hu ngak meng pandap OCOP di tỉnh; dalam nan hu brei ngak ralo lac ia sruh cim yen siam ka prein yawa urang saong hu rilo tuai takre blei.  

Malaysia saong Thái Lan daok dang anak mbang mbang hajan praong ka 2 saong mbuan ribuk sua. Di dua taneh ia ini hu 27 urang metai saong 500 baoh sang gaok kan knadah hadei  hajan praonhg rilo harei ba tal ia dauk biak trak. Di Malaysia, bhap bini brei  panduan ba nao labik karei  daok jiak 130.000 urang. Ia ribuk ngak khut tayak sang, ngak dom jalan pasei cakak, labaih 38.000 ha hamu  padai khut. Di gah meraong Thái Lan, hu jaik 450 .000 baoh sang gaok kan kandah kayua ribuk.

Puac adit tapa, bang tuyet me-om ralo labik di negar Mỹ, abih di nyu lac bhum Great Lakes. Ribuk tuyet  njauk tuk padei ngak adat Bayar dhar phol ngak kan kandah dalam bruk nao mai. Di bang New York tuyet laik kapan labaih 1m. Rilo jalan mbak njauk cakak pacang. Jabat chuc nang daok kham merat langyah dom jalan mbak, ndien, ia saong ba salamat ka bhap bini.

Urang di cư mai meng Tay Phi yaok thun tal kaoh pulao  Canary di Tây Ban Nha hu tagok glong dalam thun, ngan haong labaih 41 ribau  mbang, yaom lac daok sa bilan tra meng abih thun. Kaoh pulao nan hu tijuh pulao sit di langiu tasik Đại Tây Dương gah Tây Bắc Châu Phi, daok gaok kan kandah  piah taduan urang di cư suan hukum, dom urang mai ini caong khin hu sa rai diuk  siam jang Châu Âu. Thun blaoh, hu jaik 40 ribau urang di cư mai labik ni, ralo abih glong jang thun 2006./.