Thun ini, yaom lac bruk kinh te gaok kan kandah ralo min dom doanh nghiep, urang ngak hala tuk halei jeng pambuak haong Kadung jien bac Vừ A Dính kuhria abih tih jien jak ba jaik 57 tỷ đồng. Dalam thun, Kadung jien hu alin brei labaih 5.000 paok jien bac Vừ A Dính ka anek saih, sinh vien urang bangsa takik, bhum kaoh pulao dalam negar. Page harei 28/12 anak tal, Kadung jien bac Vừ A Dính, Kalup kapol  “ Daong Hoàng Sa – Trường Sa anit ranam” pambuak bruk peih ngak danak dak daoh tamia ngan haong kadha “ Jalan bingu pataih tagok glai trun tasik – 2024” saong alin brei paik jien bac ka anek saih, sinh vien bangsa takik saong kaoh pulao tasik.

Tinh Gia Lai hu jaik 60 rabau urang umo meng 15 - 60 thun oh thau akhar huroh, mablah 5,6% bol bhap dalam nagar, ralo abih lac urang kamei bangsa takik. Tui kuhria, Gia Lai hu manuac oh thau akhar huroh daok glaong. Ngak tui Danak dak pakat nagar patagok kinh te - xa hoi bhum mikva bangsa takik saong bhum ceik, tinh Gia Lai hu peih ngak labaih 730 tal bac pato akhar huroh ka jaik 23,5 rabau urang. Ong Lê Duy Định, Yam ndok So Pato magru di tinh Gia Lai khan lac, urakni tinh hu 15 dalam abih tih 17 ndon vi pakat huyen hu pato akhar huroh mek hu tanut 2, ngak hu tani tanat bruk pato magru akhar huroh ka bhap bini dalam tỉnh.

Tui Kong ty THHH MTV Jalan pasei radaih pui do thi taka 1 (HURC1) Ban Raya Ho Chi Minh, dalam harei kabroi, urang ndik radaih ndien tagok ralo veik, tal 116.000 mbang, tagok veik 26.000 mbang dut saong harei dahlau di nan. Bhap bini bhian randap haong bruk  padar radaih ndien nao bac, nao ngak, nao jarah ma-in…Yau nan ye, kuhria abih tih 4 harei Metro 1 ba tame ngak bruk peih pajeng hu jaik 800 mbang  ngan haong pajeng hu jaik 395 .000 mbang, sumu 274% dut haong bruk ba tabiak. 

Di malam tame thun barau Tet Nguyen dan Ula Naih 2025, abih 8 huyen, ban di tinh Hau Giang hu cuh phao bingu raok thun barau. Labik pusak di tinh lac ban Vị Thanh hu cuh phao bingu tal krein lingik haong 120 akaok phao, 7 huyen, ban daok veik lac cuh phao bingu meng 60 - 90 akaok phao piah daong ka palei pala hu bui sambai uan raok thun barau. Dahlau di nan, tinh Hau Giang kuhria lac hu peih Danak dak nghe thuat “Xuan Hau Giang - Caong mbeik drei patagok” di Mblang bein Hòa Binh ngan haong labih 10 kadha tamia adaoh siam makre, dhar phol di Đảng, Wa Ho, hatai anit ranam palei nagar.

Piah duh ka bruk blei pandap pandar di rahra mbang Tet thun nasak Ula Naih anak tal, UB bhap bini ban Phan Thiết, tinh Binh Thuan birau ba tabiak jalan peih ngak darak Tet. Darak Tet hu peih ngak di 18 labik di ban Phan Thiet, piah hu lagaih bruk blei saong pablei di dom urang ngak tabiak pandap, pablei salaih saong bhap bini. Dom jabat, mban, ndo vi hu jao bruk brei pabak manuac urang, radaih  piah khik iek salamat do thi, pacang caga  kol co meblah, piah ngak brei hacih jalan labik peih darak.  

Gah kapal ahaok Nhat Ban 9201.T harei ini khan lac khol klaik khau tin ngak srau dau. Tui nan, khol nyu klaik mek khau tin meng mong 7h24 minit hadah page ni saong ngak jhak di dom danak dak Gah kapal ahaok, ngak srau dau di abih tih guan peih kapal ahaok dalam nagar saong dunya. Dahlau di nan, Jabat Kapal ahaok vu tru Nhat Ban (JAXA) jang gaok khol klaik khau tin ngak kanjah, parang tabiak dom khau tin urang pandar saong dom khau tin karei di jabat ini. Tapa pasang iek, khol klaik khau tin hu pandar dom phan mem kanjah, ngak kan si thau.

Trung Quốc birau khan lac iew taong abih dom bhum palei di negar brei ngak siam bruk pambuak tal dalam tuk Tet Nguyen ndan, khik brei salamat di dom labik hu ralo manuac. Harak pathau khan hu ndem cambaic laic  bruk “ tukvak tabung glong ralo manuac tame tabiak”, khik brei salamat jalan mbak ka bhap bini, pasiam dom labik mbuan gaok bala saong khik brei lagaih bruk ngak mbang pala drak, pacang bruk njom ruak; pakhang bruk tui iek, caga dahlau saong bhian khik iek dom labik mbuan rah tabiak; caga pandap panda jru ruak  saong caga samar chip.

Gah kapal ahaok Nhat Ban 9201.T harei ini khan lac khol klaik khau tin ngak srau dau. Tui nan, khol nyu klaik mek khau tin meng mong 7h24 minit hadah page ni saong ngak jhak di dom danak dak Gah kapal ahaok, ngak srau dau di abih tih guan peih kapal ahaok dalam nagar saong dunya. Dahlau di nan, Jabat Kapal ahaok vu tru Nhat Ban (JAXA) jang gaok khol klaik khau tin ngak kanjah, parang tabiak dom khau tin urang pandar saong dom khau tin karei di jabat ini. Tapa pasang iek, khol klaik khau tin hu pandar dom phan mem kanjah, ngak kan si thau.

Nepal barau peih ngak Harei khinh khi cau dunya mbang akaok mati yaok pluh baoh khinh khi cau praong apar ngaok lingik di ban raya Pokhara, bhum Kreih nagar ni. Mban peih ngak khan lac hu 25 khinh khi cau hu mai meng ralo nagar di dunya. Mikva di bhum palei cuk ao capha meng kan taong hagar saong daoh tamia piah uan raok, di tukvak nan hu ralo urang tuai damuai mai ma-in, mek thaik thaot. Ralo baoh sang hu ba anek bik mai iek harei chreih bui nan hu dui atah tal akaok thun barau./.